UNHA MOZA FERIDA NUN ACCIDENTE EN CAMBADOS

Unha moza de 15 anos de idade e veciña de Caldas tivo que ser evacuada e trasladada ao Hospital do Salnés por unha unidade do 061 tras sufrir un accidente na madrugada deste sábado.

A moza viaxaba cun mozo de 20 anos, veciño de Vilagarcía, que conducía o vehículo. Por causas que aínda están por determinar, o turismo saía da vía cando circulaba pola PO-300 á altura da parroquia de San Vicente de Oubiña, no municipio de Cambados.

Os servizos de emerxencia tiveron constancia da alerta do accidente ás 01.36 horas.

O turismo, tras saír da estrada, remataba sobrepasando a beirarrúa para caer nun viñedo dunha leira da localidade, debido ao impacto os sistemas de protección do airbag saltaban.

A moza ferida queixábase de dor cervical e torácica. Ao lugar acudiron os integrantes do servizo de Protección Civil.

Parte dos membros do Servizo Municipal de Emerxencias e a agrupación de voluntarios de Protección Civil de Cambados. colaboran na extinción do lume no Os traballos de extinción do incendio declarado a pasada madrugada nun estaleiro da parroquia de Lourizán, en Pontevedra, proseguen tras unha mañá na que os servizos de emerxencias se centraron na refrixeración e completa extinción dos puntos de combustión do recinto.

Deste xeito, os equipos de extinción seguen a actuar sobre a zona afectada, aínda que avanzan que as tarefas, posiblemente, rematen ao longo das próximas horas.

Arestora, permanecen no punto os Bombeiros do Morrazo, Pontevedra, Salnés, Vigo, así como o Servizo Municipal de Emerxencias e a agrupación de voluntarios de Protección Civil de Cambados. Tamén, continúan no lugar os membros do Grupo de Apoio Loxístico da Axencia Galega de Emerxencias (AXEGA), os axentes da Garda Civil, Policía Nacional e Local e Urxencias Sanitarias de Galicia-061, por se fose precisa a súa intervención.

Igualmente, cómpre salientar que, o servizo de Salvamento Marítimo colaborou co despregue de barreiras na zona, seguindo o Plan Territorial de Contaminación Mariña Accidental de Galicia -Plan CAMGAL-.

MEDIO RURAL AVANZA NA REESTRUTURACIÓN PARCELARIA DE OUBIÑA 2º SECTOR DE CAMBADOS

A través da enquisa previa ao acordo que establece a Metaga, os veciños poderán facer as alegacións que consideren oportunas

A Consellería do Medio Rural segue avanzando nos procesos de reestruturación parcelaria de toda Galicia e, desta vez, dá un novo paso na reorganización de Oubiña 2º sector, no Concello de Cambados, coa enquisa previa ao acordo, tal e como establece a Lei de Mellora da Estrutura Territorial Agraria de Galicia (Metaga).

En concreto, a dirección xeral de Desenvolvemento Rural, o departamento responsable de levar a cabo estes procedementos, convoca a todas as persoas interesadas a un encontro o próximo xoves 13, no local social de Oubiña, para coñecer os predios de substitución que se lle van asignar aos propietarios e trasladarlle información de interese. Durante o período dun mes a contar dende entón poderán presentar por escrito as alegacións que consideren oportunas e os documentos que as fundamenten.

Ademais, esta consellería, previa entrega de fichas de atribución, organizará un encontro informativo nese mesmo local social da man dos técnicos que están levando a cabo esta reorganización territorial para aclarar as dúbidas que poidan ter os veciños/as. O encontro está previsto para as 10,00 h da mañá e a continuación e durante todo o día procederase á entrega dos boletíns (de 11,00 a 14,00 e de 15,30 a 18,00 h). Será preciso identificarse a través do DNI ou equivalente.

A partir dese día poderanse consultar os planos no mesmo local ou na web de Medio Rural.

ESTRANO ACCIDENTE EN OUBIÑA

Estrano suceso o acontecido na madrugada de onte domingo en Cambados.

