RECOMENDACIÓNS PARA VISITAR OS CEMITERIOS DE CAMBADOS SEN RISCO DE COVID

Ante o previsible aumento de usuarios dos cemiterios municipais a medida que se achegue o 1 de novembro, Día dos Defuntos, desde o Concello de Cambados publicouse un cartel no que aparecen distintas recomendacións para evitar contaxios por Covid-19 nos camposantos.

Ademais das consabidas máscaras e distancia de seguridade, establécense grupos dun máximo de catro persoas e recoméndase non exceder a media hora na visita, entre outras medidas.

No municipio de Cambados funcionan seis cemiterios: o de Santa Mariña e Fefiñans (Cambados), o de Vilariño, o de Corvillón, o de Castrelo, e o de Oubiña, sendo todos parroquiais.

As recomendacións son as seguintes: usar máscara en todo momento; manter a distancia de seguridade de dous metros; desinfectarse as mans ao entrar e saír do cemiterio; o tempo máximo de visita recomendable é de 30 minutos; máximo de catro persoas nos grupos de visita; respectar o horario de mañá para prioridade das persoas maiores; e levar cada un os seus propios utensilios e botellas de auga para encher os vasos.

O tenente de alcalde delegado de Seguridade Cidadá e Sanidade, Tino Cordal, lembrou a recomendación de que a visita aos camposantos fágase de maneira graduada e así evitar as aglomeracións que se adoitan dar os días 31 de outubro e 1 de novembro. Nas pasadas semanas realizáronse distintos traballos nos cemiterios do municipio para que luzan o mellor posible. Este esforzo municipal tense que complementar cun comportamento responsable por parte dos usuarios nun momento en que están repuntando os casos de coronavirus en toda Europa. Por iso, desde o Concello piden ás persoas que vaian visitar os nosos seis cemiterios que por favor respecten as medidas que establecidas no cartel. 

CAE UNHA ÁRBORE NO CIMITERIO DE SANTA MARIÑA E UN ACCIDENTE EN CORVILLÓN

Esta tarde o vento tiraba unha árbore no cimiterio de Santa Mariña en Cambados.
Por sorte no caeu de todo e non causou danos personais nin materiais. Os membros do Servicios de

Emerxencias do Concello de Cambados procedeu a cerrar os accesos próximos á árbore e acordoar a zona.
Está previsto que mañán se proceda a talalo, posto que esta tarde xa era case noite e as condicións metereolóxicas eran desfavorables.

Por outra banda un accidente en Corvillón saldouse sen danos personais tamén esta tarde. O accidente de tráfico prodúxose na PO-549, Corvillón (Cambados). Na intervención colaborou a Garda Civil de Tráfico.

O PÁRROCO DE SANTA MARIÑA DOZO, EN CAMBADOS, PROPÓN CREAR UNHA COMISIÓN CO CONCELLO SOBRE O CEMITERIO

O párroco de Santa Mariña Dozo de Cambados, José Aldao, convoca unha reunión veciñal para este domingo ás 17 horas no Auditorio da Xuventude co fin de abordar a situación do cemiterio parroquial.

Na reunión estará presente un representante do arcebispado que informará sobre a oferta presentada pola Igrexa ao Concello dunha concesión de 50 anos.

Neste sentido, o párroco de Santa Mariña Dozo, José Aldao, propón a creación dunha comisión de seguimento entre a parroquia e o Concello para solventar as numerosas deficiencias que presenta o cemiterio.

O cemiterio de Santa Mariña presenta un estado moi descoidado. Ante a falla de atención e mantemento é o concello o que acaba asumido estas tarefas. O goberno local quere que o camposanto pase a ser de propiedade municipal e así encargarse do seu coidado. Unha proposta que rexeita o arcebispado aceptando só unha concesión por 50 anos.

Ante os desacordos, o párroco convoca unha reunión para domingo no Auditorio da Xuventude para informar á veciñanza da situación. A súa proposta é a de levar a cabo unha comisión conxunta para xestionar o cemiterio.

Na actualidade o cemiterio é propiedade da igrexa que, segundo o párroco, non pode facer fronte aos seus coidado. Deste xeito, o camposanto presentan moitas deficiencias.

O dereito sobre o cemiterio é necesario para que o concello poda levar a cabo determinadas obras ou traballos. Dende o goberno local están a estudar a concesión para poder acadar un acordo. Para o domingo xa anunciaron que asistirán á reunión.

NOVAS RUTAS POLOS CEMITERIOS PONTEVEDRESES

A Deputación de Pontevedra desenvolverá este outubro, por segundo ano consecutivo, unha serie de rutas por cemiterios históricos da provincia, aínda que este ano, como novidade, tratarase de visitas centradas no patrimonio literario e artístico. Así, o fío condutor serán personaxes da literatura e do mundo das artes, relacionados con cada un dos camposantos que se visitarán.

