O EMPEORAMENTO DA ÁREA PONTEVEDRA-SALNÉS É PREOCUPANTE

Coronavirus Pontevedra: 92 contaxios novos e soben a 1.254 os casos activos

A Xunta decretou onte o confinamento perimetral de Sanxenxo xunto co Grove. Empeora a área sanitaria de Pontevedra e O Salnés e suma 92 contaxios novos, unha das maiores cifras destes últimos días. Onte a última hora da tarde a Xunta de Galicia incluía a Sanxenxo nos municipios con peche perimetral, formando unha entidade confinada co Grove. Nas últimas 24 horas producíronse 92 contaxios novos e 51 altas, o que fai que suban en 41 persoas os casos activos, pasando dos 1.213 de onte a 1.254 hoxe. O único cambio nos niveis de alerta é que Ribadumia baixa a alerta amarela. Alerta nivel 3 (vermella): Cambados (72, máis 14 respecto a semana pasada), Marín, Poio, Pontevedra, Sanxenxo (81. +17)e Vilagarcía de Arousa (75). Alerta nivel 2 (laranxa): Meis, O Grove (55) e Vilanova de Arousa (26). Alerta nivel 1 (amarela): Bueu, Caldas de Reis, Cerdedo-Cotobade, Cuntis, Meaño, Ribadumia e Soutomaior . O número de pacientes hospitalizados baixa de 72 a 68 persoas, distribuídos en 53 pacientes no CHU de Pontevedra (45 en planta e 8 na UCI), 10 no Hospital Público do Salnés e 5 no Quirónsalud de Pontevedra. Na área sanitaria de Pontevedra-O Salnés desde o inicio da pandemia tivo 4.692 casos de coronavirus, con 43 falecementos, 3.395 altas e 1.254 casos activos nestes momentos.