UNHA ASOCIACIÓN DE GUÍAS TURÍSTICOS PROMOVE CAMBADOS COMO DESTINO PRINCIPAL

Agagui: Nace unha asociación de guías locais que promove visitas para redescubrir Galicia.

A organización ten á venda un bono regalo por 50 euros que inclúe dúas horas de roteiro a pé cun guía oficial para un grupo de máximo cinco persoas e as cidades dispoñibles que se poden elixir son: Santiago, Vigo, Tui, A Coruña, Pontevedra e Cambados "Este Nadal regala Galicia". Este é o lema de Agagui, a nova asociación de guías de Galicia que se lanza coa proposta de visitas guiadas para " redescubrir a terriña". Trátase de roteiros con expertos locais para coñecer a historia e curiosidades que esconden as cidades e pobos da comunidade. A campaña da asociación ten o hashtag # regalaunarutaguiada e un dobre obxectivo: dar a coñecer a asociación e, á vez, apoiar á cultura e o turismo de proximidade seguindo todas as medidas e restricións sanitarias. O bono regalo ten un único prezo de 50€ e inclúe dúas horas de roteiro a pé cun guía oficial para un grupo de máximo cinco persoas e as cidades dispoñibles que se poden elixir son: Santiago, Vigo, Tui, A Coruña, Pontevedra e Cambados. Ao regalar un roteiro guiado, recibirase o bono por correo electrónico xunto cun gráfico orixinal que se poderá imprimir e colocar debaixo da árbore. O bono pódese utilizar durante todo o 2021 e pódese adquirir a través da web agagui. gal ou o correo asociacionagagui@gmail.com. Esta organización ten pouco tempo de vida xa que viu a luz en setembro deste ano e agrupa guías de turismo que exercen a súa actividade en Galicia. Actualmente, segundo eles mesmos confirman, forman parte da maior e máis exitosa oferta da rexión con máis de 30 circuítos creados e máis de 45.000 usuarios. A nova asociación pretende axudar a crear a nivel galego un espazo de encontro entre guías turísticos, guías acompañantes e guías de museos que legalmente exercen esta profesión. Á súa vez, queren ser tamén interlocutores válidos e abertos entre o sector dos guías turísticos de Galicia, as distintas administracións e o sector privado, á marxe de que pretenden fomentar o intercambio de boas prácticas e promover a calidade das actividades con guías turísticos dentro do territorio galego. Así mesmo, baixo o paraugas da transparencia, calidade e adaptabilidade, Agagui ofrece xa aos seus membros servizos de promoción, formación, asesoría e encontros puntuais.