GALICIA VOLVE BAIXAR DOS 9.000 ENFERMOS ACTIVOS

Coronavirus Galicia: 582 contaxios novos e baixan a 8.978 os casos activos Descenden os contaxios respecto ao sábado pasado e hai unha notable baixada de 35 hospitalizados. Día de noticias bastante boas sobre a evolución da pandemia de coronavirus en Galicia. Os casos activos volven baixar en máis dun centenar (108), rexistráronse menos contaxios que o sábado pasado (582 fronte a 662) e produciuse un gran descenso nos hospitalizados de toda a comunidade, con 35 menos pacientes que onte. Hai 34 menos en comparación co sábado pasado. A situación segue sendo mala, pero polo menos vai a mellor. Os 582 casos novos de hoxe son o 8,2% de positivos de 7.089 probas PCR procesadas, mentres que os 662 casos do sábado pasado eran o 7,35% de 9.003 probas. Na web de datos do Sergas di que nas últimas 24 horas confirmáronse 561 de COVID-19 por PCR, pero a diferenza entre o total de infectados desde o inicio da pandemia de hoxe (48.697) e o de onte (48.115) é de 582 persoas. Do mesmo xeito, os novos contaxios por área sanitaria son calculados co mesmo procedemento. Nas últimas 24 horas rexistráronse en Galicia 582 novos casos de SARS- CoV-2, 13 falecementos e 677 altas, o que fai que baixen en 108 persoas os casos de coronavirus, pasando dos 9.086 de onte aos 8.978 de hoxe. O total de hospitalizados baixa en 35 persoas e pasa dos 569 de onte aos 534 de hoxe. O total de casos de coronavirus contabilizados polo Sergas desde o inicio da pandemia é de 48.697. Só Pontevedra e Vigo empeoran Por áreas sanitarias, a máis afectada é Vigo con 2.388 casos activos (+8), seguida da Coruña con 1.854 (-15), Pontevedra con 1.242 (+7), Lugo con 1.139 (-56), Santiago con 1.005 (-3), Ourense con 689 (-31) e Ferrol con 661 (-19). Novos contaxios por áreas sanitarias A Coruña: 118 Ferrol: 35 Lugo: 57 Ourense: 35 Pontevedra: 89 Santiago: 78 Vigo: 170 Total: 582 O total de mortes desde o inicio da pandemia é de 1.132, 13 delas nas últimas 24 horas, facendo un total de 513 falecidos nesta segunda onda. O total de hospitalizados é de 534, divididos entre 96 pacientes de UCI e 438 de planta. O total de probas PCR realizadas é de 840.867, 7.089 nas últimas 24 horas, cunha positividade do 8,2%.  

Esta semana de luns a sábado rexistráronse xa 3.334 casos de coronavirus, que son 222 máis que os 3.112 contabilizados os seis primeiros días da semana pasada.