O SALNÉS TEN MÁIS INCIDENCIA DE COVID-19 QUE A COMARCA DE PONTEVEDRA

Coronavirus Pontevedra: 33 contaxios novos e baixan a 971 os casos activos Segue mellorando a área sanitaria pontevedresa, que rexistra moitos menos contaxios menos que o luns pasado. A área sanitaria de Pontevedra e O Salnés continúa mellorando e afastándose dos 1.000 casos. Os 33 contaxios novos de hoxe son menos que os 57 do luns pasado, e unha das cifras máis baixas das últimas semanas. A área sanitaria ten nestes momentos 185 casos activos menos que o luns pasado. Nas últimas 24 horas producíronse 33 contaxios novos e 52 altas, o que fai que baixen en 19 persoas os casos activos, pasando dos 990 de onte a 971 hoxe. Coa excepción de Vilaboa, que ten unha incidencia tan alta polo brote nunha residencia de maiores, o resto da área sanitaria de Pontevedra e O Salnés mellora, e de feito hai diferenzas. A área de Pontevedra cidade e os seus arredores ten xa unha incidencia menor que a área do Salnés (Sanxenxo, O Grove e Cambados -47 casos, 3 menos que onte-, entre outros), que a mantén un pouco maior. O número de pacientes hospitalizados sobe de 51 a 53 persoas, distribuídos en 46 pacientes no CHU de Pontevedra (37 en planta e 9 na UCI), 3 no Hospital Público do Salnés e 4 no Quirónsalud de Pontevedra. Na área sanitaria de Pontevedra-O Salnés desde o inicio da pandemia tivo 5.739 casos de coronavirus, con 60 falecementos, 4.708 altas e 971 casos activos nestes momentos.