CAMBADOS HABILITA A BIBLIOTECA LUIS REI PARA A PRESENTACION DAS AXUDAS AO ENSINO E ASESORAMENTO AS ENTIDADES SEN FINS DE LUCRO

– Incrementase a 31.300 euros as axudas a ensino e transporte escolar para este ano, e mantéñense en 120.000 euros as axudas a entidades sen lucro, o prazo de presentación das axudas finaliza o vindeiro 5 de novembro.

– Cambados habilita a Biblioteca Luís Rei mediante o servizo de cita previa para presentar no Rexistro do Concello as axudas ao ensino e transporte escolar e asesorar as axudas ás entidades sen fins de lucro.

O Concello de Cambados vai habilitar durante os vindeiros 15 días na Biblioteca Luís Rei o servicio de Rexistro Municipal para a presentación das axudas ao ensino e transporte escolar e asesorar as axudas ás entidades sen fins de lucro, e desta maneira evitar aglomeracións no Rexistro do Concello de Cambados como medida de prevención ante o Covid-19.

O ano pasado máis de un cento de veciños foron beneficiarios das axudas ao ensino e transporte escolar do Concello de Cambados, o que provocaba certa acumulación de xente no Rexistro municipal para presentar a solicitude destas axudas, xa que coincidía co resto de veciños que viñan realizar outro tipo de tramites administrativos. Para que non se volva a repetir esta situación, e máis estando nunha situación de pandemia onde non son aconsellables as concentracións de persoas, o goberno municipal decidiu habilitar como Rexistro de entrada do Concello de Cambados a Biblioteca Luís Rei mediante cita previa, para que aqueles veciños que o desexen poidan presentar as axudas de estudio e transporte escolar sen ter que facer colas e de forma moito máis segura. Desta forma a veciñanza que queiran realizar a presentación da solicitude ou asesorarse nas mesmas, conforme as bases das axudas que están publicadas no portal de transparencia, dende maña poden solicitar cita previa no teléfono da Biblioteca Luís Rei, no 986 52 00 08. Neste número tamén se vai realizar a cita previa para o servizo de asesoramento a aquelas entidades sen animo de lucro que están interesadas en presentarse na convocatoria de Axudas do Concello de Cambados deste ano.

Este servizo e compatible coa presentación telemática a través da Sede Electrónica do Concello de Cambados, pero para o que é preciso dispoñer de Certificado Dixital, e do que moitas familias carecen. Por tal motivo, o Goberno municipal decidiu habilitar unha nova vía de presentación das axudas para ensino e transporte escolar destinadas a poboación con carencias económicas, co obxecto de paliar os gastos que supón a escolarización pública, ensinanzas artísticas e a formación universitaria en familias con menos recursos económicos do Concello de Cambados.

As axudas ao ensino e transporte escolar deste ano presentan varias novidades, así por unha banda, incrementase o montante total das axudas a 31.300 euros (importe que cuadriplica as axudas ao ensino de fai 5 anos). A este incremento no importe total das axudas, sumase tamén o incremento no importe das axudas a cada estúdiante. Así as axudas ao Ensino Primario e Secundario, Bacharelato, FP, Universidade e Ensinanzas Artísticas Superiores e Conservatorios increméntanse este ano a 150 euros/alumno/a, chegando as de alumnado con Necesidades Educativas Especiais aos 200 euros. Tamén se incrementaron as axudas para transporte, así os estudantes que cursen estudios fora de Cambados percibiran unha axuda de 150 euros e no caso de estar a máis de 30 quilómetros o centro educativo, a axuda ao transporte vai ser de 200 euros.

Ademais ás bases das axudas ao ensino e o transporte escolar de este ano van a chegar a máis familias de Cambados, xa que outra das novidades é que se incrementan os limites de renta per capita, así este ano as familias que teñan ingresos inferiores a 7.000 euros por membro da unidade familiar poden acceder as mesmas.

Por ultimo as axudas para o ensino deste ano van a servir, ademais de financiar os gastos que se viñan subvencionando de material escolar e deportivo dos estudantes en pasados cursos, como novidade nesta convocatoria para a adquisición de material de prevención da Covid-19 (mascarillas, xel, etc…) e de tablets ou PCs para realizar as tarefas escolares na casa.

O prazo para a presentación das axudas é dende maña 22 de outubro ata o vindeiro 5 de novembro, polo que o Goberno municipal, preocupado pola situación de crise sanitaria que estamos a vivir, está a facer tódolos esforzos posibles para incrementar e facilitar a presentación das axudas a veciñanza e entidades sen fins de lucro do noso municipio. Froito desta implicación e marcado carácter social do Goberno municipal de Cambados, incrementáronse as axudas ao estudio e transporte escolar neste ano que van chegar a un maior número de familias de Cambados, ademais de manter o noso compromiso social coas entidades sen fins de lucro nesta situación de pandemia. 

CONVOCATORIA DE AXUDAS PARA O ENSINO E O TRANSPORTE DO CONCELLO DE CAMBADOS 2020/2021

SUBVENCIÓNS MUNICIPAIS A ENTIDADES SEN FINS DE LUCRO PARA O ANO 2020

A DEPUTACIÓN ABRE A INSCRICIÓN PARA A PRIMEIRA "DEPORUTAS BTT" QUE PERCORRERÁ CAMBADOS

Enmarcada na programación Vive Deporte, coa que a Deputación de Pontevedra invita á cidadanía a gozar este verán dunha ampla oferta de actividades deportivas sostibles, este mércores 29 de xullo a institución provincial xa ten aberto desde esta mañá o prazo de inscrición para a primeira das dúas "DepoRutas BTT" previstas, que percorrerá o concello de Cambados o día 23 de agosto.