A iniciativa desenvolverase en tres cemiterios: o de San Mauro (Pontevedra), o de Santa Mariña Dozo (Cambados) e o de Pereiró (Vigo). As visitas serán os domingos 21 e 28 de outubro e comezarán ás 11.00 horas. As rutas son gratuítas e haberá un número limitado de 25 persoas por grupo, debido ás características especiais dos lugares que se visitan. Os interesados en participar, só teñen que apuntarse no correo electrónico visitasguiadas@depo.es. As entradas iranse adxudicando por orde de inscrición ata completar aforamento e cada reserva será para un máximo de catro persoas.

No cemiterio de Pereiró, o máis extenso de Vigo, a través da figura de Concepción Arenal, interpretada por unha actriz, as persoas que participen nesta iniciativa poderán coñecer a orixe e a historia deste camposanto, a súa capela neogótica, o cemiterio civil ou a pegada dalgúns personaxes destacados como Urbano Lugrís, José María Álvarez Blázquez ou Tomás Argüelles.

No cemiterio de San Mauro, da man de María Vitoria Moreno, autora homenaxeada ese ano no Día dás Letras Galegas, os visitantes poderán coñecer as diferentes etapas e espazos do camposanto, como a capela de San Mamede, o cemiterio civil ou o lugar onde está Alexandre Bóveda.

Pola súa banda, o cemiterio de Santa Mariña Dozo de Cambados (foto) está declarado Monumento Histórico Artístico e inclúese na Rede Europea de Cemiterios Singulares. Neste caso, a visita realizarase por medio da figura de Josefina Branco, destacada actriz de teatro de finais do século XIX, que foi tamén esposa de Val Inclán.

O CEMITERIO DE SANTA MARIÑA PROTAGONISTA NOS ROTEIROS LITERARIOS DA DEPUTACIÓN

A Deputación presenta as novas rutas por cemiterios históricos da provincia que este ano serán a través de roteiros literarios

Haberá visitas guiadas por tres cemiterios singulares: San Mauro (Pontevedra), Santa Mariña de Dozo (Cambados) e Pereiró (Vigo)

A Deputación de Pontevedra vai desenvolver neste mes de outubro, por segundo ano consecutivo, unha serie de roteiros por cemiterios históricos da provincia, aínda que este ano como novidade serán visitas centradas no patrimonio literario e artístico. O fío condutor van ser personaxes da literatura e do mundo das artes, relacionados con cada un dos camposantos, que van ir guiando os distintos roteiros para coñecer máis polo miúdo cada un deles.

A iniciativa vaise desenvolver en tres cemiterios: o de San Mauro (Pontevedra), o de Santa Mariña de Dozo (Cambados) e o de Pereiró (Vigo). As visitas serán os domingos 21 e 28 de outubro e comezarán ás 11 da mañá na entrada de cada camposanto. Os roteiros son completamente gratuítos. Haberá un número limitado de 25 persoas por grupo, debido ás especiais características dos lugares que se visitan.

Dende mañá, día 12 de outubro, xa se pode reservar praza para esta iniciativa. A partir das 9 da mañá, haberá que enviar un correo electrónico á dirección visitasguiadas@depo.es e as entradas iranse adxudicando por orde de inscrición ata completar aforo. No correo de reserva, as persoas interesadas teñen que indicar o número de persoas que queren ir co seu nome e apelidos (máximo de 4 por cada reserva), que día e que ruta escollen e un teléfono de contacto.

Tal e como destacou a presidenta, esta iniciativa enmárcase na estratexia da Deputación de pór en marcha proxectos para desestacionalizar o turismo na provincia e "para poñer en valor o noso patrimonio e a nosa cultura. Preténdese poñer en valor así un atractivo máis dos que se poden atopar na provincia de Pontevedra, que ademais se potencian fóra da temporada na que se soen recibir máis visitantes". Cómpre ter en conta tamén que, nos últimos anos, descubrir a historia dos lugares a través dos seus camposantos é algo moi en auxe, que se está convertendo nunha nova forma de visitar as cidades.

Máis polo miúdo, no cemiterio de Pereiró, o máis extenso de Vigo, a través da figura de Concepción Arenal, interpretada por unha actriz, as persoas que participen nesta iniciativa poderán coñecer a orixe e a historia deste camposanto, a súa capela neogótica, o cemiterio civil ou a pegada dalgúns personaxes destacados como Urbano Lugrís, José María Álvarez Blázquez ou Tomás Argüelles.

No camposanto pontevedrés de San Mauro, o fío condutor da visita vai correr a cargo de María Victoria Moreno, autora homenaxeada este ano no Día das Letras Galegas. Cemiterio proxectado polo famoso arquitecto Alejandro Rodríguez Sesmero, no percorrido poderanse coñecer as diferentes etapas e os diferentes espazos, como a capela de San Mamede, o cemiterio civil, o lugar onde está Alexandre Bóveda ou detalles de persoas destacadas do mundo das artes e das letras como Indalecio Armesto ou Daría González.

