O BNG LEVARÁ O ASUNTO DO PINAL DE MAZA INCLUSO OS TRIBUNAIS SI É PRECISO

Os nacionalistas de Cambados achegáronse onte ata o pinal de Maza para colocar uns carteis nos que se podía ver a Cores Tourís sobre un tractor. A iniciativa do BNG tiña por obxecto insistir no que eles consideran unha obra ilegal e denunciar o silencio da administración local a estas acusacións, algo que aos nacionalistas lles recorda o devandito de que o que cala, outorga, porque como di Víctor Caamaño, «cando nós denunciamos que non tiñan licenza, eles limitáronse a dicir que era mentira, pero non demostraron ou contrario».

O BNG acusa tanto ao delegado territorial da Xunta como a outros cargos municipais do PP de realizar unhas obras non só ilegais, senón tamén ilegalizables. Aínda que no seu momento o Concello dixo que todo estaba en regra e que había permiso para colocar as parras, o BNG asegura que a única forma de legalizar eses traballos sería coa reforma da Lei do Solo. «É a terceira vez que pedimos unha explicación e ou único que din é que ou están estudando vos técnicos, cando empezaron non mes de xaneiro».

Os nacionalistas acusan ao PP de enriquecerse a conta dos seus cargos cando castigan á poboación con recortes, e están dispostos a denunciar o caso do piñeiral de Maza tanto ante a Xunta como ante a Xustiza.