RECOLLIDA DE FIRMAS EN FAVOR D INTERVENCIÓN DA CONFRARÍA DE CAMBADOS E FEGACOPE

Pladesemapesga vai solicitar a intervención da Confraría de Cambados.

Medio Rural e do Mar, rexeita unha denuncia de Pladesemapesga para intervir a Fegacope e a Confraría de Cambados malia as evidencias de presunta corrupción polo seu máximo responsable inmerso en varios procedementos xudiciais entre outras irregularidades co silencio administrativo.


O 23 de Decembro de 2012 nun escrito de denuncia presentado ante a Xunta de Galicia, Secretaría Xeral Técnica de Medio Rural e do Mar, Pladesemapesga solicita a intervención inmediata da Fegacope e a Confraría de Cambados e a paralización inmediata de pagos ou ingresos con cargo ao diñeiro público ao amparo do DECRETO 261/2002, de 30 de xullo, a cuxa tutela están supeditadas as mesmas, por presunta malversación e presunta corrupción nas mesmas baixo varios procedementos xudiciais xa denunciados e ante a apatía de Medio Rural e do Mar a cuxa resolución ou aplicación negouse de raíz.

Carta na que se solicita. PICA AQUÍ

Xa son varias as denuncias e procesos xudiciais que forman parte da vida cotiá á sombra do Sr Benito González Sineiro, Patrón Maior de Cambados e Presidente da Fegacope, pero á vez tamén membro destacado da Excomisión de afectados pola marea negra do Prestige, Fundación Océano Vivo cuxo destino dos donativos entregados con destino a os damnificados son descoñecidos i en investigación nun xulgado de Carballo, A Coruña, e onde a Consellería de Medio Rural e do Mar, tamén protexe baixo o mutismo total e absoluto tan elocuente de ocultación ou malversación do público.

O decreto recolle que os pósitos galegos han de estar baixo a tutela directa da Consellería e a Secretaría Xeral como responsable da súa xestión administrativa e económica, pero á vista dos acontecementos e da suma de denuncias, a Xunta de Galicia, abusando do silencio administrativo prefire manter arroupado e protexidos aos denunciados en contra de todo o sector marítimo pesquero de Galicia e das denuncias que entran polo rexistro non dando curso ás mesmas, polo menos que sexa de coñecemento público.


MÁIS INFORMACIÓN AQUÍ