Protección Civil de Cambados atopouse onte á noite na estrada EO-9002, a que vai desde o centro do pobo ao Polígono Industrial do Salnés cun coche empotrado contra unha árbore. O vehículo presentaba bastantes danos na parte dianteira. O Servicio de Emerxencias, Protección Civil de Cambados informa que se atopou co coche sobre ás tres e media da mañá. Os membros de emerxencias e a Garda Civil de Tráfico estiveron buscando pola zona na procura do condutor, por si saira polo seu propio pe i estivese conmocionado tralo impacto. O resultado da busca foi negativo e non atoparon a ninguén.
Ampliación

Un cambadés de 21 anos conducía un turismo Mercedes, e por razóns que non transcenderon saíuse da estrada e acabou chocando contra unhas árbores. Antes da colisión, o vehículo pasou por encima dunha arqueta e dun noiro, rebentando os baixos. Posteriormente, pola colisión contra a árbore causou desfeitas moi significativas na parte frontal do turismo.

Pero cando chegaron os servizos de emerxencias, o condutor non estaba nin dentro do automóbil nin nas inmediacións. Os voluntarios de Protección Civil de Cambados e unha dotación da Garda Civil de Tráfico buscaron polas leiras próximas, por se o condutor desprazouse da zona do sinistro e estaba tendido en algures, pero non o atoparon. Foi entón cando chamaron aos seus pais, que se presentaron no lugar do accidente moi preocupados polo sucedido. Nun principio, todo apunta a que a ausencia do condutor do lugar do accidente foi voluntaria. Foi necesario realizar unha limpeza exhaustiva da zona, xa que o motor do vehículo perdeu gran cantidade de líquidos. A estrada que vai de Cambados a Pontarnelas e que atravesa o polígono industrial de Sete Pías e Cabanelas é un dos "puntos negros" da rede viaria arousá.

ESPECTACULAR ACCIDENTE EN OUBIÑA

Un rapaz de 23 anos D.B.M. de Vilagarcía de Arousa resultou ferido e tivo que ser trasladado ao Hospital  do Salnés tras sufrir un accidente de tráfico ao envorcar un coche na estrada da parcelaria de Oubiña, en Cambados.

Segundo informa  Emerxencias de Cambados (P.C.), o accidente produciuse sobre as 13.00 horas da tarde de hoxe sábado. Un particular avisoutelefónicamente  aos servizos de emerxencias de que un coche envorcara e o condutor estaba ferido. 

Emerxencias de Cambados desprazouse ao lugar e comprobando que o condutor tiña feridas e cortes en diversas zonas do corpo. Foi atendido no lugar por unha ambulancia do 061 e trasladado posteriormente ao Hospital  do  Salnes. 

A Garda Civil tivo regulou o tráfico durante o tempo que duraron as tarefas para retirar ao ferido e o vehículo.

No operativo participaron Protección civil, Garda Civil e unha ambulancia do 061.

SUSPENDIDO UN COLOQUIO CO NARCO OUBIÑA NA UNIVERSIDADE DE COMPOSTELA

A asociación liberal Students for Liberty Galicia explica que a cancelación se debe a «motivos alleos» aos organizadores.

O narco galego Laureano Oubiña quedará sen ser o protagonista dunha entrevista-coloquio prevista para o xoves na Facultade de Dereito da Universidade de Santiago de Compostela (USC). Así o comunicou hoxe a asociación organizadora do evento, Students for Liberty Galicia ( SFL), que cursara a invitación a Oubiña para que explicase e debatese cos alumnos a súa visión sobre o mundo dos estupefacientes, a súa estancia en prisión e a súa reinserción. Segundo trasladou a plataforma estudantil, coñecida polo seu marcado carácter liberal, o acto foi cancelado por «motivos alleos» aos organizadores. A través dun comunicado en Twitter aproveitaron para manifestar o seu «defensa da liberdade de expresión» e matizaron que aínda que dean «un altofalante dentro da Universidade a todo tipo de ideas ou opinións» non implica «que esteamos de acordo con elas». «Simplemente consideramos que o debate dentro da academia é moi importante para formar unha opinión baseada en evidencias e fundamentada para lograr o avance dos individuos, que é o avance da sociedade», explicaron. A visita de Oubiña, que quedou en liberdade condicional en 2017 tras cumprir durante cinco anos unha pena por branqueo de diñeiro, tamén suscitou o enfrontamento dentro da propia USC. A asociación estudantil Erguer, de raizame independentista, manifestou a súa «total oposición» á presenza do narco na facultade e denunciou que tanto o tráfico de drogas como o liberalismo «con inimigos do alumnado galego». «Nin Oubiña nin grupos como SFL teñen cabida nas nosas aulas», resolveron nun comunicado no que lembran que «un dos principais motivos polos que a mocidade, e o pobo en xeral, consome drogas, é evadirse da realidade á que nos condena o capitalismo». En paralelo á polémica na Universidade, a Oubiña tamén se lle pecharon outras portas. O Concello do Grove (Pontevedra) negoulle o permiso para instalar un posto ambultante durante a próxima Festa do Marisco, que terá lugar o 12 de outubro. O pasado mes de agosto, o goberno municipal de Cambados (Pontevedra) obrigoulle a desmontar a caseta co que promocionaba o seu libro, «Toda a Verdade», na Festa do Albariño. Un espazo no que o narco, á marxe da obra, puxera á venda camisetas e panos con mensaxes como «Do Winston a outras herbas» que rememoraban a súa actividade como contrabandista de tabaco.

