BAIXAN OS ENFERMOS ACTIVOS EN GALICIA TRAS UN MES DE CONTINUA SUBIDA

Día de boas e sorprendentes noticias sobre a evolución do coronavirus en Galicia. Por primeira vez desde o 7 de outubro, é dicir, tras un mes enteiro, os casos activos de COVID-19 descenderon na comunidade, grazas a que se produciron máis altas que novos contaxios. Os 545 casos novos de hoxe son ademais unha cifra considerablemente máis baixa que os 791 do domingo pasado. Galicia termina a semana con menos casos novos que a anterior. Ademais, descenden por segundo día consecutivo os pacientes hospitalizados. Na web de datos do Sergas di que nas últimas 24 horas confirmáronse 541 de COVID-19 por PCR, pero a diferenza entre o total de infectados desde o inicio da pandemia de hoxe (41.752) e o de onte (41.207) é de 545 persoas. Do mesmo xeito, os novos contaxios por área sanitaria calcúlanse co mesmo procedemento. Nas últimas 24 horas rexistráronse en Galicia 545 novos casos de SARS- CoV-2, 5 falecementos e a elevada cifra de 707 altas, o que fai que os casos activos baixen en 167 persoas, pasando dos 10.276 de onte aos 10.109 de hoxe. É a primeira ve que os casos activos baixan desde o 7 de outubro. Os 545 casos positivos proceden de 7.884 probas PCR, un 6,91% delas positivas. O domingo pasado os 791 diagnósticos procedían de 9.974 probas cun 7,93% de positividade. O total de hospitalizados baixa en 7 persoas, pasando dos 579 de onte aos 572 de hoxe. O total de casos de coronavirus en Galicia desde o inicio da pandemia é de 41.752. Todas as áreas sanitarias baixan en casos activos menos Pontevedra Coronavirus A Coruña: Ponteceso en alerta vermella, 132 contaxios e baixan a 1.868 os activos Coronavirus Ferrol: 44 contaxios novos e baixan a 1.071 os casos activos Coronavirus Santiago: Santa Comba en alerta vermella, 60 contaxios e baixan a 1.226 os activos Coronavirus Vigo: 114 contaxios novos e baixan a 2.503 os casos activos Coronavirus Pontevedra: 68 contaxios novos e soben a 1.232 os casos activos. Por áreas sanitarias hai boas noticias para todas menos para a de Pontevedra, a única que aumenta hoxe, aínda que sexa en moi poucos casos. A máis afectada continúa sendo Vigo con 2.503 casos activos (-27), seguida da Coruña con 1.868 (-18), Pontevedra con 1.232 (+3), Santiago con 1.289 (-63), Lugo con 1.127 (-30), Ourense con 1.082 (-14) e Ferrol con 1.071 (-18). Novos contaxios por áreas sanitarias A Coruña: 132 Ferrol: 44 Lugo: 62 Ourense: 65 Pontevedra: 68 Santiago: 60 Vigo: 114 Total: 545

O total de falecementos en Galicia alcanza as 981 persoas tras cinco novas mortes onte, e xa chega aos 362 nesta segunda onda. O total de hospitalizados é de 572, 7 menos que onte, distribuídos en 89 pacientes de UCI e 483 en unidades de hospitalización. O total de probas PCR realizadas é de 746.637, delas 7.884 nas últimas horas, cun 6,91% de positivos.

Esta semana termina con varios centenares de casos novos menos que a anterior. Producíronse 4.389 casos positivos de luns a domingo, en comparación cos 4.757 da semana pasada.