Tres persoas con discapacidade psíquica pertencentes á asociación BATA traballarán a partir de marzo acondicionando espazos públicos forestais de Cambados. O Concello e BATA asinaron esta mañá o convenio de colaboración polo que esta brigada despregará os seus servizos durante dez meses.
A iniciativa coa que se pretende seguir avanzado na integración sociolaboral dos usuarios de BATA e continuación da desenrolada en anos anteriores.
Os tres usuarios da Asociación Tratamento do Autismo BATA estarán supervisados por un preparador laboral, traballarán a partir do un de marzo e ata finais de ano para o Concello de Cambados. Constituirán unha brigada que se encargará do mantemento, limpeza e conservación do entorno do Muíño da Seca e o Monte da Pastora. Un paso máis na integración sociolaboral das persoas con algún tipo de discapacidade psíquica. Este non é o primeiro convenio laboral que asina BATA con concellos do Salnés e Ulla Umia para lograr que os seus usuarios se introduzan no mercado laboral. A día de hoxe teñen brigadas en Vilagarcía, Ribadumia e están en negociacións con Valga. O concello cambadés colaborará economicamente, cunha achega de seis mil euros.
Cada 2 de abril celébrase o Día Internacional do Autismo, e municipios como Cambados, A Illa ou Vilagarcía sumáronse á efeméride.
Cambados mantén unha estreita colaboración coa asociación BATA.
Os responsables deste colectivo leron un manifesto en compañía da alcaldesa, Fátima Abal, e do edil de Servizos Sociais, Constantino Cordal.
No salón de plenos habilitouse un photocall no que políticos e veciños escenificaron o seu apoio á campaña " Rompendo Barreiras". Este ano, a iluminación azul centralizouse no Concello. O Concello de Cambados ten un convenio de colaboración con BATA que inclúe diferentes actividades, como a participación dun equipo de mozos con espectro autista nas tarefas de limpeza do municipio, unha forma de integración laboral para eles.
