CAMBADOS E OUTROS 5 CONCELLOS DO SALNÉS, CONFINADOS

O comité clínico da Consellería de Sanidade que fai seguimento da evolución da covid-19 en Galicia vén de acordar, na súa reunión de hoxe pola tarde, que os concellos de Viveiro, Verín, Monterrei, Castrelo do Val, Cualedro, Noia e Lousame pasan ao nivel máximo de restricións. Verín, Monterrei, Castrelo do Val e Cualedro forman un perímetro conxunto, o mesmo que fan Noia e Lousame.

Así mesmo, decidiu suavizar as medidas restritivas nos concellos de Lugo, Ponteareas e Rodeiro, que pasarán ao nivel básico de restricións, co que se suprimirá a limitación de mobilidade.

Igualmente, o comité clínico acordou que os concellos de Redondela, Barro, Xinzo de Limia, Carral, Xove, Muros, Outes, Porto do Son e A Pobra do Caramiñal pasan ao nivel medio-alto de restricións.

Tras analizar a evolución epidemiolóxica no conxunto de concellos galegos, o comité clínico tamén acordou engadir ao listado de concellos con vixilancia especial a Val do Dubra, Vedra, Padrón e Rois.

Todas estas medidas publicaranse no Diario Oficial de Galicia deste martes e entrarán en vigor ás 00,00 horas do mércores.

Sanidade lembra a obrigatoriedade de cumprir todas as medidas establecidas pola Xunta de Galicia, co ánimo de mellorar a situación epidemiolóxica na comunidade e así poder ir diminuíndo as restricións vixentes.

Este martes a Consellería de Sanidade informará da actualización de medidas de fin de ano para Galicia.

O novo mapa de restricións en Galicia: onde se pode ir e onde non

Tres municipios pasan a estar  desconfinados e outros quince ven a súa mobilidade restrinxida.

A Xunta pecha  perimetralmente 15 municipios máis de Galicia

A Xunta de Galicia anunciou cambios no mapa de restricións da comunidade. Tres municipios viron liberada a súa mobilidade, mentres que outros quince foron confinados en diferentes niveis. Redondela, pola súa banda, pasa ao nivel de restricións medio-alto e reintégrase no peche perimetral de Vigo.

Estes son os cambios principais:

Lugo, Ponteareas e Rodeiro xa non están con confinamento perimetral.

Pasan a estar confinados e no nivel máximo de restricións Viveiro, Verín, Monterrei, Castrelo do Val, Cualedro, Noia e Lousame.

Pasan a estar confinados e no nivel medio-alto de restricións Varro, Xinzo de Limia, Carral, Xove, Muros, Outes, Porto do Son e A Pobra do Caramiñal.

Redondela baixa ao nivel medio-alto de restricións e reintégrase no peche perimetral de Vigo.

Está pendente de confirmarse se se agrupan ou non en peches perimetrais diversos municipios da costa da Coruña no mesmo nivel de restricións, como Carnota e Muros ou Noia e Lousame.

Os grupos de municipios e concellos que estarán confinados

A Xunta de Galicia definiu varios grupos de municipios ou perímetros que estarán suxeitos a estas normas de confinamento -non poder saír da zona- e ás restricións máis duras -sen hostalería nin deporte colectivo-. Estes grupos de concellos son os seguintes, e os seus habitantes só poden desprazarse entre eles, salvo para traballar.

Xallas-Negreira: Mazaricos, Negreira e Santa Comba están pechadas nun confinamento perimetral.

Terra de Soneira: Vimianzo, Camariñas e Zas.

A Coruña: A Coruña, Arteixo, Culleredo e Cambre.

Ferrol: Ferrol e Narón.

Pontevedra: Pontevedra, Poio e Marín.

Vigo: Vigo, Gondomar, Mos, Nigrán, O Porriño e Redondela.

Baixo Miño: A Guarda, O Rosal e Tomiño.

O Grove-Sanxenxo: O Grove e Sanxenxo.

Outros concellos íllanse individualmente, sen que os seus habitantes poidan saír dos mesmos -salvo para traballar-, e coas mesmas restricións: Viveiro (novo), Verín (novo), Monterrei (novo), Castrelo do Val (novo), Cualedro (novo), Noia (novo), Lousame (novo), Barro (novo), Xinzo de Limia (novo), Carral (novo), Xove (novo), Muros (novo), Outes (novo), Porto do Son (novo), A Pobra do Caramiñal (novo), Rianxo, Dumbría, Meaño, Carnota, Santiago de Compostela, A Illa de Arousa, Fisterra, Baiona, Bueu, Ribeira, A Rúa, Sarreaus, Boiro, Cambados, Redondela, Soutomaior, As Pontes, Moaña, Vilalba, Vilagarcía de Arousa, Cangas e Tui.

Sobre o resto de zonas situadas fóra das áreas de máximas restricións. a Xunta estipulou que estean limitadas as saídas de usuarios fóra das residencias e presérvense as visitas familiares dentro da normativa sanitaria vixente, ademais de que se incrementarán as limitacións de aforo a un terzo nas zonas comúns dos centros comerciais (e no interior das tendas ao 50%), ademais doutras limitacións de capacidade nos transportes públicos colectivos que se especificarán no Diario Oficial de Galicia (DOG).