As e os interesados en participar nesta primeira ruta en bicicleta poderán inscribirse a través da web www.depo.gal ata completar o límite de 200 prazas ata o 17 de agosto, ás 12 horas. Unha vez completadas as prazas, abrirase unha lista de agarda de ata un máximo de 50 persoas. Ás persoas participantes se lles confirmará a asistencia a través da web www.depo.gal coa publicación da lista definitiva, e vía SMS, co programa "Depo Informa".

No caso das e dos menores de idade, deberán ir acompañados e en caso de familias con varias crianzas será suficiente cunha persoa representante ou titora por familia. A ruta –que inclúe os avituallamentos– estará sinalizada e as persoas participantes deberán seguir o itinerario e ritmo marcados pola organización. Será rigorosamente obrigatorio o uso de casco protector durante todo o percorrido. Despois desta marcha, a segunda das "DepoRutas BTT" programadas pola institución provincial terá lugar o 13 de setembro en Ponteareas, e o prazo de inscrición será do 24 de agosto ao 7 de setembro.

O obxectivo desta iniciativa da Deputación é fomentar o deporte á vez que se pon en valor os montes da provincia, a súa riqueza natural, ecolóxica e patrimonial. O programa está dirixido a todas aquelas persoas maiores de 16 anos (persoas, grupos ou familias) que gocen do deporte en contacto coa natureza e aposten por actividades sustentables.

MAÑÁN SEGUNDA SESIÓN DE CINE NA RÚA NO PARQUE DE TORRADO

Mañán mércores segunda película que poderase ver no parque de Torrado dentro do ciclo "Cine na Rúa". Trátase de "La Gallina Turuleca" que será proxectada a partires das 22:30 hrs.


Turuleca é unha galiña que non pode poñer ovos, e por este motivo sofre a burla do resto do galiñeiro. Con todo, a súa vida cambia para sempre cando Isabel, unha antiga profesora de música, descobre que Turuleca é capaz de entender aos humanos, falar e mesmo cantar. Iso converteraa na estrela do circo Daedalus. Pero, o malvado Armando Tramas quere facerse co circo, e Turuleca non se dará por vencida e loitará polo circo e porque os seus soños fáganse realidade. Esta película de animación para o público infantil diríxena Victor Monigote e Eduardo Gondell. Os humoristas Eva Hache e José Mota poñen voz aos protagonistas da película.

ABERTO O PLAZO DE INSCRICIÓN PARA O PLAN MADRUGA DE CAMBADOS

Dende a Concellaría de Cultura do Concello de Cambados volverá a poñerse en marcha, un ano máis, o Plan Madruga "Os primeiros do cole" neste curso 2020-2021. Este programa vai dirixido a aquelas familias que debido as súas obrigas teñen dificultades para poder deixar aos seus fillos e fillas á hora de entrada no colexio. 
O Plan Madruga "Os primeiros do cole" iniciarase en setembro co comezo do curso escolar e desenvolverase durante todo o curso lectivo. Realizarase en colaboración coas direccións de cada centro educativo no que se acade un mínimo de 10 nen@s. Terá un horario de inicio de 7:45 horas ata o comezo das clases. Durante este tempo, os monitores recibirán aos nen@s e r ealizarán actividades e xogos. A utilización deste servizo terá un custo para o/a usuario/a de 40 € ao ano. 
 Para acollerse a esta actividade será condición indespensabele cubrir unha solicitude que está a disposición de todas as familias interesadas na Biblioteca Municipal Luís Rei.
O prazo de presentación das solicitudes será do 15 de xullo ao 14 de agosto e deberá constar o número de conta bancaria onde se lle efectuará o cargo do importe. Hai que salientar que desde o Concello informan de que as persoas que abonaron as taxas do servizo do Plan Madruga o pasado curso veranse compensadas na parte proporcional correspondente aos tres últimos meses do curso nos que se suspenderon as clases e nos cales non se prestou este servizo.

O CONCELLO DE CAMBADOS ABRE O PRAZO DE INSCRICIÓN DA GARDERIA

O Concello de Cambados abrira o período de inscrición da Garderia Infantil Municipal de Cambados a partir do luns 1 de xuño e ata o 15 de xuño.  

A presentación das solicitudes realizarase preferentemente por Internet a través da sede electrónica do Concello de Cambados, mediante o modelo de instancia xeral e achegando o formulario de inscrición que se pode descargar dende a paxina web do Concello. Estes formularios tamén poderanse recoller na oficina do Rexistro do Concello de Cambados.

O Concello busca diminuír a inquedanza das familias sobre o vindeiro curso na escola infantil, que abrangue nenos de 0 a 3 anos, á espera de que, tanto o Goberno central coma a Xunta de Galiza,  fixen uns criterios claros sobre os prazos e condicións para a reapertura destes centros.