UNHA MULLER FERIDA ONTE NUN ACCIDENTE EN OUBIÑA

Unha muller de 20 anos quedou ferida inte nun accidente de tráfico.

A moza natural de Silleda con iniciais A.C.F. accidentouse na zona da Parcelaria de Oubiña por motivos que se descoñecen o vehículo saía da pista e foi bater contra o arcén, sin que medira outro vehículo implidado. A rapaza foi traladada ao hospital do Salnés por unha ambulancia do 061 con numerosas lesións aínda que non reviste gravidade.

«DEL WINSTON A OTRAS HIERBAS»: OUBIÑA LANZA O SEU POLÉMICO "MERCHANDISING"EN CAMBADOS

NO CONCELLO NON CONSTA NINGUNHA PETICIÓN

«Del Winston a otras hierbas»: Oubiña lanza o seu polémico ' merchandising' na Festa fo Albariño.

O contrabandista galego montará unha caseta en Cambados durante a Festa do Albariño na que venderá panos baixo devandito lema e tamén o seu último libro.

O xornal santiagués El Correo Gallego Festa de Albariño de Cambados terá unha «caseta» peculiar. O contrabandista galego Laureano Oubiña estará presente na devandita celebración vendendo o seu último libro, «Toda la verdad», e « merchandising» propio en forma de camisetas e panos. Estes últimos terán serigrafiado unha mensaxe relacionada coa súa pasada actividade como estraperlista: «Del Winston a otras hierbas». Segundo informa o mesmo xornal, as camisetas presentarán dous modelos diferentes. Unha co título do seu libro recentemente estreado, «Toda la verdad», acompañado do subtítulo «Ahora es mi turno». A outra camiseta terá estampada unha caricatura de Oubiña entre reixas xunto con diferentes traballos que realizou como contrabandista: transporte de frío, carga xeral, gasóleo e café, tabaco, haxix e elaboración de Albariño.

Laureano Oubiña espera rendibilizar o seu último investimento pendente de que se termine de filmar e emítase na canle de televisión DMAX o documental que estes días está a gravarse sobre a figura dunha das principais figuras do narcotráfico en Galicia.

El Correo Gallego

CORES TOURÍS COMPROBA A CONCENTRACIÓN PARCELARIA DE OUBIÑA EN CAMBADOS

José Manuel Cores Tourís, visitou esta mañá o concello de Cambados co obxectivo de analizar os avances da concentración parcelaria de Oubiña Segundo Sector, acompañado da xefa do Servizo de Infraestruturas Agrarias de Pontevedra, María José Pérez, do responsable da Xefatura de Comarca III, Julián Alvira, e dos membros da Xunta Local.

A concentración parcelaria de Oubiña Segundo Sector conta cunha superficie global de 46 hectáreas, 172 propietarios e 684 parcelas. Nestes intres, o investimento xa destinado á mesma é de 880.350 euros, o que permitiu desenvolver os estudos de impacto ambiental, as bases provisionais e as definitivas, a redacción do proxecto de camiños de servizo e o acordo de reestruturación parcelaria.

