Só catro de cada 100 galegos son doantes de sangue, cando o ideal
sería que a porcentaxe fose de catro de cada cinco. Así o asegurou en Santiago a conselleira de Sanidade, Rocío Mosquera, durante a
presentación dos datos de actividade rexistrados polo Centro de
Transfusión de Galicia (CTG) o pasado ano.
En 2011, producíronse en Galicia 116.112 doazóns de sangue, unha
cifra que sitúa á comunidade por décimo segundo ano consecutivo dentro
das taxas recomendadas pola Organización Mundial da Saúde (OMS). Así,
constatáronse ao redor de 42 doazóns por cada 1.000 habitantes, cando a
OMS recomenda que estas se sitúen entre 40 e 60. Ademais, a taxa galega é
maior que a media española, de 39 procesos por cada 1.000 habitantes.
Con todo, o número de doazóns descendeu un 1% en comparación co
exercicio precedente. Respecto deste punto, Mosquera insistiu en que
tamén se produciu unha "lixeira" diminución en toda España e incluso na
media europea.
A conselleira atribuíu a baixada de doazóns experimentada por Galicia
nos últimos anos a factores sociodemográficos, como o crecente
envellecemento da poboación, o seu crecemento negativo e a dispersión
poboacional -a comunidade concentra o 55% dos núcleos existentes en toda
España-. Todo iso, segundo Mosquera, dificulta a organización das
campañas neste ámbito.
OBXECTIVOS PARA 2012
No entanto, a titular de Sanidade apelou á "probada solidariedade" dos galegos para lograr remontar este lixeiro "descenso" e incrementar o volume de doazóns este ano. Así, invitou a cidadáns a participar "activamente" na presente campaña, nos locais de atención permanente ao doante situados nas sete grandes cidades galegas e nas 10 unidades móbiles do CTG que "día a día percorren toda Galicia", tal e como destacou a responsable sanitaria da Xunta.
No entanto, a titular de Sanidade apelou á "probada solidariedade" dos galegos para lograr remontar este lixeiro "descenso" e incrementar o volume de doazóns este ano. Así, invitou a cidadáns a participar "activamente" na presente campaña, nos locais de atención permanente ao doante situados nas sete grandes cidades galegas e nas 10 unidades móbiles do CTG que "día a día percorren toda Galicia", tal e como destacou a responsable sanitaria da Xunta.
Para lograr este obxectivo, ao longo de 2012 levarán a cabo novas
campañas informativas de promoción da doazón de sangue no ámbito
intrahospitalario. Así mesmo, o pasado ano inauguráronse locais de
doazón nos principais centros hospitalarios da Coruña, Lugo e Ourense,
co obxectivo de facilitar o acceso a este proceso a máis cidadáns, como
familiares de persoas ingresadas. "Hai moitas facilidades para doar",
subliñou Mosquera.
Deste xeito, a conselleira resaltou como principais obxectivos para
2012 incrementar tanto o número de doazóns como a actual taxa de doazón,
para que se manteña dentro dos parámentros recomendados pola OMS. Os
responsables sanitarios cifran en 123.000 as doazóns que se necesitarán
nos hospitais galegos para poder levar a cabo de forma adecuada o seu
labor asistencial ao longo do presente exercicio.
DOAZÓNS MEDIANTE AFÉRESIS
Outro punto sobre o que incidiu a conselleira foi a elevada participación dos galegos en 2011 no programa de doazón mediante aférese do que, no pasado ano, rexistráronse 7.452 procesos. Esta modalidade realízase mediante separadores celulares, que permiten a obtención selectiva dos diferentes compoñentes sanguíneos nun mesmo proceso.
Outro punto sobre o que incidiu a conselleira foi a elevada participación dos galegos en 2011 no programa de doazón mediante aférese do que, no pasado ano, rexistráronse 7.452 procesos. Esta modalidade realízase mediante separadores celulares, que permiten a obtención selectiva dos diferentes compoñentes sanguíneos nun mesmo proceso.
Isto fai posible mellorar a calidade transfusional e a asistencia
sanitaria aos pacientes que, por exemplo, padecen enfermidades como a
leucemia ou necesitan un transplante de medula ósea. Por iso, Mosquera
animou á cidadanía a que "quen teña tempo achéguese e faga este acto
altruísta", a pesar de que "dura un pouquiño máis de tempo". E é que se a
duración media dunha doazón tradional é de entre 10 e 15 minutos, unha
mediante aférese afai prolongarse durante uns 50. "A doazón é vida,
estamos a dar vida", insistiu Mosquera; "hai xente que sen este sangue
non viviría".
No hay comentarios:
Publicar un comentario
NON SE PUBLICARÁN COMENTARIOS ANÓNIMOS. SI O COMENTARISTA QUERE PERMANECER NO ANONIMATO, NON SE PUBLICARÁ O NOME.