MATRICULA-2020-21-GARDERIA

CLAVES, REQUISITOS E PRAZOS PARA PEDIR O INGRESO MÍNIMO VITAL

O ingreso mínimo vital que aprobou este venres o Goberno, poderase solicitar a partir do próximo 15 de xuño, aínda que, para as solicitudes presentadas nos tres primeiros meses, concederase con efectos retroactivos ao 1 de xuño. Ademais, durante o primeiro mes de vixencia da prestación, actuarase de oficio para que se abone a uns 100.000 fogares que cumpren os requisitos, sen que sexa necesario que a soliciten. A medida terá un custo anual aproximado duns 3.000 millóns de euros. A prestación pretende chegar a 850.000 fogares, un 16% deles monoparentais (nun 90% encabezados por unha muller), nos que viven 2,3 millóns de persoas, un 30% delas menores, tal e como explicaron este venres os ministros responsables da medida, o ministro de Inclusión, Seguridade Social e Migracións, José Luis Escrivá, e o vicepresidente segundo do Goberno e ministro de Dereitos Sociais e Axenda 2030, Pablo Iglesias. APROBADO ESTE VENRES Durante a rolda de prensa posterior ao Consello de Ministros Extraordinario no que se aprobou esta medida, Escrivá explicou que con este ingreso mínimo vital prevén reducir nun 80% a pobreza extrema, unha situación que actualmente afecta a 600.000 fogares e 1,6 millóns de persoas. Ademais, precisou que esta redución podería chegar "ao 90% nos fogares monoparentais e noutro tipo de fogares con fillos". O ministro de Inclusión, Seguridade Social e Migracións apuntou que nos primeiros 15 días de xuño, poderán recoñecer a "un grupo moi importante de fogares" que recibirán de oficio o ingreso mínimo vital. O ingreso mínimo vital parte de 14 tipoloxías de fogares (en función do número de membros e de se son monoparentais) e establece un nivel de renda garantizable diferente para cada tipo de fogar. O nivel mínimo, que corresponde aos fogares unipersoais, é de 5.538 euros ao ano, o equivalente a unha pensión non contributiva. A partir desta contía establécese un coeficiente adicional por cada membro do fogar e un beneficio para os fogares monoparentais.

RENDA MEDIA GARANTIDA DE 10.070 EUROS ANUAIS A prestación está deseñada de forma que completa as rendas preexistentes (entre outras, as salariais), ata o limiar garantido para cada tipo de fogar. Se non se conta con rendas, aseguraríase a totalidade do limiar garantido; pero se se dispón delas, cubriríase a diferenza entre o limiar garantido e a renda xa existente. Desta forma, a renda media garantida é de 10.070 euros ao ano por fogar, mentres que o importe da prestación será duns 4.400 euros anuais. O Goberno estima que custará 3.000 millóns de euros ao ano. En cada fogar haberá un titular que solicitará a prestación. Se o fogar está formado por unha soa persoa o titular deberá ter entre 23 e 65 anos e levar polo menos tres anos constituído como fogar. Se o fogar ten dous ou máis membros, de maneira xeral a idade do titular estará entre 23 e 65 anos salvo nos casos en que se conte con menores a cargo. Estes fogares deberán levar constituídos polo menos un ano. Para todos os tipos de fogar requirirase polo menos un ano ininterrompido de residencia legal e efectiva en España, excepto nas situacións de violencia de xénero, trata de seres humanos e explotación sexual. Para que lle sexa recoñecida a prestación, o fogar debe ter uns ingresos totais inferiores á renda garantida para o seu tipo de unidade de convivencia. Ademais, para certificar que o Ingreso Mínimo Vital chegue aos fogares máis vulnerables, esixirase un patrimonio (descontando a vivenda habitual) inferior a tres veces a renda garantida anual para un fogar unipersoal, cunha escala de incrementos por número de membros no fogar. TELÉFONO 900 DE INFORMACIÓN E SIMULADOR A solicitude será multicanle de forma que se poderá presentar a través da sede electrónica da Seguridade Social ou enviando a documentación por correo ordinario. Ademais, permitirase o acceso a través dos concellos unha vez asínense os convenios previstos e nos Centros de Atención e Información da Seguridade Social cando retomen a atención ao público. Para facilitar información aos posibles beneficiarios, poñerase en marcha un teléfono 900 e un simulador na páxina web da Seguridade Social, onde tamén se poderán consultar dúbidas a través do asistente virtual. Ademais, os beneficiarios contarán con incentivos á contratación e tamén se creará un 'selo social' para as empresas que lles ofrezan formación e emprego. "Aquelas empresas que axuden a estes colectivos e permítanlles unha maior integración no mercado de traballo ou lles fagan descontos en compras, se cumpren determinadas condicións, van ter un selo social cun reconomcimiento ao labor que están a facer", explicou Escrivá. Así mesmo, fomentarase a participación no mercado laboral con incentivos, de forma que cando o titular da prestación non teña emprego e atópeo, parte do seu salario estará exento transitoriamente no cálculo da prestación. No caso de que estea ocupado, cando o seu salario increméntese, a contía da prestación reducirase nunha cantidade inferior. No caso de que o titular non estea ocupado, esixirase a inscrición como demandante de emprego para o acceso á prestación.