A apertura da rede principal de camiños está executada prácticamente na súa totalidade permitiu executar case tres quilómetros duns viais “que cambiarán a o fluxo do tráfico nesta zona, xa que facilitarán a comunicación dos polígonos de Tremoedo e Cambados, así como os núcleos rurais”. Tres quilómetros sen asfaltar, que hai que todo hai que decilo.

O responsable territorial asegurou que esta zona de Oubiña presenta unhas características moi concretas “que permitirán que, unha vez rematada a concentración, a zona sufra unha transformación importante, dada a alta potencialidade produtiva tanto en cultivos de viñedo como hortícolas”.

Na comarca do Salnés continúan activas 9 concentracións parcelarias (dúas en Vilanova de Arousa –en Baión e Tremoedo-; cinco en Meis –Nogueira, Paradela, San Martiño I e II e San Salvador-; a de Lois en Ribadumia e a de Oubiña en Cambados), cun investimento ata a data de hoxe de máis de 13,3 millóns de euros.

XXIX MARATÓN POPULAR DE OUBIÑA, MEMORIAL MANUEL MARIÑO CASTRO

O domingo 13 de maio dispútase o XXIX Maratón Popular de Oubiña (memorial Manuel Mariño Castro), que sairá ás 11:30 da mañán.

A lonxitude do circuíto será de 5km, e na categoría absoluta de 10 km. Haberá 9 categorías segundo as franxas de idade.

Entregarase un trofeo para o primeiro clasificado de cada categoría dos distintos sexos e unha medalla conmemorativa para o segundo e terceiro. Ademáis, na categoría absoluta (aberto), haberá trofeos para os tres primeiros clasificados de cada sexo.

Para todas as categorías, estarán abertas as inscricións dende unha hora antes da proba no centro cultural.

Sortearase un chándal entre tod@s @s asistentes.

Para máis información, no correo as.oubunha@gmail.com ou no teléfono 686 388 658

APRÓBANSE AS BASES DE REESTRUTURACIÓN PARCELARIA DA ZONA DE OUBIÑA (2º SECTOR), EN CAMBADOS

O Diario Oficial de Galicia (DOG) publica hoxe a aprobación das Bases de reestruturación parcelaria da zona de Oubiña (2º sector), no concello de Cambados. Este paso supón a determinación da titularidade das parcelas achegadas á reestruturación e a súa clasificación agronómica, así como a representación xeométrica en planos. Neste caso, falamos da reorganización de 46 hectáreas e 684 parcelas pertencentes a 172 propietarios.

Con este anuncio, a consellería pon en coñecemento dos veciños, que serán notificados individualmente, a apertura do prazo de 1 mes de exposición pública das Bases, as cales se poderán examinar no Concello de Cambados, e ante as que pode interpoñer recurso de alzada. Os documentos que é posible revisar refírense aos predios achegados, onde constan as situacións xurídicas de titularidade, cargas, servidumes, etc, de cada un deles, a súa clasificación agronómica e os planos onde quedan reflectidas.

Lévanse investido dende o inicio da concentración case 900.000 euros que se destinaron na súa meirande parte á execución da rede de camiños principais (730.751 euros) e a investimentos en servizos técnicos como o levantamento do parcelario, a concreción das propias Bases, a redacción do Acordo de reestruturación e o marqueado das futuras novas fincas, etc. (case 150.000 euros).

(Enlace á publicación do DOG:
https://www.xunta.gal/dog/Publicados/2018/20180202/AnuncioG0426-220118-0001_gl.html) 

XXVIII MARATON POPULAR DE OUBIÑA,DOMINGO 30DE ABRIL

O domingo 30 de Abril terá lugar na parroquia de Oubiña do municipio de Cambados a celebración do XXVIII Maratón Popular, Memorial Manuel Mariño Castro. No maratón dará comezo a partir das 11.30 horas e poderán participar todas as persoas que o desexen nas distintas categorías.
-1º, de 0 a 4 anos
-2º, de 5 a 8 anos
-3º, de 9 a 13 anos
-4º, de 14 a 19 anos
-5º, de 20 a 30 anos
-6º, de 31 a 38 anos
-7º, de 39 a 45 anos
-8º, de 46 a 55 anos
-9º, de 56 anos en diante

A categoría absoluta deberá de percorrer unha distancia de 10 quilómetros.

