AS ALTAS FREAN O AVANCE DE ACTIVOS EN PONTEVEDRA-SALNÉS

Menos contaxios e máis altas na área sanitaria de Pontevedra e O Salnés: Poio deixa de estar en alerta vermella.

Lixeiro respiro para a área sanitaria de Pontevedra e O Salnés, que segue sumando casos novos de coronavirus e aumentando os casos activos, pero a menor ritmo que outros días. Hoxe producíronse 55 contaxios, a menor cifra dos últimos días, e varios municipios baixan o seu nivel de alerta. Nas últimas 24 horas producíronse 55 contaxios novos e 40 altas, o que fai que suban en 15 persoas os casos activos, pasando dos 1.082 de onte a 1.097 hoxe. Hai algúns cambios na situación de Pontevedra por municipios: Poio baixa a alerta laranxa, Caldas de Reis, Cerdedo-Cotobade e Vilanova de Arousa baixan a alerta amarela. Alerta nivel 3 (vermella): Cambados, Marín, O Grove, Pontevedra, Ribadumia e Vilagarcía de Arousa. Alerta nivel 2 (laranxa): Poio, Sanxenxo e Vilaboa. Alerta nivel 1 (amarela): A Lama, Bueu, Caldas de Reis, Cerdedo-Cotobade, Cuntis, Forcarei, Ponte Caldelas e Vilanova de Arousa. O número de pacientes hospitalizados sobe de 70 a 77 persoas, distribuídos en 59 pacientes no CHU de Pontevedra (54 en planta e 5 na UCI), 15 no Hospital Público do Salnés e 3 no Quirónsalud de Pontevedra. Na área sanitaria de Pontevedra-O Salnés desde o inicio da pandemia tivo 3.732 casos de coronavirus, con 34 falecementos, 2.601 altas e 1.097 casos activos nestes momentos.