PARA POBREZA SOBREVINDA POLO COVID-19 Para o recoñecemento da prestación teranse en conta os ingresos do ano inmediatamente anterior, aínda que para atender as situacións de vulnerabilidade xeradas pola pandemia de COVID-19, tamén se poderá recoñecer para solicitudes cursadas durante 2020 @teniendo en cuenta a situación de ingresos deste ano. "Se un fogar dáse conta de que está a ter unha caída de ingresos moi intensa, pode facer unha declaración responsable, preséntanos os seus ingresos do ano 2020 e se esa caída supera o 50% da renda que tivo en 2019 e se ten un patrimonio particularmente pequeno, recibirá o ingreso mínimo vital", precisou o ministro de Inclusión. O resultado do Ingreso Mínimo Vital e das distintas estratexias e políticas de inclusión será avaliado anualmente pola Autoridade Independente de Responsabilidade Fiscal ( AIReF), mediante a emisión da correspondente opinión. O Ingreso Mínimo Vital chegará a 850.000 fogares que se atopan entre o 17% máis pobre da poboación, cunha renda dispoñible media que non chega aos 310 euros mensuais. Preguntados por se cren que se pode quedar corta a axuda, Escrivá asegurou que neste caso tiveron acceso "cun nivel de detalle extraordianrio" á renda de todos os españois e puidérono "contrastar co seu patrimonio".

O COMPORTAMENTO DOS GALEGOS TRAS O DESCONFINAMIENTO, «MODÉLICO»

O delegado do Goberno en Galicia, Javier Losada, afirmou hoxe, tras coñecer os datos concretos da primeira xornada de saída da infancia e os datos provisionais do día de hoxe, que “o comportamento do 99% das galegas e os galegos é modélico”. Javier Losada detallou que en Galicia, como no conxunto do Estado, o cumprimento das normas e o civismo é xeneralizado. Por ese motivo expresou o agradecemento do Goberno e desexou que a tendencia actual mantéñase nos próximos días, debido a que “calquera erro supoñerá un gran custo”, matizou. Durante o día de onte, o primeiro de saída da infancia, o labor das forzas e corpos de seguridade do estado foi eminentemente informativa e, na inmensa maioría das situacións, estivo acompañada pola vontade de colaboración das galegas e os galegos.

Ademais, o comportamento das nenas e os nenos foi o adecuado en case todos os casos, pois a maioría de advertencias informativas estivo vinculada a grupos de nais e pais que non cumprían coas recomendacións de distancia social de seguridade para evitar contaxios. O delegado do Goberno insistiu na regra dos 4 ‘uns’. Esta mantén que, como máximo, debe realizarse 1 paseo ao día durante 1 hora e a 1 quilómetro de distancia do domicilio. Nese paseo debe haber 1 adulto ao coidado das nenas e os nenos que, como máximo, poden ser tres. Esta é a primeira das medidas previas ao desconfinamiento da poboación, que continúa cun alto grao de cumprimento. Javier Losada recalcou a importancia de seguir cumprindo as normas, pois a pandemia está en fase de remisión e é crucial non desandar o andado e protexer ás persoas de servizos esenciais como sanidade, seguridade ou alimentación.

O GOBERNO RECTIFICA E OS NENOS PODERÁN SAÍR A PASEAR

O ministro de Sanidade, Salvador Illa, anunciou que os menores de 14 anos poderán saír a pasear a partir deste domingo 26 de abril. O Goberno rectificou o anuncio que fixera esta mesma mañá que só autorizaba aos menores acompañados dun adulto para acudir ao supermercado, o banco ou a farmacia, segundo as directrices do estado de alarma. A medida recibiu numerosas críticas desde a oposición e diferentes sectores sociais.
Illa explicou en rolda de prensa sorpresa desde Moncloa que "estas medidas de alivio" para os nenos aprobaranse este mércores no Congreso na terceira prorroga do confinamento ata o 9 de maio, e que esta fin de semana difundirase unha guía coas recomendacións concretas coas que os menores poden saír á rúa para dar paseos. "Este Goberno escoita á sociedade", dixo Illa que sinalou que tras cinco semanas de estado de alarma de "gran dureza" e un cumprimento "exemplar" por parte da poboación, decidiu tomar esta decisión á que está habilitado como titular de Sanidade.

Tras o anuncio realizado esta mañá pola portavoz do Executivo, María Jesús Montero, despois da reunión do Consello de Ministros, e as críticas que suscitou entre os grupos de oposición e a sociedade, o ministro anunciou esta tarde que, esta fin de semana, emitirá unha orde pola que os nenos poderán saír a dar paseos cos seus pais. Tamén poderán acompañalos ao supermercado, a farmacia ou o banco, como se anunciou ao principio.
Illa precisou que "dar paseos" é "dar paseos" e que nos próximos días regularanse as condicións dos mesmos, como a distancia ou o tempo máximo. Engadiu que, de aprobarse mañá a ampliación do decreto de alarma, esta medida de "alivio" poderase exercer desde o mesmo domingo 26 de abril.

A XUNTA PRESUME DE DATOS NEGATIVOS

- O INE publicou hoxe as cifras provisionais do padrón a 1 de xaneiro de 2020

- O padrón galego aumentou en 770 persoas respecto ao 1 de xaneiro de 2019 e volve superar a barreira dos 2,7 millóns de habitantes

- A poboación estranxeira aumentou un 11,1%, o que indica que cada vez máis persoas deciden vir a vivir a Galicia desde outros países

A poboación de Galicia medrou no ano 2019 ata os 2.700.269 habitantes, o que supón o primeiro incremento de poboación que se rexistra na comunidade autónoma nos últimos dez anos, segundo os datos provisionais do Padrón Continuo publicados hoxe polo Instituto Nacional de Estadística (INE).