O cemiterio de Santa Mariña de Dozo, en Cambados, está declarado Monumento Histórico Artístico e inclúese na Rede Europea de Cemiterios Singulares. Neste caso, a visita realizarase por medio da figura de Josefina Blanco, destacada actriz de teatro de finais do século XIX, que foi tamén esposa do escritor Valle Inclán. "Pero nós non queremos destacar que foi a muller de Valle Inclán, nós queremos salientar que foi unha importante actriz de teatro de finais do século XIX que, como era parella de Valle Inclán, pasou desapercibida e quedou no esquecemento. Pois nós, unha vez máis , traballamos para que iso non ocorra, porque hoxe, máis que nunca, é necesario visibilizar ás mulleres".

O CEMITERIO DE SANTA MARIÑA VOLVE SER PLATÓ DE "VIVIR SIN PERMISO"

Esta mañán o cemiterio de Santa Mariña e arredores son escenario unha vez máis da rodaxe de varias esceas para a segunda tempada da serie de Mediaset, "VIVIR SIN PERMISO", cuxa primeira tempada ten previsto estrearse no mes de setembro en Telecinco.
En Cambados xa se rodaron outras esceas para a primeira tempada. Varias poboacións de Arousa serán marco incomparable das andanzas dos protagonistas desta serie.
O director e creador da serie, Aitor Gabilondo, xunto con Alea Media, pensou na ficción como unha alternativa a 'Fariña' baseada tamén nun libro do escritor Manuel Rivas, só que a data da súa estrea nunca se fixou. Espera herdar toda a audiencia que conseguiu a serie de Fariña e conseguir colocar a Telecinco como unha das mellores cadeas de creación de series orixinais en España. A serie conta a historia da caída de Nemesio 'Nemo' Bandeira e o seu imperio do narcotráfico. Sempre foi un home importante na comunidade á que pertence, pero agora comeza a padecer Alzheimer. A súa intención é manter as aparencia ao mesmo tempo que proba á súa familia para conseguir que un deles convértase en herdeiro da fortuna familiar. Por iso a guerra entre entre os seus membros está garantida.
Hai menos dun mes os medios facíanse eco da rodaxe polas nosas terras da segunda tempada. Para elo contarán co apoio de Netflix, que comprou os dereitos da serie para así convertelo nunha ficción de percorrido que atraia a un gran publico, dando por feito que a primeira tempada terá éxito, xa que este tipo de series adoitan funcionar moi ben na canle principal de Mediaset. Os actores que interpretan aos personaxes principais da historia permanecen na serie. Non se deu a entender o contrario, por tanto José Coroado como Álex González seguirán nas tramas, acompañados de Pilar Castro, Àlex Monner, Ricardo Gómez, Claudia Traisac, Carlos Hipólito, Unax Ugalde, Giulia Charm e Luís Zahera entre outros.

MERCADO DAS FLORES NO SALÓN PEÑA DE CAMBADOS

A concellaría de Promoción Económica ven de supervisar a posta en marcha do Mercado das Flores que se vai volver a realizar nas  instalacións do salón de exposicións Jose Peña de Cambados, e que nesta ano será a súa terceira edición.

Neste ano mantéñense o número de postos, en total 25 postos de venda de flor e na que participan profesionais de toda a comarca, así como veciños e veciñas de Cambados que plantan a súa propia flor, cinco postos de venda habituais de flores do mercado, e mesmo unha florería de Cambados.

Nesta nova edición, que cumpre o terceiro ano, volvese a celebrar no Salón de Exposición Jose Peña, e a petición das propias florerías, vai transcorrer dende o Domingo 29 de Outubro ao vindeiro 1 de Novembro, mantendo o mesmo horario que na edición anterior, en horario continuado de 8 da mañá ata ás 22 horas, pechando o Mércores 1 de Novembro ás 15:00h.

O goberno local vailles ceder unha tarxeta de carga e descarga a cada posto, reforzara a seguridade e limpeza no Salón de Exposición Jose Peña, mesmo contratando un vixiante de seguridade que permanecera no local polas noites, e reforzarase número de colectores de lixo nas inmediacións para o desperdicio das flores.

MÚSICA E POESÍA MARCAN A VISITA AO CEMITERIO DE SANTA MARIÑA DE DOZO, ARRANQUE DA NOVA PROPOSTA TURÍSTICA DA DEPUTACIÓN

A presidenta Carmela Silva asistiu á visita, guiada polo historiador Manuel Núñez, que contou cunha actuación no mesmo camposanto do grupo Cómplices. "Foi unha tarde máxica de cultura, historia, música e palabra"

A presidenta da Deputación de Pontevedra, Carmela Silva, e a alcaldesa de Cambados, Fátima Abal, acompañadas dos deputados provinciais David Regades e Santos Héctor Rodríguez, participaron na tarde deste sábado na visita ao icónico cemiterio de Santa Mariña de Dozo, en Cambados, que serviu como punto de arranque ao programa de difusión e promoción "Visitas singulares Rías Baixas: Cemiterios históricos", que ten por obxectivo desestacionalizar o turismo na provincia ofrecendo alternativas, que se afasten dos estereotipos e nos permitan amosar toda a realidade e potencialidade das Rías Baixas.