Finalizará a xornada coa entrega dos premios. Faráselle entrega dun trofeo para o primeiro clasificado de cada categoría dos distintos sexos e unha medalla conmemorativa para o segundo e o terceiro, e na categoría absoluta haberá trofeos para os tres primeiros clasificados de cada sexo.

As inscripciones realizaranse o mesmo día da proba no Centro Cultural.

SERÁN 2017 DA ASOC. DE VECIÑOS DE SAN VICENTE DE OUBIÑA

A asociación de veciños San Vicente de Oubiña (Cambados) celebra o 22 de abril (sábado) a novena edición do seu Serán Popular. O evento será no centro cultural Manuel Mariño Castro, a partir das 22.00 horas, e intervirán grupos de música e baile tradicional de toda a comarca. 
Todos aqueles grupos interesados en participar no Serán poden facelo chamando ao teléfono 686388658
Haberá un aperitivo para os asistentes.

FERIDO GRAVE UN MOTORISTA EN CAMBADOS

Un motorista de 30 anos quedou ferido grave nunha saída de vía en Cambados.
Segundo Emerxencias, o sinistro produciuse contra as dúas da tarde na estrada EP-9002 que une a parroquia de Oubiña e Cambados.
O motorista foi trasladado nunha ambulancia medicalizada ao hospital do Salnés.

Ao lugar dos feitos acudiron membros de Protección Civil e Policía Local de Cambados e servizos sanitarios. 

Unha UVI móbil de Urxencias Médicas se desprazou esta tarde á Modia, en Cambados, para atender ao motorista que sufriu unha caída. O golpe lle provocou feridas graves e foi evacuado de urxencia. O accidente tivo lugar ás 14 horas na EP-9002, concretamente, na parroquia de Oubiña. Tras recibir o aviso, o persoal do 112 Galicia pediu a colaboración dos efectivos do Servizo Municipal de Protección Civil, así como dos bombeiros do parque comarcal. Tamén se comunicaron os feitos á Garda Civil de Tráfico. 

O motorista de 30 anos e iniciais M.A.M.C. resultou ferido grave nunha saída de vía cando circulaba pola estrada EP-9002, que une a parroquia de Oubiña e Cambados. 
O motorista ferido, que sufría dor cervical, lumbar e de cadeira esquerda a causa do forte impacto contra unha ladeira, foi trasladado en ambulancia medicalizada ao Hospital do Salnés.

O BNG VE LAMENTABLE A ACTITUDE DA XUNTA RESPECTO A PO-300

O  BNG lamenta que a Xunta non considere unha prioridade actuar no punto negro da PO-300 na parroquia de Oubiña, para evitar a alta sinistrabilidade que nel se ven  producindo (segundo os datos de Protección Civil de Cambados, nos últimos tres anos téñense producido neste tramo 24 accidentes). É evidente que as medidas que tomaron, ata o de agora, non son suficientes cando xa se teñen producido dous accidentes no que vai de 2016 e que poderían realizarse outras actuacións que realmente diminúan a perigosidade nese punto viario .

A Asociación de Veciños da parroquia de Oubiña ten demandado, en diversas ocasións, solucións para garantir a seguridade neste tramo, sen que ata o de agora se teñan levado a cabo. Así mesmo, o Grupo Municipal do BNG, nos últimos anos, ten demandado solucións para a mellora da seguridade viaria no mesmo lugar.

Tamén, responsables do Goberno Municipal de Cambados veñen demandando solucións e solicitando reunións cos responsábeis da Xunta para abordar o tema. Inicialmente vía telefónica con Cores Tourís, sen que ata o momento teña encontrado oco na axenda para abordar o tema e igualmente dirixíndose a Francisco Menéndez, Director Xeral da Axencia Galega de Infraestrutura, vía correo electrónico o 26 de xaneiro, o 1 de febreiro, o 2 de maio de 2016, e novamente no día de hoxe, sen que ata o momento se obtivera  ningunha resposta.

De xeito que a contestación de, Francisco Menéndez, á pregunta do BNG no Parlamento Galego, de que van “seguir atentos” e que “hai que ir priorizando actuacións” non é  satisfactoria, nin tampouco  se considera que as medidas tomadas sexan suficientes para que de producirse outro accidente este sexa máis leve.

