A PEOR SEMANA DA NOVA NORMALIDADE EN GALICIA

Galicia bate o récord de infectados desde o inicio da pandemia e volve superar o de novos contaxios e hospitalizados en nova normalidade.

Continúan asustando os datos do coronavirus en Galicia e hoxe non só bateuse o récord de novos contaxios en nova normalidade, con 472 casos que son ademais a segunda maior cifra de toda a pandemia, senón que os casos activos chegan a 5.675 e superan o máximo rexistrado polo Sergas ata o momento desde que comezou todo, os 5.481 do 8 de abril. Na web de datos do Sergas di que nas últimas 24 horas confirmáronse 461 casos de COVID-19 por PCR, pero a diferenza entre o total de infectados desde o inicio da pandemia de hoxe (30.777) e o de onte (30.305) é de 472 persoas. Nas últimas 24 horas rexistráronse 472 casos novos de SARS- CoV-2 en Galicia, 11 falecementos máis -a falta de que a Xunta poida comunicar algún esta mañá- e 243 altas, o que fai que os casos activos suban en 218 persoas e pasen dos 5.457 de onte aos 5.675 de hoxe. Esta practicamente garantido que esta semana será a de máis contaxios en nova normalidade. Volve baterse tamén o récord de persoas hospitalizadas neste período de nova normalidade, xa que soben en 22, pasando das 342 de onte a 364 hoxe. Destaca o altísimo crecemento en casos novos de Vigo, que xa é a segunda zona máis afectada de Galicia, superando á Coruña. Vigo xa é a segunda área máis afectada de Galicia Coronavirus A Coruña: 68 contaxios novos e 911 casos activos Coronavirus Ferrol: 33 novos contaxios e soben os casos activos a 283 Coronavirus Santiago: Teo en alerta vermella, 81 novos contaxios e 891 activos Coronavirus Pontevedra: 54 contaxios novos e soben a 564 os casos activos Coronavirus Vigo: O Porriño e Nigrán en alerta vermella, 113 contaxios novos e 995 activos

Por áreas sanitarias, Ourense mantense como a máis afectada pero hoxe volve ser a única que baixa en casos activos, e ten nestes momentos 1.489 (-5). Séguelle Vigo, que se converte na segunda área máis afectada de Galicia, con 995 casos (+95), e despois está A Coruña con 911 (+6), Santiago con 891 (+40), Pontevedra con 564 (+28), Lugo con 542 (+24) e Ferrol con 283 (+32). Novos contaxios por áreas sanitarias A Coruña: 68 Ferrol: 33 Lugo: 45 Ourense: 78 Pontevedra: 54 Santiago: 81 Vigo: 113 Total: 472

O total de falecidos en Galicia é de 847 tras 11 novos falecementos onte, o que fai un total de 228 en nova normalidade. O total de hospitalizados sobe en 22 persoas, das 342 de onte a 364 hoxe, distribuídos en 47 pacientes de UCI e 317 hospitalizados. O total de probas PCR realizadas é de 609.516, delas 6.541 nas últimas 24 horas, cunha porcentaxe de positividade do 7,21%. Esta semana parece seguro que se converterá na peor da nova normalidade, xa que de luns a xoves levamos xa 1.701 casos, en comparación cos 2.200 que se rexistraron na totalidade da semana anterior, e os 1.046 dos catro primeiros días.