O percorrido, que foi gratuíto e que contou cunha masiva asistencia, foi guiado polo historiador cambadés Manuel Núñez, e permitiu coñecer este recinto, declarado Monumento Histórico Artístico desde 1943 e incluído na Asociación de Cemiterios Singulares de Europa, que conta no seu interior coas ruínas dun antigo templo do século XV de estilo "gótico mariñeiro" no que se poden contemplar os seus arcos e esculturas con representacións de escenas bíblicas. A visita tivo, ademais, unha sorpresa inesperada xa que o grupo Cómplices fixo unha pequena actuación no mesmo camposanto, diante da lápida que recorda ao fillo de Valle Inclán, de quen o compositor Teo Cardalda musicou once poemas. A muller do escritor tamén está enterrada neste Cemiterio de Cambados que foi terra de acollida de Valle ata 1917.

Ao remate da visita, se celebrou no Auditorio de Cambados o anunciado concerto "Claves líricas" de Cómplices, tamén gratuíto e aberto, unha sembranza musical e poética de Valle Inclán, froito do proceso que durou dous anos durante os cales Cardalda, coa colaboración de Javier del Valle Inclán (un dos netos do escritor), musicou parte da obra.

As "Visitas singulares Rías Baixas: cemiterios históricos" inclúe a difusión e promoción doutros espazos similares na provincia como o Cemiterio dos Ingleses de Vilagarcía de Arousa, o de San Mauro en Pontevedra, o cemiterio de Pereiró en Vigo, o cemiterio dos Eidos en Redondela e o de Arcos de Furcos en Cuntis.

ARRANCAN MAÑÁN NO CEMITERIO DE S. MARIÑA AS "VISITAS SINGULARES: RIAS BAIXAS"

A Deputación de Pontevedra pon en marcha este próximo sábado en Cambados o programa de difusión e promoción "Visitas singulares Rías Baixas: Cemiterios históricos", que busca contribuír á desestacionalización do turismo na provincia "ofrecendo alternativas que se afasten dos estereotipos e permítannos mostrar toda a realidade e potencialidade das Rías Baixas", indica o organismo provincial. A ruta iniciarase ás 18.30 horas no cemiterio de Santa Mariña Dozo, coa participación da presidenta da Deputación, Carmela Silva, e a alcaldesa de

Cambados, Fátima Abal. O percorrido, guiado, gratuíto e aberto a todas as persoas interesadas, permitirá coñecer o recinto, declarado Monumento Histórico Artístico desde 1943 e incluído na Asociación de Cemiterios Singulares de Europa.

Ao finalizar a visita, ao redor das 20.00 horas, terá lugar o concerto "Claves líricas", do grupo Cómplices, tamén gratuíto e aberto a todas as persoas. Este espectáculo, dunha hora e media de duración, desenvolverase no Auditorio de Cambados e consiste nunha descrición musical e poética de Val Inclán. De feito, no cemiterio da localidade está enterrada a esposa e un dos fillos do literato arousán.

As "Visitas singulares Rías Baixas: cemiterios históricos" incluirá difusión e promoción doutros espazos similares na provincia como o Cemiterio dos Ingleses de Vilagarcía de Arousa, o de San Mauro en Pontevedra, o de Pereiró en Vigo ou o de Arcos de Furcos en Cuntis.

O CEMITERIO DE SANTA MARIÑA PROTAGONISTA DA PRIMEIRA DAS "VISITAS SINGULARES RÍAS BAIXAS: CEMITERIOS HISTÓRICOS"

A Deputación impulsa a campaña "Visitas Singulares Rías Baixas: Cemiterios Históricos"

A presidenta da Deputación de Pontevedra asegurou que "esta actuación, que contribúe a desestacionalizar o turismo nas Rías Baixas, pretende difundir o enorme valor cultural que teñen estes espazos"


Carmela Silva deu a coñecer esta mañá a nova iniciativa titulada "Visitas singulares Rías Baixas: Cemiterios históricos" que a Deputación de Pontevedra vai poñer en marcha para desestacionalizar o turismo na provincia. "A través desta acción singular – asegurou Silva – pretendemos ofrecer alternativas que se afasten dos estereotipos do noso destino porque o noso obxectivo é amosar toda a realidade e potencialidade das Rías Baixas".