En concreto, segundo as cifras do INE a poboación de Galicia a 1 de xaneiro de 2020 situouse en 2.700.269 habitantes, o que representa un aumento de 770 persoas respecto á mesma data de 2019. Este é o primeiro incremento anual de poboación que rexistra Galicia desde o 1 de xaneiro de 2010. Ademais, con este crecemento, Galicia volve superar a barreira dos 2,7 millóns de habitantes.

Os datos do instituto estatístico mostran tamén un crecemento da poboación estranxeira inscrita no padrón galego, que aumentou en 11.154 persoas, ata situarse nos 112.022 habitantes. As principais nacionalidades inscritas no padrón son Portugal (14.739), Venezuela (12.622), Brasil (9.367), Colombia (8.242) e Romanía, con 8.057 habitantes. Este incremento indica que cada vez máis persoas deciden vir a vivir a Galicia desde outros países, ben porque retornan a Galicia ou ben porque deciden instalarse por primeira vez na comunidade autónoma.

Unha vez publicados hoxe estes datos provisionais por parte do INE, o Instituto Galego de Estatística (IGE) vainos incorporar á súa base de datos para realizar a correspondente explotación estatística dos mesmos e proceder posteriormente á súa difusión.

A Xunta como vedes "saca  peito" duns datos moi negativos. Si aumentou o número de extranxeiros en 11.154 e o padrón xeral so en 770 estamos ata un decrecemento de case de 10.400 persoas.
Quere decir que nun ano, do 2018 ao 2019 Galicia perdeu máis de 10.000 galegos. Ou por defunción, non compensada polos nacementos ou por a marcha dese número de galegos a outros puntos do estado ou ao estranxeiro. O que dá conta de que as políticas de Feijóo non están dando froitos, todo ao contario están empuxando aos galegos, na súa maioría xóvenes a buscar fora de Galicia o que non atopan na nosa terra. 

WEBS PARA QUE OS NENOS PASEN ESTES DIAS ESTUDANDO DE FORMA DIVERTIDA

Nestes vindeiros días os rapaces deben permanecer nas casas debido a situación que nos trae o Coronavirus e polo tanto non teñen clases. Desde aquí ofrecemos unha listaxe de iniciativas de Apps españolas que están a ofrecer gratis os seus contidos Premium para axudar a que os nenos sigan aprendendo desde a casa.
Academons Primaria: a App de Homeschooling está a ofrecer 30 días de acceso gratis a todo o seu catálogo de xogos de Matemáticas, Lingua, Inglés, Ciencias e Science http://bit.ly/academons_Gratis

Ta- tum: do grupo editorial Edelvives, ofrece acceso gratuíto ata o mes de xullo a esta plataforma para o fomento da lectura http://bit.ly/edelvives_ Tatum
Smartick: esta App malagueña está a ofrecer acceso 15 días gratis ao seu App para repasar as matemáticas. http://bit.ly/smartick_15
Genially: a plataforma para facer presentacións interactivas ofrece por un tempo limitado os seus persoais e recursos Premium gratis http://bit.ly/genially AMCO: Acceso os xogos de Mates e Lingua da súa App Eduzland gratis por un tempo limitado https://www.amconews.es/eduzland
Smile and Learn: esta App para os máis pequenos da casa está a ofrecer acceso gratuíto durante un mes ao seu catálogo de xogos interactivos. http://bit.ly/smile_ learn
M.A. R.S.: esta App do grupo SM ofrece códigos desconto para acceder aos contidos de 3º a 6º de Primaria. https://mars.apprender.sm/
Cerebriti Edu: ofrece os seus máis de 50.000 xogos de Primaria e Secundaria gratis ata final de curso https://edu.cerebriti.com/

Todas as materias de Primaria, nunha soa App. Centos de actividades adaptadas ao currículo de cada curso, para cada materia:desde Matemáticas, Lingua, Ciencias Naturais ou Sociais a Inglés ou Science. http://www.academons.com/

MAÑÁN PECHA O CICLO DE TEATRO INFANTIL E FAMILIAR

Este Domingo, día 16 de Febreiro, vaise representar a cuarta das obras programadas no ciclo de teatro infantil e familiar deste 2020 no Concello de Cambados no que colabora a Consellería de Cultura da Xunta de Galicia.
Con esta representación remata o ciclo por este ano.

“A NENA E O GRILO MÁIS ALÓ”, da compañia Magín Blanco é a encargarda de poñer o broche final ao exitoso ciclo que encheu o auditorio domingo a domingo.

A nena e o grilo esmagan sen querer á súa amiga Xertrude a araña… Buscando un xeito de devolverlle a vida atópanse cuns artistas ambulantes que os guiarán a travs da maxia e da música ao país dos mortos onde tentarán atopar a Xertrude para traela de volta. A Nena e grilo máis aló é unha historia divertida e evocadora que nos transporta ás buscas máis insólitas. Un espectáculo músico/teatral con Magín Blanco e con motivo do proxecto cultural Sonoro empeño. Dirixido a público infantil, a partir de 3 anos, esta última entrega de «A nena e o grilo» achéganos outra volta unha divertida aventura na busca das cousas máis insólitas... Que pasa logo da morte? O musical infantil máis aclamado do panorama galego chega de novo aos teatros con esta última creación de Magín Blanco e Teatro Ghazafelhos.

