AS DEPUTACIONS GALEGAS SON AS QUE MAIS GASTAN EN PERSOAL

Para que despois se queixe Rafael Louzán de que se meten con el, si non quere que falen mal de el que faga as cousas ben. De ser así nadie falaría mal.De todos os xeitos nadie fala mal senón que se critica o que se considera inxusto e mal feito.

O Consello de Contas de Galicia (CCG) destaca no seu último informe de fiscalización o peso do gasto corrente na distribución de recursos das deputacións provinciais "con especial énfase" no apartado relativo ao persoal da Deputación de Ourense que en 2009, cando aínda estaba á fronte o exbarón popular José Luís Baltar Pumar, absorbeu case un 40 por cento do seu gasto.

Así, o órgano fiscalizador constata que, "ao igual" que ocorre no caso dos concellos, as deputacións galegas "destinan máis recursos" que as do resto do Estado a cubrir os gastos ocasionados polo seu persoal e tamén invisten máis en bens e servizos, sobre todo a ourensá.

O propio informe, que o conselleiro maior do órgano fiscalizador, Luciano Fariña, entregou este venres á xefa do Lexislativo, Pilar Rojo, certifica que a porcentaxe de gasto que no último exercicio analizado reservou a institución provincial ourensá para persoal é "moi superior" ao do resto de deputacións.

Nun contexto no que hai discrepancias entre os distintos partidos sobre o papel que deben xogar estas institucións, o Consello de Contas constata que entre as deputacións aprécianse "importantes diferenzas" tanto "na natureza do gasto como nos índices de execución". No seu conxunto, executaron o 54,11 por cento dos créditos autorizados, recoñecendo obrigacións por 542,7 millóns, dos que se pagaron o 94,38 por cento.

Así, a Deputación de Ourense é a que dedica unha maior porcentaxe do seu gasto ao corrente --un 67,22 por cento do total--, mentres que a de Pontevedra destina a maior parte da porcentaxe do seu orzamento a operacións de capital (41,67 por cento) e Ourense, a que menos (24,45 por cento). A Deputación de Lugo destaca "pola escasa incidencia" que teñen as operacións financeiras con respecto ás súas homólogas.