MÁIS CONCELLOS DO SALNÉS EN ALERTA VERMELLA NOUTRA PÉSIMA XORNADA DE CONTAXIOS

Coronavirus Pontevedra: Sanxenxo e Poio en alerta vermella, 93 contaxios e 1.137 casos activos Segue empeorando a área sanitaria de Pontevedra e O Salnés, suxeita a duras restricións desde este sábado Segue empeorando a área sanitaria de Pontevedra e O Salnés, cun alto número de contaxios e dous municipios que se suman á alerta vermella: Poio (que volve) e Sanxenxo. Desde a medianoite de mañá ao sábado numerosos municipios da zona de Pontevedra estarán suxeitos a restricións. Nas últimas 24 horas producíronse 93 contaxios novos e 53 altas, o que fai que suban en 40 persoas os casos activos, pasando dos 1.097 de onte a 1.137 hoxe. Varios cambios no nivel de alerta por municipios: Poio e Sanxenxo soben a alerta vermella, Caldas de Reis e Ponte Caldelas soben a alerta laranxa, Vilaboa baixa a alerta amarela. Alerta nivel 3 (vermella): Cambados, Marín, O Grove, Poio, Pontevedra, Ribadumia, Sanxenxo e Vilagarcía de Arousa. Alerta nivel 2 (laranxa): Caldas de Reis e Ponte Caldelas. Alerta nivel 1 (amarela): A Lama, Bueu, Cerdedo-Cotobade, Cuntis, Forcarei, , Soutomaior, Vilaboa e Vilanova de Arousa. O número de pacientes hospitalizados sobe de 77 a 78 persoas, distribuídos en 60 pacientes no CHU de Pontevedra (56 en planta e 4 na UCI), 15 no Hospital Público do Salnés e 3 no Quirónsalud de Pontevedra. Na área sanitaria de Pontevedra-O Salnés desde o inicio da pandemia tivo 3.825 casos de coronavirus, con 34 falecementos, 2.654 altas e 1.137 casos activos nestes momentos.