COMPROMISO POR GALIZA PREPARA 7 GRANDES ACTOS

A executiva de Compromiso por Galicia, formación política composta por +Galiza, Acción Galega e Espazo Ecosocialista e que busca ser alternativa no ámbito nacionalista, avanzou onte tras a reunión da súa primeira executiva que levará a cabo sete "grandes actos" para presentar a súa proposta.

Nun comunicado, a organización explicou que os seus responsables comezaron a traballar "nun calendario de traballo único", nunha "primeira toma de contacto" na que puxeron en común os "avances organizativos en todas as comarcas e localidades" de Galicia.

Os responsables de Compromiso por Galicia chamaron á "participación" nos actos, abertos ao público e nos que se debaterán "o esqueleto político e programático", en palabras de Xoán Bascuas, líder da corrente Máis Galiza.

Este portavoz apostou ademais porque "no menor tempo posible" a formación Encontro Irmandiño, encabezada por Xosé Manuel Beiras, poida unirse a Compromiso por Galicia para "ofertar á cidadanía unha proposta conxunta nacionalista, galeguista e progresista".

O venres pasado tivo lugar unha reunión en Cambados cos referentes de +Galiza na comarca na que se debatiron as opcións de como afrontar o reto cara a próximas citas electorais. Cerca de trinta persoas vencelladas o novo proxecto estiveron presentes, a destacar certas ausencias por motivos personais.