Ao respecto, a presidenta provincial asegurou que o "turismo de cemiterios está despuntando desde o ano 2015 debido ao grande valor que teñen estes espazos e a súa carga histórica. Así, o Consello de Europa recoñeceu, no ano 2010, como itinerario cultural unha Ruta dos Cemiterios Europeos". Por este motivo, tal e como manifestou Silva, a institución provincial vai levar a cabo unha acción promocional de divulgación de seis cemiterios singulares da provincia de Pontevedra entre os que se atopan Santa Mariña de Dozo (Cambados), o Cemiterio dos Ingleses (Vilagarcía de Arousa), o de San Mauro (Pontevedra), Pereiró (Vigo), Eidos (Redondela) e Arcos de Furcos (Cuntis).

Máis polo miúdo vaise a desenvolver unha campaña de promoción dos cemiterios singulares da provincia de Pontevedra a través da páxina web de Turismo Rías Baixas e das canles do organismo nas redes sociais, poñendo en valor todas as accións turísticas que os propios concellos están impulsando para poñer en valor estes espazos. Esta acción de divulgación se completará coa visita ao cemiterio de Santa Mariña de Dozo, o vindeiro sábado 21 de outubro ás 18.30 horas, onde, tal e como informou a presidenta da Deputación de Pontevedra, "faremos unha visita guiada antes dun concerto no Auditorio de Cambados do grupo Cómplices, co nome de "Claves líricas", ás 20.00 horas, no que o grupo interpretará unha sembranza musical e poética sobre o poeta Valle Inclán". Carmela Silva explicou que a razón de escoller Cambados é porque no cemiterio de Santa Mariña de Dozo está enterrada a muller e tamén un dos fillos de Valle Inclán.

Sobre o espectáculo musical, a presidenta provincial informou que Teo Cardalda musicou un total de once poemas de Valle Inclán nun proceso que durou dous anos e para o que Cómplices contou coa colaboración de Javier del Valle Inclán, un dos netos do escritor. O resultado, tal e como adiantou Silva, "é un espectáculo de preto de hora e media de duración con música, poesía e proxeccións".

A presidenta da Deputación de Pontevedra deu a coñecer tamén as razóns polas que estes seis cemiterios forman parte da campaña "Visitas singulares Rías Baixas: cemiterios históricos". Máis polo miúdo, o cemiterio de Santa Mariña de Dozo, declarado Monumento Histórico Artístico desde 1943 e incluído na Asociación de Cemiterios Singulares de Europa, conta no seu interior coas ruínas dun antigo templo do século XV de estilo "gótico mariñeiro", sen teito, no que se poden contemplar os seus arcos, esculturas con representacións de escenas bíblicas, etc.

No caso de Pereiró, o camposanto máis extenso de Vigo, é coñecido polas súas esculturas, mausoleos así como por un coche fúnebre dos anos 30 en moi bo estado de conservación. Entre as esculturas, ten especial valor a dedicada a Concepción Arenal, modernista, obra do arquitecto Manuel Gómez Román; ou tamén o mausoleo dedicado aos soldados que morreron en Vigo tras ser repatriados de Cuba e Filipinas. Amais, aquí están soterrados o heroe da Reconquista Cachamuíña, o marqués Fernando Quiñones de León ou o ministro José Elduayen Gorriti.

Pola súa banda, o cemiterio de San Mauro en Pontevedra, obra de Alejandro Rodríguez Sesmero, o arquitecto artífice do Pazo da Deputación, conta no seu interior coa igrexa románica de San Mamede de Moldes, mausoleos como o de Ramiro Trapote, o do poeta Andrés Muruais ou os bustos de Eduardo Vicenti e Dolores Montero. Ademais, o panteón da familia Sánchez Cantón, cunha imaxe de San Francisco da desaparecida capela barroca dos Santos de Mollabao, ou o recinto civil no que se atopan enterradas persoas fusiladas no 36, entre elas Alexandre Bóveda.

O cemiterio dos Ingleses reflicte a pegada da Armada británica en Vilagarcía a comezos do século XX. É o único cemiterio inglés da provincia e, xunto co de Camariñas, un dos únicos dous de toda Galicia que se construíu para soterrar aos mariñeiros ingleses falecidos e que non se podían enterrar no camposanto católico por mor de ser protestantes.

No caso dos Eidos, Redondela, trátase dun espazo con panteóns de grande valor artístico realizados por canteiros da zona. A súa importancia tamén reside na pegada da emigración indiana e tamén da Guerra Civil, xa que contén unha fosa común na que foron sepultados 42 persoas republicanas, aos que ademais se lles dedica un monumento. Aquí atópase enterrado, entre outras persoas, o heroe da batalla de Ponte Sampaio John O'Dogherty.

