CASE 800 NOVOS ENFERMOS E MÁIS DE 9.100 ACTIVOS EN GALICIA

Coronavirus Galicia: 791 contaxios novos e soben os casos activos a 9.119

Novo máximo de contaxios nun día e de casos activos, con case 10.000 tests, e os hospitalizados volven aumentar. Coronavirus: Xa hai 50 municipios galegos en alerta vermella, cinco máis que onte Termina unha semana pésima para a evolución do coronavirus de Galicia con moi malas noticias: volveuse a marcar un novo máximo de contaxios novos de COVID-19 nun só día, 791 os casos activos superan outro milleiro e chegan a 9.119, e os hospitalizados aumentan de novo despois de dous días seguidos descendendo. Os datos de hoxe proceden de 9.974 tests, cunha positividade do 7,93%, o segundo maior número de probas, só superado polos 10.234 do día de onte, que tiveron unha positividade do 7,52%. Na web de datos do Sergas di que nas últimas 24 horas confirmáronse 775 casos de COVID-19 por PCR, pero a diferenza entre o total de infectados desde o inicio da pandemia de hoxe (37.363) e o de onte (36.572) é de 791 persoas. Do mesmo xeito, os novos contaxios por área sanitaria calcúlanse do mesmo xeito. Nas últimas 24 horas rexistráronse en Galicia 791 novos casos de SARS- CoV-2, 4 falecementos e 430 altas, facendo que aumente en 357 persoas os casos activos, pasando dos 8.762 de onte aos 9.119 de hoxe. Hoxe a zona de Galicia que máis contaxios suma por habitante é, con diferenza, a de Ferrol. O total de hospitalizados volve aumentar despois de que baixase dous días seguidos, e agora é de 482 persoas, un novo máximo en nova normalidade. O total de casos de coronavirus rexistrados en Galicia desde o inicio da pandemia é de 37.363. Ourense mellora notablemente, pero o resto segue empeorando Coronavirus A Coruña: Cerceda en alerta vermella, 133 contaxios novos e 1.541 casos activos Coronavirus Ferrol: 136 contaxios novos e soben a 930 os casos activos Coronavirus Santiago: 97 contaxios novos e soben a 1.372 os casos activos Coronavirus Vigo: Moaña e Tomiño en alerta vermella, 168 contaxios novos e 2.020 activos Coronavirus Pontevedra: O Grove e Poio en alerta vermella, 115 contaxios novos e 994 activos A área sanitaria de Ourense mellora hoxe con fartura e resta varias decenas de casos activos, e ten nestes momentos 1.276 enfermos (-123). O resto de área sanitarias empeoran: a máis afectada segue sendo Vigo, que ten 2.020 enfermos (+96), seguida pola Coruña con 1.541 (+68), Santiago de Compostela con 1.372 (+23), Pontevedra con 994 (+76), Lugo con 986 (+92) e Ferrol con 930 (+123). A zona que máis aumenta en casos activos e que máis contaxios por habitante ten, de lonxe, é a de Ferrol. Novos contaxios por áreas sanitarias A Coruña: 133 Ferrol: 136 Lugo: 115 Ourense: 27 Pontevedra: 115 Santiago: 97 Vigo: 168 Total: 791 O total de mortes en Galicia desde o inicio da pandemia é de 914, 4 máis nas últimas 24 horas e 295 desde o inicio da pandemia. O total de hospitalizados é de 482, distribuídos en 74 en UCI e os outros 408 en unidades de hospitalización. O total de probas PCR realizadas é de 692.643, 9.974 no día de onte, cunha positividade do 7,93%. A semana termina con 4.757 novos casos de coronavirus en Galicia e é a peor desde o inicio da pandemia, cun 34,7% máis de contaxios que a semana pasada.