Mañán domingo ás seis da tarde ao auditorio A Xuventude. O prezo é de 3,50 euros e de 2,50 euros en tarifa reducida para menores de 18 anos, xubilados, pensionistas e parados.

A GALIÑA AZUL, MAÑÁN NO AUDITORIO MUNICIPAL

Este Domingo, día 9 de Febreiro, vaise representar a terceira das obras programadas no ciclo de teatro infantil e familiar deste 2020 no Concello de Cambados no que colabora a Consellería de Cultura da Xunta de Galicia.

Neste caso é o turno da compañía Tanxarina, coa obra “A GALIÑA AZUL”, un espectáculo que mistura títeres e actores, baseado no conto homónimo de Carlos Casares. Está orientado ao público infantil e familiar, que é co que habitualmente traballa ao longo da sua dilatada traxectoria profesional. "A galiña azul" resulta unha convincente arma contra a inxustiza, unha clara defensa da diversidade. Fainos lembrar que aínda é posible loitar contra a homoxeneidade cando esta vén imposta, que formas alternativas de resistencia seguen existindo aínda que sexa pintando galiñas de azul e organizándose de xeito colectivo.

A galiña azul, o texto clásico de teatro para nenos e nenas que escribiu Carlos Casares en 1968. O espectáculo, dirixido e adaptado por Cándido Pena, é a última das propostas escénicas baseadas na obra do autor homenaxeado co Día das Letras Galegas 2017.

A galiña azul que propón Tanxarina combina traballo actoral con monicreques, unha combinación marca da casa nunha compañía das máis veteranas de Galicia. En escena combínanse técnicas de manipulación de bonecos, a cargo de Pablo Giráldez Pastor, creador dos mesmos; e a presenza sobre as táboas dos actores Miguel Borines Fernández, Andrés Giráldez Rio e Eduardo Tatán.

SEGUNDA ENTREGA DE TEATRO INFANTIL E FAMILIAR DO CONCELLO DE CAMBADOS

Este Domingo, día 2 de Febreiro, vaise representar a segunda das obras programadas no ciclo de teatro infantil e familiar deste 2020 no Concello de Cambados no que colabora a Consellería de Cultura da Xunta de Galicia.
Trátase de “MAI MAI” da compañia Baobab Teatro.

Sinopse:
É a historia do último Oso Panda do planeta e a súa loita por sobrevivir, a falta de comida e os problemas ocasionados polo quentamento global fan difícil a supervivencia desta especie. Unha muller emprendedora e moi revolucionaria e un famoso fotógrafo comezan unha viaxe por separado para atopar o último Panda do planeta, toda unha aventura na que se atoparán unha chea de problemas que solventar…. Unha historia tenra e moi divertida onde se mestura o amor, a codicia, o éxito e a concienciación medioambiental. Unha historia que fala de revolución,  que plasma o empoderamento da muller e nos fará meditar sobre o que estamos a facer co noso planeta.

Vídeo presentación da obra

Nesta ocasión Baobab Teatro conta cos actores Óscar Ferreira, Xosé Manuel Esperante e da actriz Andrea Bayer que serán os encargados da parte actoral, deseño de son e iluminación Daniel Abalo, na dirección Óscar Ferreira, a escenografía Óscar Ferreira e José Manuel Vidal, Proxección Ana Tasende, Voz nena Sofía Fernández Pérez e o guión Andrea Bayer.

No auditorio municipal A Xuventude as 18:00 horas. O prezo é de 3,50 euros e de 2,50 euros en tarifa reducida para menores de 18 anos, xubilados, pensionistas e parados.

ESTE DOMINGO ARRANCA O CICLO DE TEATRO FAMILIAR NA XUVENTUDE

Hoxe domingo 26 de Xaneiro, no auditorio municipal A Xuventude  comeza o ciclo de teatro infantil e familiar do Concello de Cambados coa obra “A toupiña que quería saber quen lle fixera aquilo na cabeza” da compañía A Xanela do Maxín. 

A toupiña saía do seu tobo e algo lle caeu na cabeza, a modo de pucho cheirento. Daquela, percorrerá a granxa investigando -moi indignada- cal dos animais que alí viven lle fixera semellante agravio: a pomba, o cabalo, a lebre… acompañada do granxeiro e a unha rapaza recén chegada da cidade, que a queren axudar. Unha obra moi participativa, simpática e escatolóxica que provoca gargalladas e fai que os espectadores empaten coa toupiña, ferida no seu orgullo. Nenas e maiores terán, con esta historia, a visión dun tema tan natural como a vida mesma e que, sen embargo, non sempre aparece en escena.

O prezo é de 3,50 euros e de 2,50 euros en tarifa reducida para menores de 18 anos, xubilados, pensionistas e parados.

CASTING PARA UN NOVO PROGRAMA DA TVG

O equipo de redacción de “A miña familia pola túa”, un novo programa de televisión no que dúas nais intercambian as súas casas por uns días para vivir unha experiencia única e inesquecible,  andan buscan familias, con fillos na casa e ganas de pasalo ben na tele. 