Pola súa banda, o cemiterio de Arcos de Furcos (Cuntis) destaca por ser o único cemiterio subterráneo de Galicia. Foi construído nos anos 40 a cinco metros de profundidade porque non existía ningunha parcela axeitada para ampliar o antigo cemiterio da vila, e as veciñas e veciños de Cuntis colaboraron de maneira económica e tamén picando e trasladando granito

A SERIE DE CORONADO GRAVOU NO CEMITERIO VARIAS ESCEAS

O cimiterio parroquial de Santa Mariña acolleu onte a gravación dunhas esceas da nova serie de Meduaset "Vivir sin permiso" protagonizada por Jose Coroado e Álex González,como actores principais e os actores Pilar Castro, Álex Monner, Ricardo Gómez, Claudia Traisac, Carlos Hipólito, Unax Ugalde, Giulia Charm e Luís Zahera. 
A serie conta tamén con extras cambadeses.

Na escea de onte gravaron a visita a tumba dun familiar dun dos protagonistas.

A serie céntrase na historia de Nemesio 'Nemo' Bandeira, un home que se enriqueceu no pasado con actividades ilegais pero que conseguiu blanquear a súa traxectoria ata erixirse nun dos empresarios máis influentes de Galicia, a través dunha importantísima compañía conserveira. Cando a Nemo diagnostícanlle Alzheimer, tratará de ocultar a súa enfermidade para non mostrarse vulnerable mentres pon en marcha o proceso para elixir o seu sucesor, o que provoca unha hecatombe na familia.

Os seus dous fillos lexítimos que nunca tiveron interese algún polos negocios, de súpeto tentan demostrar que cada cal é o candidato máis adecuado. O seu afillado, o brillante e implacable avogado Mario Mendoza, é obxectivamente o máis preparado, aínda que carece de algo vital: levar a mesma sangue que o seu padriño.
Ao saber que Nemo non lle contempla como herdeiro do imperio, poñerá en marcha o seu propio plan sen abandonar o seu encantador sorriso, o que lle converterá no máis perigoso e desapiadado dos seus inimigos.

Imaxes Cemiterio- Casa Mariñeira Lourdes

O CRISTO DE LEIRO VOLVE AS RUÍNAS DE SANTA MARIÑA

O Cristo de Paco Leiro voltará a presidir o altar das ruínas de Santa Mariña. 
Será, en principio, ata novembro
Unha iniciativa do escultor cambadés Paco Leiro fará que a iglesia das Ruínas de Santa Mariña conten de novo co Cristo de madeira, de dous metros de altura, obra de Paco Leiro, que cubrirá de novo, o oco do que actualmente está a reparar por un equipo de restauradores encabezados por José Manuel Aguiño, como xa acontecera o ano pasadoA iniciativa surxiu o ano pasado do propio escultor que se puxo en contacto con membros da corporación local que trasladaron a idea á Comisión do Cemiterio e ao cura párroco, José Aldao.Tras unhas reunións entre Victor Caamaño o párroco e a dirección da Comisión acordouse dar traslado da idea e a petición de permisos a Patrimonio e ao Arzobispado. Conseguidos os permisos so quedaba fixar dia e hora para a colocación da peza nun acto que debería ser público e aberto, posto que se trata dun monumento seña de identidade do pobo de Cambados, pero que ao fin foi "segredo".

Queremos agradecer a Paco Leiro que repita a iniciativa que da conta do amor que profesa polo seu pobo natal e que por moito que esté lonxe de aquí lévao no seu corazón e na sua cabeza.

O Concello de Cambados púxose en contacto con Patrimonio e expúsolle as duas opcións posibles de reparación. Ao parecer a reparación do Cristo oscila entre 3.000 e 7.000 euros. En xaneiro do 2015 presentouse un informe con estas dúas opcións: unha restauración máis económica duns 3.700 euros e outra máis en profundidade de 7.000 euros que ademais, devolveríalle o ton de pel orixinal.

Tres anos despois, case, patrimonio e arzobispado non contestaron.

PROTECCIÓN CIVIL RETIRA UN NIÑO DE VELUTINA DO CEMITERIO DE STA MARIÑA

Esta tarde efectivos de Protección Civil procederon a retirar un niño de avispa velutina do cemiterio parroquial de Santa Mariña en Cambados. O niño atopábase nun panteón da primeira fase da

ampliación na parte nova do cemiterio. Xa antes retiraran outro noño en Vilariño e mañán procederán a eliminar un terceiro que se atopa a gran altura polo que empregarán para elo o camión autoescala pata proceder a eliminación do enxamio de esta especie invasora. En tres semanas que os membros de Protección Civil teñes os traxes especiais levan eliminados máis dunha decena destes niños.

O CEMITERIO DE S. MARIÑA FINALISTA DOS PREMIOS A OS CAMPOSANTOS ESPAÑOIS

O cemiterio de Cambados, o de Bilbao, o da Paz de Valencia, o de Mataró (Barcelona) ou o de Castro Urdiales (Cantabria) son algúns dos 25 finalistas que optan a gañar o Concurso de Cemiterios de España 2016 nalgunhas das categorías. 
A revista Adiós, responsable do certame, deu a coñecer a selección de cemiterios que optan a facerse con algún dos galardóns e cuxos gañadores serán elixidos por votación popular, a través da páxina web da publicación (www.revistaadios.es) a partir do 13 de xullo. Non vos esquezades de votar.

