TERCEIRO DÍA CON MÁIS CONTAXIOS DESDE O INICIO DA PANDEMIA EN GALICIA

Coronavirus Galicia: 760 contaxios novos e 9.895 casos activos

Novo gran aumento de casos activos con máis de 700 contagios e unha terceira parte deles en Vigo. Volven aumentar os novos contaxios de coronavirus en Galicia tras tres días consecutivos nos que estiveran por baixo da semana pasada. Os 760 de hoxe xoves superan aos do xoves pasado, que foron 638, e proceden dun número de tests similar. Hoxe deron positivo 760 das 9.112 probas, un 8,34%, mentres que o xoves pasado foron 638 de 8.768, cun 7,27% de positividade. A alta cifra de hoxe é a terceira maior desde o inicio da pandemia, e un terzo de todos eses positivos corresponden ao área sanitaria de Vigo, que segue sendo a máis afectada de toda Galicia. Na web de datos do Sergas di que nas últimas 24 horas confirmáronse 734 de COVID-19 por PCR, pero a diferenza entre o total de infectados desde o inicio da pandemia de hoxe (39.819) e o de onte (39.059) é de 760 persoas. Do mesmo xeito, os novos contaxios por área sanitaria son calculados co mesmo procedemento. Nas últimas 24 horas rexistráronse en Galicia 760 novos casos de SARS- CoV-2, 9 falecementos e 498 altas, o que fai que aumenten os casos activos en 253 persoas, pasando das 9.642 de onte ás 9.895 de hoxe, un novo máximo desde o inicio da pandemia. O total de hospitalizados continúa subindo e marca un novo máximo en nova normalidade, aumentando en 14 persoas e pasando das 563 de onte ás 577 de hoxe. O total de casos de coronavirus en Galicia desde o inicio da pandemia é de 39.819. Ourense e Santiago de Compostela baixan en casos activos Coronavirus A Coruña: 122 contaxios novos e soben a 1.737 os casos activos Coronavirus Ferrol: 84 contaxios novos e soben a 1.094 os casos activos Non todos son malas noticias porque a área sanitaria de Ourense continúa baixando en casos activos, e a de Santiago de Compostela volve descender. A área máis afectada de toda Galicia segue sendo a de Vigo, que ten nestes momentos 2.388 casos activos (+117). Séguelle A Coruña con 1.737 (+69), Santiago de Compostela con 1.338 (-12), Ourense con 1.152 (-59), Pontevedra con 1.137 (+40), Ferrol con 1.094 (+65) e Lugo con 1.049 (+33). A área con máis contaxios, con diferenza, volve ser Vigo, que hoxe acumula un terzo dos contaxios novos de toda Galicia. Novos contaxios por áreas sanitarias A Coruña: 122 Ferrol: 84 Lugo: 79 Ourense: 48 Pontevedra: 93 Santiago: 81 Vigo: 253 Total: 760 O total de falecementos desde o inicio da pandemia en Galicia chega ata os 960 tras 9 mortes comunicadas no día de onte, e alcanza 341 persoas en nova normalidade. O total de hospitalizados é de 577, divididos en 79 na UCI e 498 en unidades de hospitalización. O total de probas PCR realizadas é de 722912, 9.112 no día de onte, cunha positividade do 8.34%. Esta semana producíronse de luns a xoves 2.456 contaxios novos, que é unha cifra moi similar aos 2.483 contaxios dos catro primeiros días da semana pasada. Soamente hoxe xoves rexistráronse máis contagios que o mesmo día da semana anterior.