CAMBADOS, O GROVE, RIBADUMIA E VILAGARCÍA EN ALERTA VERMELLA

Coronavirus Pontevedra: O Grove e Poio en alerta vermella, 115 contaxios novos e 994 activos

A área sanitaria suma por primeira vez máis de 100 contaxios nun día, roza os 1.000 casos activos e xa ten sete municipios en alerta vermella.

A área sanitaria de Pontevedra e O Salnés suma por primeira vez máis de 100 casos novos nun día e continúa empeorando, rozando os 1.000 casos activos. Hoxe sumáronse ao estado de alerta vermella outros dous municipios (O Grove e Poio, este último volvendo tras só un día en alerta laranxa), e xa son sete os municipios da área sanitaria neste estado. Marín, Poio e Pontevedra estarán con restricións como mínimo ata o martes. Nas últimas 24 horas producíronse 115 contaxios novos e 39 altas, o que fai que suban en 76 persoas os casos activos, pasando dos 918 de onte a 994 hoxe. O Grove e Poio soben a alerta vermella, Caldas de Reis sobe a alerta laranxa e Ponte Caldelas sobe a alerta amarela, Alerta nivel 3 (vermella): Cambados (43 casos, 9 máis que onte), Marín, O Grove, Poio, Pontevedra, Ribadumia e Vilagarcía de Arousa. Alerta nivel 2 (laranxa): Caldas de Reis e Cerdedo-Cotobade. Alerta nivel 1 (amarela): Bueu, Cuntis, Ponte Caldelas, Sanxenxo, Vilaboa e Vilanova de Arousa. O número de pacientes hospitalizados sobe de 60 a 64 persoas, distribuídos en 53 pacientes no CHU de Pontevedra (47 en planta e 6 na UCI), 10 no Hospital Público do Salnés e 1 no Quirónsalud de Pontevedra. Na área sanitaria de Pontevedra-O Salnés desde o inicio da pandemia tivo 3.492 casos de coronavirus, con 31 falecementos, 2.467 altas e 994 casos activos nestes momentos.