BAIXAN OS CONTAXIOS, OS HOSPITALIZADOS E OS CASOS ACTIVOS EN GALICIA

Coronavirus Galicia: 441 contaxios novos e baixan a 8.579 os casos activos

Baixan os contaxios, os hospitalizados e os casos activos en Galicia nun día de boas noticias Boas noticias para o coronavirus en Galicia, e iso qtengo obreros en el piso.

ue hai un erro na web dos datos do Sergas e saen máis hospitalizados dos que hai realmente. Na área sanitaria da Coruña indícanse 199 ingresados en total, pero a propia xerencia do CHUAC informou minutos despois de que hai 155, o que fai que o número real de hospitalizados en toda Galicia sexa de 513, 18 menos que onte. O erro radica en que puxeron 44 hospitalizados por coronavirus no Hospital San Rafael da Coruña, cando en realidade non hai ningún. Ademais deste detalle que vemos prioritario contar antes que ningún outro, hoxe rexistráronse menos contaxios que onte e que o xoves pasado, procedendo ademais dun número maior de probas PCR. Esta semana Galicia está a rexistrar menos contaxios que a anterior, mentres os casos activos baixan. Rexistráronse tan só tres falecementos nas últimas 24 horas. Os 441 diagnósticos de hoxe son o 5,57% de positivos de 7.912 probas PCR, mentres que os 686 da semana pasada supoñían o 8,96% de 7.649. A clave está no descenso da porcentaxe de positivos. Na web de datos do Sergas di que nas últimas 24 horas confirmáronse 415 de COVID-19 por PCR, pero a diferenza entre o total de infectados desde o inicio da pandemia de hoxe (50.806) e o de onte (50.365) é de 441 persoas. Do mesmo xeito, os novos contaxios por área sanitaria calcúlanse co mesmo procedemento. Nas últimas 24 horas rexistráronse en Galicia 441 novos casos de SARS- CoV-2, 3 falecementos e 497 altas, o que fai que baixen en 59 persoas os casos de coronavirus, pasando dos 8.638 de onte aos 8.579 de hoxe. O total de hospitalizados baixa en 18 persoas e pasa dos 531 de onte aos 513 de hoxe. O xoves pasado eran 573, 60 máis que hoxe. O total de casos de coronavirus contabilizados polo Sergas desde o inicio da pandemia é de 50.806. Altibaixos nas áreas sanitarias Coronavirus A Coruña: 93 contaxios novos e baixan a 1.743 os casos activos Coronavirus Ferrol: 45 contaxios novos e soben a 707 os casos activos Algunhas áreas sanitarias melloran e outras empeoran. A máis afectada segue sendo a de Vigo, que ten 2.308 casos activos (+15), seguida dos 1.743 da Coruña (-23), 1214 en Pontevedra (-4), Lugo con 1.085 (-17), Santiago con 948 (-14), Ferrol con 707 (+18) e Ourense con 574 (-34). Novos contaxios por áreas sanitarias A Coruña: 93 Ferrol: 45 Lugo: 52 Ourense: 22 Pontevedra: 57 Santiago: 63 Vigo: 109 Total: 441

O total de mortes desde o inicio da pandemia é de 1.173, tres máis que onte e un total de 554 nesta segunda onda. O total de hospitalizados é de 513, estando 92 na UCI e 421 en unidades de hospitalización. O total de probas PCR realizadas é de 873.252, 7.912 no día de onte, co 5,57% de positivos nas últimas 24 horas. Esta semana rexistráronse xa 1.645 casos de coronavirus de luns a xoves, en comparación cos 2.052 da semana pasada, polo que progresa mellor.