CUARTO DIA CONSECUTIVO DE BAIXADA EN GALICIA

Coronavirus Galicia: 520 contaxios novos e baixan a 9.869 os casos activos

Baixan os casos activos de toda Galicia por cuarto día consecutivo grazas sobre todo ás grandes melloras en Ferrol e Ourense. Cuarto día consecutivo de descenso de casos activos de coronavirus en Galicia e menos contaxios que o mércores da semana pasada. Continúan as boas noticias, que se están tomando con prudencia debido ao menor número de probas PCR realizadas, aínda que hoxe os datos proceden dun número de tests similar ao do mércores pasado. Hoxe comunícanse 520 contaxios, que son o 6,97% de positivos de 7.457 probas procesadas, mentres que o mércores pasado foron 644 casos novos, o 8,51% de positivos de 7.564 tests. Por tanto, parece que si está a mellorar realmente a situación en Galicia. O descenso de casos activos débese en gran parte á gran mellora que experimentan Ourense, Ferrol e en menor medida Lugo, xa que as outras áreas sanitarias empeoran e suman máis casos activos que onte. Na web de datos do Sergas di que nas últimas 24 horas confirmáronse 515 de COVID-19 por PCR, pero a diferenza entre o total de infectados desde o inicio da pandemia de hoxe (43.054) e o de onte (42.534) é de 520 persoas. Do mesmo xeito, os novos contaxios por área sanitaria son calculados co mesmo procedemento. Nas últimas 24 horas rexistráronse en Galicia 520 novos casos de SARS- CoV-2, 15 falecementos e 588 altas, o que fai que descendan en 63 persoas os casos de coronavirus, pasando dos 9.952 de onte aos 9.869 de hoxe. O total de hospitalizados ascende en 2 persoas e pasa dos 609 de onte aos 611 hoxe. O total de casos de coronavirus contabilizados polo Sergas desde o inicio da pandemia é de 43.054. Empeoran A Coruña, Pontevedra, Santiago e Vigo Coronavirus A Coruña: 112 contaxios novos e soben a 1.921 os casos activos Coronavirus Ferrol: 36 contaxios novos e baixan a 978 os casos activos Coronavirus Santiago: 79 contaxios novos e soben a 1.186 os casos activos Hoxe soamente melloran tres áreas sanitarias (Ferrol, Lugo e Ourense), mentres que o resto empeoran. A máis afectada segue sendo a de Vigo con 2.463 casos activos (+8), seguida da Coruña con 1.921 (+23), Pontevedra con 1.263 (+16), Santiago con 1.186 (+16), Lugo con 1.129 (-19), Ferrol con 978 (-35) e Ourense con 929 (-92). Novos contaxios por áreas sanitarias A Coruña: 112 Ferrol: 36 Lugo: 36 Ourense: 43 Pontevedra: 64 Santiago: 79 Vigo: 150 Total: 520 O total de falecidos desde o inicio da pandemia en Galicia é de 1.024, 15 nas últimas 24 horas, e o número de mortes nesta segunda onda xa é de 405 persoas. O total de hospitalizados é de 611 persoas, divididos en 95 en UCI e 516 en unidades de hospitalización. O total de probas PCR realizadas é de 764.216, 7.457 nas últimas 24 horas, cun 6,97% de positividade. Esta semana levamos un número de casos novos notablemente inferior ao da pasada, con 1.302 contaxios de luns a mércores, en comparación cos 1.696 da semana anterior a estas alturas.