O CONCELLO INFORMA DO ARRANQUE E ADMITIDOS NO PLAN MADRUGA 19-20

O Concello de Cambados ven de informar que todas as persoas solicitantes do PLAN MADRUGA “Os primerios do cole” 2019-2020  foron admitidas.
A prestación do servizo será no seguinte horario:

•  EEI da Pastora de 07:45 a 09:15 horas.
•  CEP Antonio Magariños Pastoriza de 07:45 a 09:00 horas.
• CEIP San Tomé de 07:45 a 09:00 horas.
• CEIP Enrique Barreiro Piñeiro de 07:45 a 09:15 horas.
• CEIP de Corvillón de 07:45 a 09:00 horas.
• CEIP de Castrelo de 07:45 a 09:10 horas.

O Plan Madruga "Os primeiros do cole" iniciarase xa desde o primeiro día de colexio, o 11 de setembro co comezo do curso escolar e desenvolverase durante todo o curso lectivo. Realizarase en colaboración coas direccións de cada centro educativo no que se acade un mínimo de 10 nen@s. Terá un horario de inicio de 7:45 horas ata o comezo das clases. Durante este tempo, os monitores recibirán aos nen@s e realizarán actividades e xogos. A utilización deste servizo terá un custo para o/a usuario/a de 4 € ao mes.

O CONCELLO OFERTA O PLAN MADRUGA DO VINDEIRO CURSO E ACTIVIDADES PARA NENOS DURANTE O VERÁN

 A alcaldesa de Cambados, Fátima Abal a través da OMIX municipal informa sobre o plan madruga e a ludoteca de verán para os máis novos da casa.

               

-   A OMIX de Cambados organiza monográficos de tempo libre: talleres creativos para xullo e agosto para moz@s de 18 a 30 anos.

 MONOGRÁFICOS DE TEMPO LBRE: Talleres creativos...

... con corro, pulseiras

• Datas: 16 de xullo

• Horario: de 11 A 13 h

Gratis

... con bricks: carteiras

• Datas: 23 de xullo

Horario: de 11 a 13 h

Gratis . Precisas Bricks con tapa (Opcional: papel que che guste)

... con técnica de kumihimo

• Datas: 6 de agosto

• Horario: de 11 a 13 h

• Gratis

... con telar abalorios

Datas: 13 de agosto O Horario: de 11 a 13 h

• Gratis

... con plástico: flores

Datas: 20 de agosto Horario: de 10:30 a 13.30 h. Gratis Precisas 3 botellas

...con trapillo: bolso

Datas: 27 e 28 de agosto

• Horario: de 11:00 a 13:h

Gratis Precisas 1 ovillo de trapillo

Prazas limitadas por orde de inscrición

Información : Oficina Municipal de Información Xuvenil e voluntariado

Centro "A Merced” - Tel.986542663 / 673533331

omix@cambados.es

-   “OS PRIMEIROS DO COLE”- A Consellería de Cultura do Concello de Cambados poñerá en marcha o próximo setembro o Plan madruga para o curso 2019-2020.

Dende a Concellaría de Cultura do Concello de Cambados volverá a poñerse en marcha, un ano máis, o Plan Madruga "Os primeiros do cole" neste curso 2019-2020. Este programa vai dirixido a aquelas familias que debido as súas obrigas teñen dificultades para poder deixar aos seus fillos e fillas á hora de entrada no colexio.

O Plan Madruga "Os primeiros do cole" iniciarase en setembro co comezo do curso escolar e desenvolverase durante todo o curso lectivo. Realizarase en colaboración coas direccións de cada centro educativo no que se acade un mínimo de 10 nen@s. Terá un horario de inicio de 7:45 horas ata o comezo das clases. Durante este tempo, os monitores recibirán aos nen@s e realizarán actividades e xogos. A utilización deste servizo terá un custo para o/a usuario/a de 4 € ao mes.

Para acollerse a esta actividade será condición indespensabele cubrir unha solicitude que está a disposición de todas as familias interesadas no Rexistro do Concello de Cambados ou na Biblioteca Municipal Luís Rei. O prazo de presentación de ditas solicitudes será do 24 de xuño ao 31 de xullo, e realizarase atendendo ás seguintes indicacións:

A persoa interesada deberá achegarse á Oficina da Tesourería no primeiro andar da Casa Consistorial. Alí fará efectivo o primeiro pagamento de 4€ para que a súa solicitude sexa admitida a trámite, emitíndose o correspondente recibo.

