PONTEVEDRA-SALNÉS: NOVO MÍNIMO DE CONTAXIOS NA ÁREA

Coronavirus Pontevedra-Salnés: 3 novos infectados e baixan a 224 os casos activos.

A área sanitaria pontevedresa rexistra un novo mínimo de contaxiados en quinta onda. A área sanitaria de Pontevedra e O Salnés volve rexistrar un mínimo de contaxiados nesta quinta onda, soamente 3, moitos menos que os 15 que contara o luns pasado. A situación continúa mellorando na área, con menos casos activos e varios municipios con 0 enfermos nas últimas dúas semanas. Nas últimas 24 horas producíronse 3 contaxios novos e 27 altas, o que fai que descendan en 24 persoas os casos activos, pasando de 248 a 224. Incidencia: Casos por 100.000 habitantes nos últimos 14 días nos concellos do Salnés: Cambados 3 22 Illa de Arousa 3 61 Meaño 3 57 Meis 3 63 O Grove 11 103 Ribadumia 3 59 Sanxenxo 23 133 Vilagarcía de Arousa 20 53 Vilanova de Arousa 3 29

Baixa a incidencia en Pontevedra cidade e na área sanitaria mantense á baixa. Sanxenxo é o único municipio que rexistrou máis contagios na última semana que na anterior. O número de pacientes hospitalizados sobe de 7 a 8 persoas, distribuídas en 7 pacientes no CHU de Pontevedra (3 en planta e 4 na UCI), 1 en planta no Hospital Público do Salnés e 0 no Quirónsalud Miguel Domínguez. A área sanitaria de Pontevedra-O Salnés inclúe as comarcas de Pontevedra, O Salnés, Caldas (excepto Valga e Pontecesures), Tabeirós-Terra de Montes (salvo a Estrada) e os municipios de Marín e Bueu pertencentes ao Morrazo. Desde o inicio da pandemia tivo 21.339 casos de coronavirus, con 202 falecementos, 20.913 altas e 224 casos activos nestes momentos.