CAMBADOS PODE RECUPERAR A MOSTRA DE TEATRO ESCOLAR

Mostra de Teatro Escolar

Foto: La Voz de Galicia

A recuperación da Mostra de Teatro Escolar pode converterse nunha das principais novidades da programación desenvolvida polo Concello con motivo do Día das Letras Galegas, que celebrou os seus actos centrais a pasada fin de semán.
Na xuntanza do goberno municipal co profesorado, algúns centros escolares amosaron interese por recuperar a devandita mostra, que se perdera nos últimos anos por dificultades operativas dos profesores. Finalmente, acordouse fixar a data do mércores, 28 de maio, como a sinalada para representar varias pezas teatrais que algúns centros xa teñen ensaiadas ó longo do curso. Os colexios que xa aseguraron a súa participación foron os da escola infantil A Pastora e CEIP Antonio Magariños, quedando pendentes de confirmacion outros dous centros.