A continuación presentarase coa solicitude cuberta e a documentación requerida, na Oficina do Rexistro, sita na planta baixa do Concello. O horario de atención ao público será de luns a venres de 8:30 a 14:30 horas.

De entre a documentación que se solicita destaca un certificado de empresa que acredite a necesidade de facer uso deste servizo, aínda que tamén se poderán atender, de no cubrirse as prazas, aquelas peticións puntuais nas que as circunstancias familiares así o esixan, como ter persoas maiores ao cargo, ou atencións médicas continuadas, debendo achegar igualmente a xustificación correspondente.

O ingreso económico non faculta ás persoas interesadas para acceder á actividade; porén deberán agardar ao 20 de agosto, data na que se publicarán as solicitudes admitidas. Darase prioridade a aquelas familias, nas que traballen os dous proxenitores e precisen deixar aos seus fillos todo o curso escolar dende as 7:45-8:00 horas. A aquelas persoas non admitidas reembolsaráselles na conta aportada na inscrición o pagamento realizado.

Para maior comodidade, a partir do segundo mes de uso do servizo, permitirase o pagamento a través de domiciliación bancaria de novembro a xuño. Tamén poderá realizarse na Oficina de Tesourería. O pagamento deberá efectuarse nos 5 días anteriores ao comezo do mes para o que se inscriba ao nen@.

-   O Concello de Cambados organiza obradoiros en xullo e agosto para nen@s de 3 a 12 anos.

-   II Campus de golf dirixido a nen@s de 6 a 15 anos, do 8 a 12 de xullo e do 5 ao 9 de agosto.

Mais información: 986 680 400//647 879 073

POR PRIMEIRA VEZ O "PLAN MADRUGA" DO CONCELLO ACOLLE A TODOS OS COLEXIOS

O próximo 12 de setembro co inicio do curso escolar 2018-2019, nos colexios de Cambados, comezará o Plan Madruga. Por segundo ano consecutivo este servizo que ofrece a Concellaría de Cultura e Ensino  do Concello de Cambados, iniciarase ao mesmo tempo ca o comezo do curso escolar. Ademais por primeira vez o citado servizo realizarase tamén no Colexio Público de Corvillón, de xeito, que o Plan Madruga  cubra as necesidades de todos os centros de ensino de Infantil e Primaria de Cambados.

Un total de 12 monitores, entre as 7:45 e as 9:00 horas,  atenderán  aos 180 nenos e nenas apuntados ata o momento nos colexios de San Tomé, Magariños, a Pastora, Castrelo, Vilariño e Corvillón.

A día de hoxe están aceptados todos os usuarios apuntados neste servizo ata esta data e seguirá acolléndose nenos e nenas naqueles colexios que aínda teñen capacidade de facelo.

Recordemos que o Plan Madruga é un servizo imprescindible para a conciliación familiar dos veciños e veciñas de Cambados e que se complementa co funcionamento dos  comedores escolares municipais.  Actualmente están en funcionamento os comedores escolares dos Colexios Magariños e Vilariño, e durante este curso agárdase por en marcha o comedor escolar do Colexio de Castrelo, así como o do  Colexio de San Tomé, no seguinte curso escolar 2019-20. Durante estes últimos dous cursos puido percibirse un claro incremento do número de alumnos/as do Plan Madruga naqueles centros nos que está en funcionamento o comedor escolar, quedando claro que son dúas medidas complementarias imprescindibles para que pais e nais poidan conciliar a súa vida laboral e familiar.

XA PODES ANOTAR AOS TEUS FILLOS NO PLAN MADRUGA DOS COLES DE CAMBADOS

Dende a Concellaría de Cultura do Concello de Cambados volverá a poñerse en marcha, un ano máis, o Plan Madruga “Os primeiros do cole” neste curso 2018-2019. Este programa vai dirixido a aquelas familias que debido as súas obrigas teñen dificultades para poder deixar aos seus fillos e fillas á hora de entrada no colexio.

