PONTEVEDRA-SALNÉS: CIFRAS MOI POSITIVAS, TRAS DOUS MESES NEFASTOS

Coronavirus Pontevedra: 9 contaxios novos e baixan a 557 os casos activos

A área sanitaria pontevedresa baixa de 10 contaxios por primeira vez desde xuño e pasa a ser a menos afectada de Galicia Moi boas noticias para a área sanitaria de Pontevedra, que rexistra menos de 10 contaxios por primeira vez desde o mes de xuño, antes de que explotase a quinta onda precisamente nesta área sanitaria polos mozos que se foron de viaxe a Mallorca. Nas últimas 24 horas producíronse 9 contaxios novos e 41 altas, o que fai que descendan en 32 persoas os casos activos, pasando de 589 a 557. Incidencia: Casos por 100.000 habitantes nos últimos 14 días nos concellos do Salnés: Cambados 15 109 Illa de Arousa 3 61 Meaño 3 57 Meis 3 63 O Grove 3 28 Ribadumia 3 59 Sanxenxo 48 277 Vilagarcía de Arousa 45 120 Vilanova de Arousa 11 107 Segue baixando a incidencia en Pontevedra cidade, e convértese na menos afectada de Galicia. En todo a área sanitaria só Sanxenxo e Cerdedo-Cotobade superan 200 de incidencia nos últimos 14 días. O número de pacientes hospitalizados baixa de 19 a 15 persoas, distribuídas en 11 pacientes no CHU de Pontevedra (6 en planta e 5 na UCI), 3 en planta no Hospital Público do Salnés e 1 no Quirónsalud Miguel Domínguez. A área sanitaria de Pontevedra-O Salnés inclúe as comarcas de Pontevedra, O Salnés, Caldas (excepto Valga e Pontecesures), Tabeirós-Terra de Montes (salvo a Estrada) e os municipios de Marín e Bueu pertencentes ao Morrazo. Desde o inicio da pandemia tivo 21.149 casos de coronavirus, con 201 falecementos, 20.391 altas e 557 casos activos nestes momentos.