Na categoría de Mellor cemiterio de España as necrópoles que optan ao título de 2016 son as de Cambados, Luarca (Asturias), Bilbao (Biscaia), Castro Urdiales, Mataró (Barcelona), Parque da Paz (en Valencia), Iznájar (Córdoba), Alcaudete (Xaén), Alora (Málaga) e Chiclana (Cádiz). 

O concurso elixe tamén aos camposantos co Mellor monumento entre os de Piedrahita (Avila), Santa Isabel (en Vitoria), Ciriego (en Santander), Castro Urdiales (Cantabria), Masnou (Barcelona), Villanova i a Geltrú (Barcelona), Monturque (Córdoba), Linares (Xaén), Alora (Málaga) e Chiclana (Cádiz). 

Ademais, unha terceira categoría elixe as mellores historias documentadas dos cemiterios que participan no concurso. Nesta edición, os finalistas da categoría son os de Avilés (Asturias), a Granxa de San Ildefonso (Segovia), Santa Isabel (en Vitoria), Ciriego (Santander), Valencia, Polop (Alacante), Cabra (Córdoba), Alcalá la Real (Xaén), Alora (Málaga) e Chiclana (Cádiz). 

Para rematar, o xurado do concurso premiará ao camposanto coa Mellor iniciativa ambiental entre os cemiterios de Zaragoza, Prat do Llobregat (Barcelona), Aras del Olmo (Valencia) e Valencia. 

"Os elixidos nesta primeira fase teñen un indubidable recoñecemento patrimonial e cultural na candidatura para a que se presentaron", aseguraron os organizadores do certame. 

RESULTADOS DA ENQUISA SOBRE O CEMITERIO: MUNICIPAL OU DA IGREXA?

Trala polémica polo arranxo do Cristo da igrexa do cemiterio e as reunións que houbo para mudar a titularidade do cemiterio, creemos que os cambadeses tíñamos que ter a opción de decidir si queremos ou non que un dos cemiterios máis fermosos de España pase a titularidade municipal ou polo contrario queremos que siga pertencendo a Igrexa.

Para elo formulamos unha enquisa desde este blog hai uns dias e os resultados reflexan os seguintes datos.

Case 200 (186 votos exáctamente) persoas votaron e delas 68 (36%) votos foron para opción de que o Concello se fixera cargo da xestión.
Un 55% esto é 105 votos a favor de que sexa a Igrexa a responsable do cimiterio.
E 13 votos (7%) a favor de que o mantemento sexa compartido por Concello e Igrexa.
Como sempre que realizamos unha enquisa sabemos que estos datos non son científicos pero poden dar unha idea do que os cambadeses desexan.

NOVA ENQUISA: O CEMITERIO: MUNICIPAL OU DA IGREXA?

Levamos uns dias coa enquisa e estes son os resultados parciais ata o momento.

Trala polémica polo arranxo do Cristo da igrexa do cemiterio e as reunións que houbo para mudar a titularidade do cemiterio, creemos que os cambadeses temos que ter a opción de decidir si queremos ou non que un dos cemiterios máis fermosos de España pase a titularidade municipal ou polo contrario queremos que siga pertencendo a Igrexa.

Quen debería ser o titular do cemiterio de Santa Mariña.
Resultados parciais:

Concello:  41%

Igrexa:     53%

Conxunta:  5%


Habería que ter en conta que de pasar a ser titularidade do Concello, outros camposantos cambadeses tamén deberían ter esa opción.


Na barra lateral do blog, tes a enquisa para participar.

Agaradamos a máxima participación de todos vos.

O CIMITERIO NON DEBERÍA SER FONTE DE ENFRONTAMENTO ENTRE VECIÑOS

Queridos vecinos... vayan pasando por caja. Convocan al pueblo sin saber si la iglersia (sic) cederá el cementerio. Esto no viene a significar otra cosa que, el querer enfrentar al pueblo con la iglesia para que le quiten las castañas del fuego. Si el pueblo los eligió para solucionar los problemas, que no pasen la "patata caliente" a los vecinos.

Este é a entrada dun post dunha páxina de dereitas na que demostran unha vez máis a ignorancia sobre  a convocatoria da reunión cos veciños de Cambados e de fora que teñan "propiedades" no cimiterio e atribuirlla de forma indirecta a quen a convoca.
Esta reunión foi convocada por unha comisión de veciños constituída hai dous anos e foi publicitada pola prensa, Concello (web municipal), parroquia de Santa Mariña e blogs locais, polo que as queixas desta páxina resultan máis que patéticas. Quen non se enterou foi porque non quixo.



Continuando cos despropósitos, negan o dereito as persoas que non son cristianas ou creentes a ter un espazo para seren soterrados fora dun lugar "cristián".
A continuación podedes leer algúns comentarios do administrador da páxina....

-Nos consta que muchos vecinos faltaron a la reunión por estar disconforme con la reunión.