O Plan Madruga “Os primeiros do cole” iniciarase co comezo do curso escolar, o vindeiro 12 de  setembro e desenvolverase durante todo o curso lectivo. Realizarase en colaboración coas direccións de cada centro educativo no que se acade un mínimo de 10 nen@s. Terá un horario de inicio de 7:45 horas ata o comezo das clases. Durante este tempo, os monitores recibirán aos nen@s e realizarán actividades e xogos. A utilización deste servizo terá un custo para o/a usuario/a  de 4 € ao mes.

Para acollerse a esta actividade será condición indespensabele cubrir unha solicitude que está  a disposición de todas  as familias interesadas no Rexistro do Concello de Cambados ou na Biblioteca Municipal Luís Rei. O prazo de presentación de ditas solicitudes será do 20 de xuño ao 31 de xullo, e realizarase atendendo ás seguintes indicacións:

• A persoa interesada deberá achegarse á Oficina da Tesourería no primeiro andar da Casa Consistorial. Alí fará efectivo o primeiro pagamento de 4€ para que a súa solicitude sexa admitida a trámite, emitíndose o correspondente recibo.
• A continuación presentarase coa solicitude cuberta e a documentación requerida, na Oficina do Rexistro, sita na planta baixa do Concello. O horario de atención ao público será de luns a venres de 8:30 a 14:30 horas.

De entre a documentación que se solicita destaca un certificado de empresa que acredite a necesidade de facer uso deste servizo, aínda que tamén se poderán atender, de no cubrirse as  prazas, aquelas peticións puntuais nas que as circunstancias familiares así o esixan, como ter persoas maiores ao cargo, ou atencións médicas continuadas, debendo achegar igualmente a xustificación correspondente.

O ingreso económico non faculta ás persoas interesadas para acceder á actividade; porén deberán agardar ao 21 de agosto, data na que se publicarán as solicitudes admitidas. Darase prioridade a aquelas familias, nas que traballen os dous proxenitores e precisen deixar aos seus fillos todo o curso escolar dende as 7:45-8:00 horas. A aquelas persoas non admitidas reembolsaráselles na conta aportada na inscrición o pagamento realizado.

Para maior comodidade, a partir do segundo mes de uso do servizo, permitirase o pagamento a través de domiciliación bancaria de novembro a xuño, ou trimestralmente. Tamén poderá realizarse na Oficina de Tesourería. O pagamento deberá efectuarse nos 5 días anteriores ao comezo do mes para o que se inscriba ao nen@.

Documentación de obrigada aportación xunto con esta solicitude:

Fotocopia do recibo do primeiro pagamento de 4€ efectuado na Oficina de Recadació.

Fotocopia do DNI do pai/nai/titor@ legal do nen@ e do libro de familia ou DNI do nen@.

Certificado de empresa, entidade ou organismo que acredite a ocupación laboral incompatible co horario de apertura do colexio.

Fotocopia do número de conta bancaria no que desexa domiciliar o pago (se é o caso).

Fotocopia do número de conta bancaria no que solicita o reembolso do pagamento de 4€ inicial (se é o caso).

De ser necesario o servizo por motivos de saúde, circunstancias familiares ou atencións médicas continuadas aportarase documentación xustificativa.

LISTA DE ADMITIDOS NO "PLAN MADRUGA" EN CADA COLEXIO DE CAMBADOS

Por primeira vez, o Plan Madruga porase en marcha desde o primeiro día de curso

Desde a Concellaría de Cultura do Concello de Cambados, volverase a poñer en marcha o Plan Madruga para o vindeiro curso escolar 2017-18. Este programa vai dirixido a aquelas familias que debido ás súas obrigas teñen dificultades para poder deixar aos seus fillos/as á hora de entrada no colexio.

Este plan desenvolverase en colaboración coas direccións dos centros educativos que acaden un mínimo de 10 nenos e terá un horario de inicio de 7:45 horas ata o comezo das clases e ao igual que no curso pasado, este servizo terá unha taxa de 4 euros ao mes.

Ademais, por primeira vez, o Plan Madruga porase en marcha desde o día inicial do curso o próximo mes de setembro. Concretamente este ano, este plan dará cobertura a 143 nenos/as do concello repartidos a razón de 68 no colexio de San Tomé, 28 no colexio da Pastora, 25 no colexio de Magariños, 12 no colexio de Vilariño e 10 no Colexio de Castrelo. As listas provisionais de admitidos poden ser consultadas a través dos arquivos adxuntos na páxina web do Concello.

