GALICIA SIGUE BAIXANDO OS CASOS ACTIVOS, PERO MENOS QUE O LUNS PASADO

Coronavirus Galicia: 274 contaxios novos e baixan a 6.644 os casos activos

Continúa baixando o número de infectados, pero a comunidade rexistra máis contaxios que o luns pasado. Santiago de Compostela é a única área sanitaria que empeora. Galicia comeza a semana con menos casos activos que onte e 1.162 menos que o pasado luns, pero 23 contaxios novos máis que fai sete días. A evolución da pandemia continúa sendo positiva e todas as áreas sanitarias melloran salvo a de Santiago de Compostela, que experimenta un leve repunte. A única mala noticia adicional é que aumentan os hospitalizados, como de feito ocorre cada luns. Os 412 de hoxe son con todo 72 menos que hai unha semana. Os 274 casos novos de hoxe son o 5,1% de diagnósticos positivos de 5.364 probas PCR, mentres que os 251 do luns pasado eran o 4,58% de positivos de 5.470 tests. Na web de datos do Sergas di que nas últimas 24 horas confirmáronse 260 de COVID-19 por PCR, pero a diferenza entre o total de infectados desde o inicio da pandemia de hoxe (54.476) e o de onte (54.202) é de 274 persoas. Do mesmo xeito, os novos contaxios por área sanitaria son calculados co mesmo procedemento. Nas últimas 24 horas rexistráronse en Galicia 274 novos casos de SARS- CoV-2, 7 falecementos e 349 altas, o que fai que baixen en 82 persoas os casos de coronavirus, pasando dos 6.726 de onte aos 6.644 de hoxe. O total de hospitalizados sobe en 6 persoas, de 406 a 412 pacientes. O pasado domingo eran 484 hospitalizados, 72 máis que hoxe. O total de casos de coronavirus contabilizados polo Sergas desde o inicio da pandemia é de 54.476. Soa a área de Santiago de Compostela empeora Coronavirus A Coruña: 53 contaxios novos e baixan a 1.349 os casos activos Coronavirus Ferrol: 36 contaxios novos e baixan a 576 os casos activos Coronavirus Santiago: 47 contaxios novos e soben a 795 os casos activos Coronavirus Vigo: 53 contaxios novos e baixan a 1.782 os casos activos Coronavirus Pontevedra: 33 contaxios novos e baixan a 971 os casos activos Coronavirus Lugo: 29 contaxios novos e baixan a 771 os casos activos Coronavirus Ourense: 23 contaxios novos e baixan a 400 os casos activos Melloran todas as áreas sanitaria de Galicia, menos a de Santiago de Compostela. A máis afectada continúa sendo Vigo, con 1.782 casos activos (-18), seguida da Coruña con 1.349 (-27), Pontevedra con 971 (-19), Santiago con 795 (+11), Lugo con 771 (-17), Ferrol con 576 (-10) e Ourense con 400 (-2). Novos contaxios por área sanitaria A Coruña: 53 Ferrol: 36 Lugo: 29 Ourense: 23 Pontevedra: 33 Santiago: 47 Vigo: 53 Total: 274 O total de falecementos desde o inicio da pandemia alcanza as 1.257 persoas, 7 máis nas últimas 24 horas, e son xa 638 nesta segunda onda, superando os 619 da primeira. O total de hospitalizados é de 412 (+6), divididos en 60 (-4) na UCI e 352 (+10) en unidades de hospitalización. O total de probas PCR realizadas é de 939.896, delas 5.364 nas últimas 24 horas, cun 5,1% de positivos. A semana pasada Galicia tivo 543 casos novos menos que a anterior (2.249 fronte a 2.792). Esta empezou un pouco peor, con 274 contaxios fronte aos 251 do luns pasado.