DOUS FALECIDOS NA ÁREA PONTEVEDRA-SALNÉS, A ÚNICA ÁREA QUE SUBE EN ACTIVOS HOXE

Coronavirus Pontevedra: 68 contaxios novos e soben a 1.232 os casos activos Pontevedra é a única área sanitaria galega que empeora hoxe, pero rexistra menos contaxios que nos últimos días. Hoxe a área sanitaria de Pontevedra e O Salnés é a única de Galicia que empeora, mentres as outras seis rexistran descensos nos seus casos activos. Aínda que se produciron bastantes altas, os contaxios seguen sendo máis, polo que soben en tres os casos activos. A situación hospitalaria empeora lixeiramente e Meis súmase á alerta amarela. Nas últimas 24 horas producíronse 68 contaxios novos, 2 falecemento e 64 altas, o que fai que suban en e persoas os casos activos, pasando dos 1.229 de onte a 1.232 hoxe. O único cambio nos niveis de alerta por municipio de Pontevedra é que Meis sobe a alerta amarela. Alerta nivel 3 (vermella): Cambados (61 casos, +5), Marín, O Grove, Poio, Pontevedra, Ribadumia, Sanxenxo, Soutomaior e Vilagarcía de Arousa. Alerta nivel 2 (laranxa): Bueu, Caldas de Reis, Cuntis e Ponte Caldelas. Alerta nivel 1 (amarela): Forcarei, Meis, Vilaboa e Vilanova de Arousa. O número de pacientes hospitalizados sobe de 71 a 75 persoas, distribuídos en 56 pacientes no CHU de Pontevedra (51 en planta e 5 na UCI), 18 no Hospital Público do Salnés e 1 no Quirónsalud de Pontevedra. Na área sanitaria de Pontevedra-O Salnés desde o inicio da pandemia tivo 4.065 casos de coronavirus, con 36 falecementos, 2.797 altas e 1.232 casos activos nestes momentos. Dos 5 falecidos onte en Galicia dous pertencían a esta área. Un home de 65 que estaba ingresado no Hospital Montecelo de Pontevedra.

A outra vítima mortal é unha muller de 72 anos que se atopaba no Hospital do Salnés, procedente da residencia DomusVi Ribadumia.