NOVO FALECEMENTO NA ÁREA PONTEVEDRA SALNÉS

Tres novos falecementos elevan o número de mortes por Covid en Galicia a 2.492

Faleceron dúas persoas no Hospital de Verín e outra no CHOP, e todos eles presentaban patoloxías previas A Consellería de Sanidade confirmou o falecemento doutras tres persoas contaxiadas de Covid-19 na xornada do 7 de agosto, o que eleva as mortes por mor da pandemia en Galicia a 2.492. Confirmouse a morte dun home e unha muller no Hospital de Verín, na provincia de Ourense, de 95 e 87 anos respectivamente. No Complexo Hospitalario de Pontevedra faleceu durante a xornada de hoxe un home de 91 anos. Sanidade afirma que os tres pacientes presentaban patoloxías previas. A situación epidemiolóxica en Galicia mellora lixeiramente con respecto a semanas anteriores, aínda que os casos activos seguen sendo moi elevados e a presión asistencial é notable. A diferenza doutras ondas, neste novo pico de contaxios saturáronse os servizos de Atención Primaria, aínda que a presión hospitalaria segue manténdose en números aceptables.