DOUS CAMBADESES NOS PODIOS DA CARREIRA DE OUBIÑA SENIOR

A maratón popular de Oubiña volveu facer gala dun alto poder de convocatoria un ano máis. Máis de 300 corredores de todas as idades se deron cita na parroquia cambadesa de Oubiña o pasado domingo supon unha cifra moi eleva tendo en conta que ese mesmo dia se celebraron varias carreiras populares en localidades próximas.

Na categoría absoluta a vitoria en mulleres foi para a vilanovesa Guadalupe Lodeiro cunha marca de 36h.45m. para cubrir os dez quilómetros do percorrido. Seguiulle Sonia Agrasar Barral (Padrón) e a cambadesa Chus Otero.

En categoría masculina o triunfo foise para Cuntis por medio de Manuel Vieites Carballo cunha marca de 32h.28m. Abel Barros (Moraña) e David Martínez Costa (Cambados) acompañáronlle no podio deste evento coñecido tamén como Memorial Manuel Mariño Castro.



Gañadores

XA PODES INSCRIBIRTE NA XXVII MARATÓN POPULAR DE OUBIÑA

XXVII Maratón Popular de Oubiña, Cambados
Memorial Manuel Mariño
Data: domingo, 24 de abril de 2016.
Hora: 11:30 h.
Lugar: Oubiña, Cambados.
Distancia: de 1 a 10 km.
Organiza: Asociación de Veciños de Oubiña.
Inscrición: a través do correo as.oubinha@gmail.com ou dende 1 hora antes do comenzo da carreria no centro cultural Manuel Mariño Castro de Oubiña.

Os corredores podran inscribirse nas seguintes categorias.
1ª categoria: de 0 a 4 anos(circuito de 1 km)
2ª categoria: de 5 a 8 anos(circuito de 2 km)
3ª categoria: de 9 a 13 anos(circuito 5 km)
4ª categoria: de 14 a 19 anos (circuito 5 km)
5ª categoria: de 20 a 30 anos(circuito de 5km)
6ª categoria: de 31 a 38 anos (circuito de 5 km)
7ª categoria: de 39 a 45 anos(circuito de 5km)
8ª categoria: de 46 a 55 anos( circuito 5 km)
9ª categoria: de 56 en diante(circuito 5km)

CATEGORIA ABSOLUTA; ABERTA A TODO CORREDOR QUE QUEIRA INSCRIBIRSE(CIRCUITO 10 KM)

Haberá trofeo para os tres primeiros clasificados de cada categoria nos ambos sexos.

Lembrade a inscrición poderá ser a través do correo as.oubinha@gmail.com ou dende 1 hora antes do comenzo da carreria no centro cultural Manuel Mariño Castro de Oubiña.

ACCIDENTE NO PUNTO NEGRO DE OUBIÑA

Dous vehículos chocaron este pasado sábado na estrada PO-300, no coñecido punto negro de Oubiña (Cambados), onde xa se rexistraron numerosos accidentes, algún deles con vítimas mortais.

Segundo informou o 112, o sinistro deste sábado tivo lugar ás 19:12 horas e consistiu nunha colisión entre dous turismos.

As testemuñas do suceso precisaron que o BMW incorporábase á estrada desde unha vía secundaria sendo alcanzado por un Volkswagen Golf que circulaba desde Pontearnelas en dirección a Cambados.

Ao lugar acudeu Protección Civil de Cambados e Policía Local.

Afortunadamente non hai que lamentar danos persoais.

Fonte: Protección Civil cambados e PontevedraViva

XXVI MEMORIAL MANUEL MARIÑO CASTRO

Este domingo 26 de Abril terá lugar na parroquia de Oubiña en Cambados a celebración do XXVI Maratón Popular, Memorial Manuel Mariño Castro. O maratón dará comezo a partir das 11.30 horas e poderán participar todas as persoas que o desexen nas distintas categorías.