 -Nos cuentan que algún que otro vecino que tiene propiedad en el cementerio fueron avisados de esa charla cuando ya estaba todo organizado y no antes de ella.

-Posiblemente las personas que no fueron a la reunión son las que están descuerdo con la medida de que los cementerios sean de titularidad municipal. Ellos tendrán sus motivos.

O mellor cando un está en desacordo é tratar de explicar a sua postura e convencer ao resto de que a sua idea é a boa. E non andar a "patalexar" polas rúas e tratar de enfrentar aos veciños.










 

REUNIÓN VECIÑAL SOBRE OS CEMITERIOS DE CAMBADOS

O vindeiro domingo 17 ás 17:30 a Parroquia de Santa Mariña Dozo convoca unha reunión no Auditorio da Xuventude para falar sobre a situación dos cemiterios cambadeses.

Todos aqueles que estean interesados están convidados.

 Hai dous anos constituíuse unha comisión parroquial co fin de articular algunha solución ao problema que afecta os camposantos, pero o tempo pasa e case nada se avanzou neste tema. Nunha multitudinaria asemblea celebrada no auditorio acordouse solicitar orzamentos a varias empresas para avaliar o custo dun servizo destas características e expúxose a posibilidade de establecer unha cota entre os propietarios de sepulturas co fin de facer fronte a este gasto. 
No Concello non estaban antes nin están agora dispostos a asumir máis cargas económicas, máxime tendo en conta que os cemiterios son da Igrexa e non municipais, e o seu compromiso pasa, exclusivamente, por facer dúas limpezas en profundidade en Santa Mariña, no verán e en novembro con motivo de Defuntos.

Desde hai un ano, data desa última reunión multitudinaria as cousas seguen paradas.

OS CACOS CÉBANSE CO CEMITERIO DE CAMBADOS

Desde hai unhas semanas véñense producindo un pequenos  roubos no Cemiterio de Cambados. 
Desde a parroquia avisan a veciños e propietarios do que está a acontecer e que dirixa cada cidadán as suas denuncias á Policía Local.
Os "cacos" non reparan no dano que fan sentimentalmente aparte do económico.
Lévanse flores, xarróns, e ata as letras dos nomes dalgúns nichos. Calquer veciño que note a presenza de xente estrana pola zona debe estar alerta e comunicar calquer movemento estrano avise as autoridades.

AS RUINAS DE SANTA MARIÑA CONTARÁN CUN NOVO CRISTO

Unha iniciativa do escultor cambadés Paco Leiro fará que a iglesia das Ruínas de Santa Mariña conten con un Cristo de madeira de dous metros de altura que cubrirá o oco do que actualmente está a reparar por un equipo de restauradores encabezados por José Manuel Aguiño.
Por suposto totalmente gratis.

A iniciativa surxiu do propio escultor que se puxo en contacto con membros da corporación local que trasladaron a idea á Comisión do Cemiterio e ao cura párroco, José Aldao.
Tras unhas reunións entre Victor Caamaño o párroco e a dirección da Comisión acordouse dar traslado da idea e a petición de permisos a Patrimonio e ao Arzobispado. Conseguidos os permisos so queda fixar dia e hora para a colocación da peza nun acto que debería ser público e aberto, posto que se trata dun monumento seña de identidade do pobo de Cambados.

É aquí cando surxen algunhas diferencias. A igrexa quere anuncialo nas misas da fin de semana. Para CORES DE CAMBADOS o ideal sería facer unha rolda de prensa ou un aviso conxunto da igrexa e o Concello, a alcaldesa ou Víctor Caamaño que foi que realizou as xestións. 
Sexa como sexa agora xa sabedes que pronto a igrexa das Ruínas de Santa Mariña contará con un Cristo en 3D mentras o orixinal está a ser reparado.

Tanén queremos agradecer a Paco Leiro a sua iniciativa que da conta do amor que profesa polo seu pobo natal e que por moito que esté lonxe de aquí lévao no seu corazón e na sua cabeza.

CRISTO DO CONVENTO

Ficha técnica:

Madeira de carballo policromada

Cruz: piñeiro tea

280 x 180 x 65 cm 

Represéntase a expiración de Xesus Cristo.

A figura aparece despegada da cruz en postura frontal, cos brazos en forma de Y, acentuando a sensación de peso morto, o que lle da máis dramatismo á composición.

Podería dicirse que o tratamento da anatomía é achegado ao do primeiro Renacemento ( Brunelleschi, Donatello ou  Juan de Anchieta) e respecto a Cristos contemporáneos atreveríame a citar o Cristo de Moiá de Francisco Asorey.

A cruz en TAU (en forma de T) é un símbolo empregado pola orde Franciscana. Por este motivo escolle a cruz en forma de TAU, como homenaxe ao antigo convento de San Francisco en Cambados.

De aí o título de la obra, CRISTO DO CONVENTO