OS 10.000 ENFERMOS ACTIVOS EN GALICIA CADA DIA MÁIS PRETO

Os contaxios son menos que o mesmo día da semana pasada por terceiro día consecutivo, pero os hospitalizados seguen aumentado.

Galicia segue rexistrando un número alarmante de novos casos de coronavirus, pero por terceiro día consecutivo son menos que o mesmo día da semana pasada. Os 644 casos novos de hoxe son inferiores aos 693 do mércores 28 de outubro, do mesmo xeito que pasou este luns e onte martes. Poida que se volva a estabilizar o crecemento do coronavirus en Galicia. Estes 644 positivos proceden de 7.564 probas PCR cun 8,51% de positividade, mentres que os 693 do pasado mércores procedían de 8.249 probas cun 8,4% de positivos. Na web de datos do Sergas di que nas últimas 24 horas confirmáronse 626 de COVID-19 por PCR, pero a diferenza entre o total de infectados desde o inicio da pandemia de hoxe (39.059) e o de onte (38.415) é de 644 persoas. Do mesmo xeito, os novos contaxios por área sanitaria son calculados co mesmo procedemento. Nas últimas 24 horas rexistráronse en Galicia 644 novos casos de SARS- CoV-2, 7 falecementos e 371 altas, o que fai que suban en 266 o total de casos activos, pasando dos 9.376 de onte aos 9.642 de hoxe. É de novo un máximo desde o inicio da pandemia. O total de hospitalizados continúa subindo e marca un novo máximo en nova normalidade, aumentando en 18 persoas e pasando das 545 de onte ás 563 de hoxe. O total de casos de coronavirus en Galicia desde o inicio da pandemia é de 39.059. Ourense continúa mellorando Coronavirus A Coruña: Sada en alerta vermella, 121 contaxios novos e 1.668 casos activos Coronavirus Ferrol: 64 contaxios novos e soben a 1.029 os casos activos Despois de que onte baixasen en casos activos tres áreas sanitarias galegas, hoxe soamente é unha, a de Ourense, a que mellora. A máis afectada continúa sendo Vigo con 2.271 casos activos (+145), seguida pola Coruña con 1.668 (+65), Santiago con 1.350 (+2), Ourense con 1.211 (-61), Pontevedra con 1.097 (+15), Ferrol con 1.029 (+47) e Lugo con 1.016 (+53). Hoxe a zona con maior contagios de Galicia é, con diferenza, Vigo, con 193 que se achegan a un terzo do total de toda a comunidade. Novos contaxios por áreas sanitarias A Coruña: 121 Ferrol: 64 Lugo: 73 Ourense: 44 Pontevedra: 55 Santiago: 94 Vigo: 193 Total: 644 O total de falecidos en Galicia desde o inicio da pandemia é de 951, 7 máis que onte e 332 nesta segunda onda. O total de hospitalizados sobe en 18 persoas ata as 563, divididos en 80 pacientes de UCI e 483 en unidades de hospitalización. O total de probas PCR é de 713.800, delas 7.564 nas últimas 24 horas e cunha positividade do 8,51%. Esta semana levamos 1.696 novos casos de coronavirus sumando luns, martes e mércores, en comparación cos 1.845 que se rexistraron nos tres primeiros días da pasada.