PEQUENO REPUNTE DE ACTIVOS EN GALICIA

A área sanitaria de Vigo suma case 300 casos e por iso aumenta toda Galicia. Soamente A Coruña empeora entre as outras áreas.

Empeora a situación en Galicia tras varios días consecutivos descendendo os casos activos debido a un enorme crecemento de casos novos na área sanitaria de Vigo, por motivos que seguramente esta mesma mañá coñeceranse. Hoxe a área viguesa rexistra 281 novos casos, o máximo de calquera área sanitaria desde o inicio da pandemia, e un 40% dos de toda Galicia. Por iso, os 686 casos de hoxe son moitos máis que os 523 rexistrados o xoves da semana pasada. Estes 686 casos novos supoñen o 8,96% de positivos de 7.649 tests, mentres que os 523 casos da semana pasada eran o 6,43% de 8.128 probas. Na web de datos do Sergas di que nas últimas 24 horas confirmáronse 667 de COVID-19 por PCR, pero a diferenza entre o total de infectados desde o inicio da pandemia de hoxe (47.415) e o de onte (46.729) é de 686 persoas. Do mesmo xeito, os novos contaxios por área sanitaria calcúlanse co mesmo procedemento. Nas últimas 24 horas rexistráronse en Galicia 686 novos casos de SARS- CoV-2, 15 falecementos e 624 altas, o que fai que baixen en 47 persoas os casos de coronavirus, pasando dos 9.051 de onte aos 9.098 de hoxe. O total de hospitalizados baixa en 5 persoas e pasa dos 578 de onte aos 573 hoxe. O total de casos de coronavirus contabilizados polo Sergas desde o inicio da pandemia é de 47.415. Vigo e A Coruña empeoran, Ourense queda igual. Por áreas sanitarias, a máis afectada é a de Vigo con 2.422 casos (+105), seguida por 1.888 na Coruña (+12), 1.250 en Pontevedra (-3), 1.072 en Lugo (-28), 993 en Santiago de Compostela (-13), 749 en Ourense (sen cambios) e 724 en Ferrol (-25). Novos contaxios por áreas sanitarias A Coruña: 125 Ferrol: 33 Lugo: 53 Ourense: 53 Pontevedra: 70 Santiago: 71 Vigo: 281 Total: 686 O total de mortes desde o inicio da pandemia é de 1.107 en Galicia, e delas 488 nesta segunda onda. O total de hospitalizados é de 573, cinco menos que onte, divididos en 101 de UCI e 472 en unidades de hospitalización. O total de probas PCR realizadas é de 826.926, 7.649 nas últimas 24 horas, cun 8,96% de positividade. Esta semana segue progresando peor que a anterior, cun total de 2.052 casos novos de luns a xoves, máis que os 1.825 dos catro primeiros días da semana pasada.