A Xunta habilita desde hoxe, na liña de autobús integrado que comunica Vilagarcía e Vilanova de Arousa, unha nova parada en Vista Real para facilitar a mobilidade dos alumnos de Cambados que estudan Formación Profesional no IES Armando Cotarelo Valledor.
A Consellería de Infraestruturas e Mobilidade xa lle trasladou a disposición deste servizo á empresa concesionaria desta liña de autobús, así como á dirección do instituto.
Hai que sinalar que esta e outras demandas foron presentadas nas alegacións do Plan de Transporte da Xunta de Galicia hai un ano polo goberno cambadés e que non foron atendidas polo órgano autonómico. Froito desta situación atopámonos a día de hoxe con esta problemática», sinalaba, a través de un comunicado hai uns días, Tino Cordal.
Esta problemática iá ser levada ao próximo pleno local.
A Dirección Xeral de Mobilidade atende así a solicitude tanto dos pais destes alumnos que se desprazan cada día desde Cambados ata o centro educativo situado en Vilagarcía de Arousa como do goberno municipal.
Estes estudantes de Formación Profesional poderán facer uso desta liña de transporte integrada aboando o correspondente billete, pois existen prazas suficientes no autobús.
No hay comentarios:
Publicar un comentario
NON SE PUBLICARÁN COMENTARIOS ANÓNIMOS. SI O COMENTARISTA QUERE PERMANECER NO ANONIMATO, NON SE PUBLICARÁ O NOME.