Se estades interesados ou coñeces a alguén, botado para diante e que queira saír da rutina, aquí tedes o contacto do casting:

· WhatsApp 604 081 710

· Correo electrónico: intercambiodefamilias@gmail.com

Non dubidedes en compartir os datos da produtora con quen queirades. Desde a produtora agradecen o voso tempo e axuda. 

MÁIS DE 3500 MÉDICOS/AS MARCHARON DE ESPAÑA NO 2018

Evolución dos certificados a médicos expedidos pola OMC, desde 2011

Vanse de España máis médicos que nunca: 3.525 certificados en 2018 Os certificados médicos para saír fóra de España aumentan un 7,4%, a cifra máis alta da da década. A Organización Médica Colexial (OMC) expediu un total de 3.525 certificados de idoneidade a médicos para saír ao estranxeiro, unha cifra que supón un aumento do 7,4 por cento respecto a os datos de 2017, cando se expediron 3.282, o que supón un retorno á tendencia alcista, segundo confirman os números solicitados ata o 20 de decembro de 2018. Os datos mostran un aumento na demanda de certificados de idoneidade, sendo este ano a cifra máis alta do últimos oito anos. En todo este tempo solicitáronse ao redor de 23.500 certificados de idoneidade por parte de médicos españois, uns datos que reflicten a precaria situación dos profesionais médicos españois e en especial a dos máis novos. Un ano máis, a gran maioría de certificados de idoneidade solicitáronse para saír a traballar fóra de España (63,2 por cento). Tamén se solicitaron para estudos (4,6 por cento) e cooperación (9,2 por cento). De todos eles, o 51,5 por cento foron solicitados por mulleres e o 48,5 por cento por homes. Médicos de entre 31 a 35 anos, os maiores demandantes de certificados de idoneidade As cifras poñen de manifesto que a maioría de solicitantes destes certificados de idoneidade se encontros entre os grupos de idade de 31 a 35 anos en primeiro lugar (46,1 por cento), seguido dos facultativos de 36 a 50 anos (36,2 por cento) e en terceiro lugar, o grupo de máis de 50 anos (17,6 por cento).

A XUNTA NON TEN CARTOS PARA PAGAR A OS NOVOS PAIS A "TARXETA BENVIDA"

Aos bebés nados en agosto, está a chegarlles a axuda mensual en decembro. Tal é o atraso da Tarxeta Benvida por falta de fondos, que a Xunta pretende liquidar cambiando o prazo de solicitude. A conselleira de Política Social anuncia o Goberno galego aprobará a Lei de Impulso Demográfico "nos próximos meses" A conselleira de Política Social, Fabiola García, anunciou que as mulleres embarazadas poderán solicitar a chamada Tarxeta Benvida --unha axuda da Xunta para familias que acaban de ter un fillo-- a partir da próxima convocatoria. Así o adiantou, nunha entrevista concedida este domingo á Radio Galega, recollida por Europa Press, na que foi preguntada sobre posibles solucións futuras para algunhas disfuncións que podería ter esta prestación. Neste sentido, a conselleira lembrou que "hai dous meses para solicitala e outros dous para resolver", un total de catro meses desde que o bebé nace. "É certo que pode ser un pouco tarde para comprar as primeiras cousas do neno", admitiu García, para despois anunciar que, "na próxima convocatoria", a Xunta "vai permitir que as nais no embarazo xa poidan solicitar a Tarxeta Benvida". "Ningunha administración pode dicirlle a unha nai: 'Ten fillos, porque así che damos unha Tarxeta Benvida'; pero si que pode axudar a tomar unha decisión aos pais", abordou.

Fonte: GaliciaPress

COMUNICADO DIRECTIVA DE AGAMFEC SOBRE A SITUACIÓN DA ATENCIÓN PRIMARIA GALEGA

Ante a situación de progresivo deterioro e precariedade da Atención Primaria (AP) galega e as medidas preocupantes e, mesmo posiblemente ilegais, que veñen de tomar os nosos directivos, como é contratar médicos en formación para suplir deficiencias de plantilla, a xunta directiva da nosa sociedade quere facer as seguintes consideracións: 

- A situación de deterioro témola denunciado e comentado á consellería dende hai anos nos congresos e outras entrevistas ou contactos que temos feito. A falta de atención as nosas sinais de alarma derivou na situación insostible actual. A situación de cara ó futuro aínda será máis complicada pola falta de política de apoio á formación médica. 

- A nosa sociedade, xunto coas demais sociedades de primaria e os colexios médicos, fixemos propostas durante anos para tentar de solucionar a situación, mais a consellería non só non levou a cabo nada do aconsellado, perdéndose un tempo do que agora carecemos, senón que mesmo chegou a desconsideración cos médicos de familia. - Temos que repetir alto e claro o evidente: o gran problema da AP é a falta de finanzamento. (Que inclúe persoal, infraestructuras, falta de mantemento, proxectos, funxibles,… ) A pesar de repetilo, a nosa administración sempre negou esa evidencia (é un mantra, dicía o conselleiro). Tivo que acudir unha catedrática de economía da saúde á comisión parlamentaria para poñelo de novo sobre a mesa: A porcentaxe de gasto da AP en España é un paupérrimo 14% (cando os expertos defenden un 25%) e en Galicia estamos 2 puntos por debaixo: un 12%, e o peor é que, nestes anos da crise, aumentou o gasto hospitalario e diminuíu un 2% o de primaria. 