-1º, de 4 a 4 anos
-2º, de 5 a 8 anos
-3º, de 9 a 13 anos
-4º, de 14 a 19 anos
-5º, de 20 a 30 anos
-6º, de 31 a 38 anos
-7º, de 39 a 45 anos
-8º, de 46 a 55 anos
-9º, de 56 anos en diante

A categoría absoluta deberá de percorrer unha distancia de 10 quilómetros.
Premios: un trofeo para o primero/a clasificado de cada categoría e unha medalla conmemorativa para os segundos e terceiros.

Na categoria absoluta (aberta) habra trofeo para os tres primeiros clasificados de cada sexo.

Inscripccions: para todas as categorias dende 2 horas antes do comenzo da proba no centro cultural Manuel Mariño Castro de Oubiña.

Tamen atraves do correo electronico as.oubinha@gmail.com, paxina de facebook Sanvicente Oubiña 

Ou no numero de telefono 686 388 658

Sorteo de un chandal entre os asistentes.

E recorda que o importante e participar.

A CONCENTRACIÓN PARCELARIA DE OUBIÑA ENTRA NA RECTA FINAL

O delegado territorial da Xunta en Pontevedra, José Manuel Cores Tourís, visitou esta mañá  Cambados co obxectivo de analizar co alcalde,  Luis Aragunde, o remate das actuacións de investigación da propiedade da zona de concentración parcelaria de Oubiña Segundo Sector.
Neste encontro, que tivo lugar na casa consistorial de Cambados, o delegado territorial estivo acompañado polo xefe territorial de Medio Rural e do Mar, Miguel Dubois, así como polo responsable da Xefatura de Comarca III, Julián Alvira.

Na reunión púidose comprobar os avances da investigación da propiedade das parcelas que conforman esta concentración parcelaria. Así definíronse un total de 756 (616 delas declaradas ata o momento) que conforman unha superficie total de 56,5 hectáreas enclavadas entre as zonas de concentración parcelaria de Tremoedo (423 has) e Oubiña Primeiro Sector (100 has).. A superficie media dos terreos é de 650 metros cadrados e cada propietario conta, de media, con 4,5 parcelas.
O prazo de remate do período de investigación da propiedade conclúe o día 30 do presente mes, o cal será comunicado oportunamente, segundo insistiu Cores Tourís, a través de avisos por toda a zona de concentración.
Unha vez rematada esta investigación, procederase, por parte do concello de Cambados, a convocar unha asemblea dos titulares dos predios, co obxectivo de levar a cabo a elección da xunta local e do grupo auxiliar de traballo.

INVESTÍGASE A PROPIEDADE DE TERRAS PARA PARCELARIA DE OUBIÑA 2º SECTOR

Ponse en coñecemento de todas as persoas interesadas na concentración parcelaria da zona de Oubiña, 2º sector (Cambados, Pontevedra), declarada de utilidade pública e urxente execución polo Decreto 146/2013, do 5 de setembro (DOG número 179, do 19 de setembro), que se van iniciar os traballos de investigación da propiedade para os efectos da concentración, que darán comezo o día seguinte ao da publicación deste anuncio e que se prolongarán durante o tempo necesario, no lugar habilitado para os efectos na mesma parroquia e nas dependencias do Servizo de Infraestruturas Agrarias de Pontevedra.

Requírense os propietarios, arrendatarios e, en xeral, os cultivadores e titulares de calquera dereito para que, dentro do citado prazo, lle presenten ao persoal encargado dos citados traballos os escritos en que fundamenten os seus dereitos e declaren, en todo caso, os gravames ou situacións xurídicas que afecten as súas parcelas ou os seus dereitos.

Advírtese que as parcelas dos propietarios que non declarasen neste período serán consideradas como parcelas de descoñecidos e daráselles o destino sinalado na Lei 10/1985, do 14 de agosto, de concentración parcelaria para Galicia, modificada pola Lei 12/2001, do 10 de setembro. Tamén se advirte de que a falsidade destas declaracións dará lugar, con independencia das sancións penais, á responsabilidade por danos e perdas que deriven desta.

Os traballos de concentración afectarán en principio as parcelas rústicas incluídas no sector 2º da parroquia de Oubiña (Cambados, Pontevedra). Polo tanto, os propietarios deberán, no seu propio interese, ademais de facer a declaración das súas parcelas, seguir o desenvolvemento dos traballos de concentración para facer valer os seus dereitos no momento oportuno.