Na área Sanitaria de Pontevedra-O Salnés hai11 pacientes covid ingresados en planta de hospitalización, nove deles atópanse no Complexo Hospitalario Universitario de Pontevedra (CHUP) e dous no Hospital do Salnés. A eles súmanse seis pacientes que se atopan na Unidade de Coidados Críticos do Hospital Montecelo.
A os anteriores hai que sumar 524 casos Covid aillados nos seus domicilios facendo un total de 541 casos activos nesta área sanitaria, son 32 positivos menos que na xornada do venres. Desde o inicio do plan de continxencia curáronse 1.811 pacientes, 64 máis que durante o venres. Mantense a cifra de 24 persoas falecidas desde o inicio da pandemia, segundo os datos facilitados polo SERGAS. Nas últimas 24 horas detectáronse 28 novos positivos confirmados a través da proba da PCR.
No municipio de Pontevedra o número de casos activos sitúase en 209, catro menos nas últimas 24 horas. Mantense un positivo na Residencia de Maiores de Campolongo. Tamén se rexistrou un descenso en Marín onde se cuantifican 45 casos, oito menos que onte. En Sanxenxo, os casos activos de covid son 17, 6 menos que onte mentres que en Poio se sitúan en 25, un menos nas últimas 24 horas. En Cambados hai 26 enfermos un menos que onte voltando a cifra do xoves.
En total, na área sanitaria realizáronse 683 probas PCR durante a última xornada.
No hay comentarios:
Publicar un comentario
NON SE PUBLICARÁN COMENTARIOS ANÓNIMOS. SI O COMENTARISTA QUERE PERMANECER NO ANONIMATO, NON SE PUBLICARÁ O NOME.