DESDE HOXE PODES INSCRIBIR AOS TEUS NENOS NO PLAN MADRUGA “OS PRIMEIROS DO COLE”

Dende a Concellaría de Cultura do Concello de Cambados volverá a poñerse en marcha, un ano máis, o Plan Madruga “Os primeiros do cole” neste curso 2017-2018. Este programa vai dirixido a aquelas familias que debido as súas obrigas teñen dificultades para poder deixar aos seus fillos e fillas á hora de entrada no colexio.
O Plan Madruga “Os primeiros do cole” iniciarase por primeira vez co comezo do curso escolar, o vindeiro 11 de setembro e desenvolverase durante todo o curso lectivo. Realizarase en colaboración coas direccións de cada centro educativo no que se acade un mínimo de 10 nen@s. Terá un horario de inicio de 7:45 horas ata o comezo das clases. Durante este tempo, os monitores recibirán aos nen@s e realizarán actividades e xogos. A utilización deste servizo terá un custo para o/a usuario/a de 4 € ao mes.
Para acollerse a esta actividade será condición indespensabele cubrir unha solicitude que está a disposición de todas as familias interesadas no Rexistro do Concello de Cambados ou na Biblioteca Municipal Luís Rei. O prazo de presentación de ditas solicitudes será do 20 de xuño ao 31 de xullo e realizarase atendendo ás seguintes indicacións:
• A persoa interesada deberá achegarse á Oficina da Tesourería no primeiro andar da Casa Consistorial. Alí fará efectivo o primeiro pagamento de 4€ para que a súa solicitude sexa admitida a trámite, emitíndose o correspondente recibo.

• A continuación presentarase coa solicitude cuberta e a documentación requerida, na Oficina do Rexistro, sita na planta baixa do Concello. O horario de atención ao público será de luns a venres de 8:30 a 14:30 horas.
De entre a documentación que se solicita destaca un certificado de empresa que acredite a necesidade de facer uso deste servizo, aínda que tamén se poderán atender, de no cubrirse as prazas, aquelas peticións puntuais nas que as circunstancias familiares así o esixan, como ter persoas maiores ao cargo, ou atencións médicas continuadas, debendo achegar igualmente a xustificación correspondente.
O ingreso económico non faculta ás persoas interesadas para acceder á actividade; porén deberán agardar ao 21 de agosto, data na que se publicarán as solicitudes admitidas. Darase prioridade a aquelas familias, nas que traballen os dous proxenitores e precisen deixar aos seus fillos todo o curso escolar dende as 7:45-8:00 horas. A aquelas persoas non admitidas reembolsaráselles na conta aportada na inscrición o pagamento realizado.
Para maior comodidade, a partir do segundo mes de uso do servizo, permitirase o pagamento a través de domiciliación bancaria de novembro a xuño, ou trimestralmente. Tamén poderá realizarse na Oficina de Tesourería. O pagamento deberá efectuarse nos 5 días anteriores ao comezo do mes para o que se inscriba ao nen@.

ALUMNOS ADMITIDOS OU NON NO PLAN MADRUGA DO CONCELLO DE CAMBADOS

Resolución das solicitudes admitidas e denegadas para o Plan Madruga – Os primeiros de cole para este curso escolar.

Das 150 solicitudes recibidas, aceptáronse un total de 138. Das 12 non admitidas, 5 correspóndense co colexio de Corvillón que non reúne o mínimo de nenos e nenas necesario (10) e as restantes 7 non cumpren a premisa de estar traballando actualmente ou nun futuro próximo os dous conxuxes. De todos os xeitos, a estas persoas emprazáselles a contactar de novo ca Concellería de Cultura tan pronto como precisen realmente o servizo para estudar o caso e ver a dispoñibilidade de inclusión.

O colexio con maior demanda é o de San Tomé con 71 admitidos, seguido de o da Pastora con 26, Magariños con 20, Vilariño con 11 e Castrelo con 10.

Recórdaselles a todos os pais e nais que este servizo dará comezo o vindeiro luns 3 de outubro nos centros educativos indicados.


RESOLUCIÓN DE SOLICITUDES ADMITIDAS PLAN MADRUGA 2016-2017.