GALICIA CONTINÚA COA SUA MELLORÍA

Coronavirus Galicia: 358 contaxios novos e baixan a 5.684 os casos activos

Hai 1.452 casos activos e 49 hospitalizados menos que o venres pasado, pero Ourense e Santiago empeoran a súa situación hoxe. Aumentan os contaxios de coronavirus en Galicia respecto a onte, e os 358 diagnósticos de hoxe son unha cifra superior aos 326 da semana pasada, aínda que proveñen dunha cantidade de tests moito maior e cunha porcentaxe de positivos inferior. A pesar deste aumento de contaxios respecto a onte, os casos activos continúan baixando a nivel galego, aínda que en dúas áreas sanitarias -Ourense e Santiago- aumentan respecto a onte. A área que máis mellora é a da Coruña. Galicia ten nestes momentos 1.452 casos activos e 49 hospitalizados menos que o venres pasado. Os 358 casos novos de hoxe son o 4,79% de diagnósticos positivos de 7.471 probas PCR, mentres que os 326 do venres pasado eran o 6,36% de positivos de 5.118 tests. Na web de datos do Sergas di que nas últimas 24 horas confirmáronse 324 de COVID-19 por PCR, pero a diferenza entre o total de infectados desde o inicio da pandemia de hoxe (55.725) e o de onte (55.367) é de 358 persoas. Do mesmo xeito, os novos contaxios por área sanitaria calcúlanse co mesmo procedemento. Nas últimas 24 horas rexistráronse en Galicia 358 novos casos de SARS- CoV-2, 6 falecementos e 463 altas, o que fai que baixen en 111 persoas os casos de coronavirus, pasando dos 5.795 de onte aos 5.684 de hoxe. O total de hospitalizados baixa en 11 persoas, de 371 a 360 pacientes. O pasado venres eran 409 hospitalizados, 49 máis que hoxe. O total de casos de coronavirus contabilizados polo Sergas desde o inicio da pandemia é de 55.725. Ourense e Santiago de Compostela son as áreas que empeoran hoxe a súa situación, o resto melloran. A máis afectada segue sendo Vigo con 1.401 casos (-24), seguida pola Coruña con 1.093 (-53), Pontevedra con 839 (-17), Santiago con 824 (+7), Lugo con 571 (-20), Ferrol con 573 (-23) e Ourense con 383 (+19). Novos contaxios por área sanitaria A Coruña: 43 Ferrol: 23 Lugo: 25 Ourense: 37 Pontevedra: 37 Santiago: 66 Vigo: 127 Total: 358 O total de falecementos desde o inicio da pandemia alcanza as 1.293 persoas, 6 máis nas últimas 24 horas, e son xa 674 nesta segunda onda, superando os 619 da primeira. O total de hospitalizados é de 360 (-11), divididos en 51 (+1) na UCI e 309 (-12) en unidades de hospitalización. O total de probas PCR realizadas é de 967.614, delas 7.471 nas últimas 24 horas, cun 4,79% de positivos. Esta semana continúa cuns datos similares pero xa algo inferiores á anterior. De luns a venres rexistráronse 1.523 casos novos en Galicia, mentres que a semana pasada foron 1.583 nos cinco primeiros días.