SUBIDAS IRÓNICAS E BAIXADAS DRAMÁTICAS

Que malos somos.
Dende logo moito nos gusta criticar as decisións dos políticos sen apenas saber as ventaxes desas decisións.


Moitos non entendemos as razóns que levan a Rajoy e compañía a instaurar o medicamentazo ou copago farmaceutico. Pois ben en Galiza vanse facer quince novos Centros de Saude e procederase a ampliación do Hospital do Salnés grazas a os cartos que a Xunta vai recaudar co mencionado medicamentazo. Ben sabido é que como os galegos pagamos poucos impostos non se daban recadados os cartos suficientes para levar a cabo esas obras. Polo tanto penso que é unha boa medida a do copago.


Pero asáltame unha dúbida moi grande. Un amigo meu con dous fillos e parado de longa duración no tería que pagar os medicamentos. Estaría exento do copago. Pero os rapaces están no seguro da nai que cobra pouco máis de 500 euros, que sumada a axuda que cobra meu amigo apenas chegan a 900 euros ao que hai que restar uns 400 de hipoteca.....Tería que pagar os medicamentos? E si o caso fose o seguinte. A muller e unha parada de longa duración pero o home cobra 2000 euros mensuais e a hipoteca é da mesma cuantía.........Terían que pagar?


Dados estos casos e si os dous teñen que pagar ao meu amigo non lle queda máis remedio que facer trampas, pasar os seus fillos para o seu seguro para non ter que pagar nada polos medicamentos para os seus cativos.


Outra cousa da que nos queixamos e do prezo da electricidade, da auga ou do gas. Coas novas subidas que se van a producir e pola regra de tres que hai co copago farmaceutico, coa subida da luz farán máis minicentrais, faranse máis parques eólicos, instalaranse máis campos de paneis fotovoltaicos, para que no futuro nos sexa máis barata a enerxía (esta desculpa sóame a cando fixeron a minicentral de Caldas). E cos impotos da auga teremos máis fontes para aproveitar a augas e que non se perda esa auga no mar por exemplo.
Coa subida do IBI as nosas vivendas teán máis valor e se decidimos vendela terán que pagarnos máis por ella, se hai alguén que a compre, cousa que dubido.




Pero non todo sube hai cousas que baixan. Por exemplo os soldos e o número de xente que traballa. Canto menor sean os soldos menos gastamos e polo tanto menor consumo. A menor consumo menores ingresos para a hotelería, pequeño comercio, sector do automóbil (talleres e concesionarios), carpinterías, construcción, etc etc....Polo tanto un sector que crea emprego deixa de crealo e os que non traballan tampouco consumen coma antes. O resultado final, menor consumo, máis paro.