CORONAVIRUS GALICIA: CASE 1700 ENFERMOS MENOS QUE O DOMINGO PASADO

Coronavirus Galicia: 1.019 novos infectados e baixan a 17.289 os casos activos

A semana termina con menos contaxiados e 1.700 casos activos menos que o domingo pasado, e o mesmo número de hospitalizados A quinta onda continúa remitindo aos poucos en Galicia e a semana termina con 1.675 casos activos menos (o domingo pasado eran 18.964, xusto o máximo desta quinta onda) e un total de 6.974 contaxios rexistrados, 1.440 menos que os 8.414 da semana anterior. A boa noticia de hoxe é que Galicia está a piques de comezar a dobregar outra das curvas desta quinta onda, a de hospitalizados. Os 316 de hoxe son xusto o mesmo número que o domingo pasado, aínda que con máis pacientes na UCI (55 fronte a 44). Por áreas sanitarias mantense a mesma tónica dos últimos días: A Coruña segue sumando casos activos aínda que o número de contaxios novos descendeu, mentres as outras área sanitarias galegas seguen restando infectados día tras día. A situación hospitalaria empeora respecto a onte, con 1 paciente máis en UCI e 6 máis en planta. O total de pacientes é a mesma cifra que fai sete días. Hai unha semana había 316 hospitalizados en Galicia divididos en 272 pacientes de planta e 44 de UCI, e hoxe son 316 en total, con 261 planta e os outros 55 na unidade de críticos (1 máis que onte). Vigo, Pontevedra e A Coruña son as áreas máis afectadas. A área herculina sobe a 4.571 casos activos con 294 novos enfermos. Vigo rexistra 296 contaxios e baixa a 4.275 casos activos. Pontevedra suma 117 infectados e baixa a 2.186 casos activos. Estes son os datos máis relevantes de hoxe: A Coruña é a área sanitaria máis afectada de Galicia con 4.571 casos activos, e tamén é a cidade de maior incidencia con 811. Ourense é a de menor incidencia con 433. Os casos activos baixan de 17.742 a 17.289, un descenso de 453 infectados. Soben de 309 a 316 as persoas hospitalizadas, o mesmo número que hai unha semana. A incidencia a 14 días baixa de 583 a 570 e a incidencia a 7 baixa de 269 a 258. Hoxe domingo son 281 diagnósticos menos que os 1.300 do domingo 1 de agosto, procedendo dun número de probas inferior. Os 1.019 casos novos de hoxe son o 13,29% de diagnósticos positivos de 7.662 probas PCR, mentres que os 1.300 do domingo pasado eran o 15,22% de positivos de 8.541 tests. Na web de datos do Sergas di que nas últimas 24 horas confirmáronse 1.042 casos de COVID-19 por PCR, pero a diferenza entre o total de infectados desde o inicio da pandemia de hoxe (165.205) e o de onte (164.186) é de 1.019 persoas. Do mesmo xeito, os novos contaxios por área sanitaria son calculados co mesmo procedemento. Nas últimas 24 horas rexistráronse en Galicia 1.019 novos casos de SARS- CoV-2, 3 falecementos e 1.469 altas, o que fai que descendan en 453 persoas os casos de coronavirus, pasando dos 17.742 de onte aos 17.289 de hoxe. O total de hospitalizados sobe de 309 a 316 pacientes, 1 máis en UCI e 6 máis en planta. O pasado domingo eran 316 hospitalizados, os mesmos que hoxe. O total de casos de coronavirus contabilizados polo Sergas desde o inicio da pandemia é de 165.205. Só A Coruña empeora Continúa a tónica do últimos tres días: todas as áreas sanitarias galegas restan casos activos menos a da Coruña, que segue empeorando. A Coruña é a máis afectada con 4.571 casos activos (+45), seguida de Vigo con 4.275 (-42), Pontevedra con 2.186 (-145), Lugo con 2.015 (-99), Santiago con 1.919 (-80), Ourense con 1.312 (-89) e Ferrol con 1.011 (-43). A Coruña é a cidade máis afectada de Galicia con 811 de incidencia, e Ourense a que menos, con 433. Incidencia nas cidades A Coruña: 811 (-4) Ferrol: 574 (=) Lugo: 654 (-5) Ourense: 433 (-22) Pontevedra: 674 (-9) Santiago: 475 (-43) Vigo: 773 (-15) Novas infeccións por área sanitaria A Coruña: 294 Ferrol: 49 Lugo: 89 Ourense: 75 Pontevedra: 117 Santiago: 99 Vigo: 296 Total: 1.019 O total de falecementos desde o inicio chega a 2.492 persoas, 3 nas últimas 24 horas, e son 1.873 desde a nova normalidade, superando os 619 da primeira onda. O total de hospitalizados é de 316 (+7), divididos en 55 (+1) na UCI e 261 (+6) en unidades de hospitalización. O total de probas PCR realizadas é de 2.618.535, delas 7.662 nas últimas 24 horas, cun 13,29% de positivos. A semana termina con 6.974 enfermos de luns a domingo, un 17,2% menos que os 8.414 da semana pasada. As últimas semanas terminaron con 8.414, 9.090, 7.085, 2.991, 1.394, 758, 548, 557, 620, 850, 1.067, 1.103, 1.217, 1.288, 1.362, 1.259, 1.091, 901, 877, 985, 1.112, 1.117, 1.780, 2.498, 4.066, 7.066, 10.337 e 10.526 contaxios respectivamente.