Máis de mil gaiteiros procedentes de Galicia e do resto de España
"tomarán" o vindeiro 27 de outubro a cidade de Pontevedra na final da
XXIII edición da Liga galega de bandas de gaitas, que se desenvolverá na
avenida de Montero Ríos desde as 9:30 da mañá ata as 14:00 horas.
No encontro participarán máis dunha vintena de bandas de gaitas tanto
de Galicia coma do resto de España, que competirán por alzarse co premio
de mellor banda en cada unha das catro categorías: 4º grao, 3º grao, 2º
grao e 1º grao.
Esta será a primeira vez que a final da Liga de
gaitas, que conta co apoio da Deputación, se realice na provincia de
Pontevedra, xa que nas 22 edicións anteriores esta provincia ten
acollido fases iniciais pero nunca a final da Liga.
O presidente
da Federación Galega de Bandas de Gaitas e director da Escola de Gaitas
da Deputación de Pontevedra, Hipólito Cabezas, recalca que se trata do
evento arredor da gaita máis importante de Galicia, tanto pola cantidade
de xente que move como pola calidade dos participantes.
Cinco apartados
As bandas farán a súa actuación ó aire libre, desfilando e formando
círculos, ó tempo que han interpretar as pezas que seleccionasen para
esta ocasión.
Os xuíces, un total de dez, terán que puntuar a
cada banda en función de 5 apartados: gaita, percusión, estética,
afinación e conxunto.
No hay comentarios:
Publicar un comentario
NON SE PUBLICARÁN COMENTARIOS ANÓNIMOS. SI O COMENTARISTA QUERE PERMANECER NO ANONIMATO, NON SE PUBLICARÁ O NOME.