CONTINÚA A MELLORA EN GALICIA

Seguen baixando os contaxios en comparación coa semana pasada, e só empeora a área de Santiago de Compostela. Novo día de noticias relativamente boas sobre a evolución do coronavirus en Galicia. Continúan baixando os casos activos, seguen rexistrándose menos contaxios que o mesmo día da semana pasada e o número de hospitalizados baixa de novo, marcando o mínimo desde o 22 de outubro. Todas as áreas sanitarias melloran coa excepción de Santiago, onde a alta incidencia de Boiro e Rodeiro fai que suban os casos activos. Os 287 casos novos de hoxe son o 3,6% de diagnósticos positivos de 7.970 probas PCR, mentres que os 366 do martes pasado eran o 5,86% de positivos de 6.245 tests. Na web de datos do Sergas di que nas últimas 24 horas confirmáronse 255 de COVID-19 por PCR, pero a diferenza entre o total de infectados desde o inicio da pandemia de hoxe (55.367) e o de onte (55.080) é de 287 persoas. Do mesmo xeito, os novos contaxios por área sanitaria son calculados co mesmo procedemento. Nas últimas 24 horas rexistráronse en Galicia 287 novos casos de SARS- CoV-2, 6 falecementos e 413 altas, o que fai que baixen en 132 persoas os casos de coronavirus, pasando dos 5.927 de onte aos 5.795 de hoxe. O total de hospitalizados baixa en 4 persoas, de 375 a 371 pacientes. O pasado xoves eran 414 hospitalizados, 43 máis que hoxe. O total de casos de coronavirus contabilizados polo Sergas desde o inicio da pandemia é de 55.367. Santiago é a única área que empeora Todas as áreas sanitarias melloran, menos a de Santiago de Compostela. A máis afectada continúa sendo Vigo con 1.425 casos activos (-74), seguida pola Coruña con 1.146 (-47), Pontevedra con 856 (-15), Santiago de Compostela con 817 (+32), Lugo con 591 (-15), Ferrol con 596 (igual) e Ourense con 364 (-13). Santiago de Compostela é a área con máis contaxios. Novos contaxios por área sanitaria A Coruña: 43 Ferrol: 24 Lugo: 20 Ourense: 31 Pontevedra: 40 Santiago: 77 Vigo: 52 Total: 342 O total de falecementos desde o inicio da pandemia alcanza as 1.287 persoas, 6 máis nas últimas 24 horas, e son xa 668 nesta segunda onda, superando os 619 da primeira. O total de hospitalizados é de 371 (-4), divididos en 50 (-1) na UCI e 321 (-3) en unidades de hospitalización. O total de probas PCR realizadas é de 960.143, delas 7.970 nas últimas 24 horas, cun 3,6% de positivos. Esta semana continúa cuns datos similares pero xa algo inferiores á anterior. De luns a xoves rexistráronse 1.165 casos novos en Galicia, mentres que a semana pasada foron 1.257 nos catro primeiros días.