- O que si ven sendo unha mentira repetida é a “falta de médicos”. ¿Como explican os nosos directivos que cando se convoca unha OPE para 200 prazas veñan 800 candidatos? O que queremos os médicos, como todo o mundo civilizado, son contratos dignos e estables. Non, como dicía a economista, seguir coa política de menos gasto pero máis contratos. Iso só significa precariedade e contratos basura. 

- A precariedade na AP foi moitas veces resolta por unha das características propias do noso nivel asistencial: a lonxitudinalidade. Podíamos atender sen medios óptimos os nosos doentes suplindo a precariedad polo coñocemento da súa biografía e historia clínica. A nefasta política de recursos humáns das nosas EOXIS (sempre preocupadas polos graves problemas hospitalarios) acabou por crear “a tormenta perfecta” na que estamos metidos e algúns seguen mirando a ver se escampa… 

- Resulta desmoralizante escoitar ós nosos directivos as propostas para solucionar o colapso da AP. Pensan que todo se arranxa cun simple cambio nas axendas. A evolución da poboación, a cronicidade e o envellecemento ten que facer ver que non podemos seguir co discurso de 1500 doentes por médico. Isto é unha visión simplista. O que debemos é estudar a carga de morbilidade e poñelos recurso en función desta. ¿Para que, senón, temos a información/estratificación en IANUS? ¿Ou é para controlar a prescripción sen mais? 

- Na situación actual de falta de cobertura de vacantes e ausencias fai, ademais, que estos datos sexan falsos: se no meu centro faltan permanentemente 3 compañeiros, a miña cota non é de 1500, senón de 2000, moitos meses ó ano. 

- A lamentable situación dos PAC e da pediatría son unha mostra máis da inercia e a falta de planificación da organización sanitaria. Non é difícil de ver, coñecendo o mundo sanitario, a imposibilidade de manter os dispositivos, tal como se concebiron, nun futuro inmediato. 

Estamos dispostos a colaborar sempre e cando haxa un compromiso explícito e asinado dun aumento da financiación da primaria. Estamos fartos de escoitar medidas e ocorrencias sen apoio presupuestario. Nos hospitais cando se fan programas de calquera tipo, sempre se acompaña de recursos humáns e económicos. Somos médicos de primaria, no de segunda e defendemos que non somos a porta do sistema. SOMOS O SISTEMA SANITARIO. Se non se comprende o noso papel central e garante da sostenibilidade, seguiremos cavando a fosa do sistema. Non estamos en tempos de comisións, estamos en tempo de decisións. Esperamos, que o tempo se esgota.

Para máis información: www.agamfec.com/contacte-con-agamfec/

CORES DE CAMBADOS LANZA UNHA ENQUISA SOBRE QUE FACER ANTE O PECHE DE CONSULTAS DE TARDE DO CENTRO DE SAÚDE

A páxina de Facebook irmá deste blog, Cores de Cambados Blog ven de crear unha enquisa sobre o peche polas tardes das consultas do Centro de Saúde de Cambados.

Para acceder a ela podes facelo a través da páxina directamente, neste enlace  https://www.facebook.com/CORESDECAMBADOS/posts/1797575757037063

A enquisa tamén esta colgada en varios grupos de facebok:
CAMBADOS NOTICIAS  https://www.facebook.com/groups/Cambados-noticias/?ref=group_header

TI NON ERES DE CAMBADOS   https://www.facebook.com/groups/667582233310851/?

ANTIGUOS ALUMNOS DO IES CABANILLAS  
https://www.facebook.com/groups/215283006418/?

CAMBADOS PROPÓN   https://www.facebook.com/groups/382732305119921/?

Podes votar por duas opcións, é o que deixa facebook, que son 

-MANIFESTARSE

-NON ENFERMAR

A enquisa permanecerá aberta unha semana e so se pode votar unha vez, para evitar as dudas que puidera xerar en certos círculos.

CONVOCATORIA DE AXUDAS PARA O ENSINO E O TRANSPORTE DO CONCELLO DE CAMBADOS 2018/2019

En poucos días todos aqueles veciños e veciñas de Cambados que o necesiten, poderán  ser beneficiarios das axudas para o ensino e o transporte escolar durante este curso 2018-19. Para cubrir ditas axudas escolares o Concello de Cambados destinará unha partida orzamentaria de case 18.000 euros.

As bases publicaranse no Boletín Oficial da Provincia de Pontevedra (BOPPO) para remitilas posteriormente á Base de Datos Nacional de Subvencións, quen lle dará de novo traslado ao BOPPO o que implicará un certo retraso para que os veciños/as poidan empezar a tramitar estas axudas. Aínda así, estas bases xa poden ser consultadas no Portal de Transparencia do Concello de Cambados para ir adiantando a tramitación e agárdase estean resoltas dentro dos prazos aproximados do pasado curso.   

Estas axudas que cubrirán, segundo os casos, material escolar e/ou transporte, serán compatibles coas procedentes doutras Administracións que puideran percibirse para a mesma finalidade.

A importante novidade con respecto ó pasado curso é que as axudas ademais de cubrir Ensino  Primario e Secundario (axudas por valor de 125 euros/alumno/a), cubrirán tamén a alumnado con Necesidades Educativas Especiais (150 euros), Bacharelato (125 euros), FP (125 euros), Universidade (150 euros) e Ensinanzas Artísticas Superiores (150 euros).

Bases