SUBEN OS INGRESOS NO HOSPITAL DO SALNÉS

Poio, Pontevedra e Vilagarcía de Arousa continúan en alerta vermella, mentres a área sanitaria segue empeorando en casos activos.

Segue empeorando a área sanitaria de Pontevedra e O Salnés, e mantéñense en alerta vermella os municipios de Poio, Pontevedra e Vilagarcía de Arousa. Nas últimas 24 horas producíronse 54 novos contaxios de coronavirus e 28 altas, o que fai que suban en 26 os casos activos, pasando dos 538 de onte a 564 hoxe. Hoxe soamente hai dous cambios nos niveis de alerta por municipios: Caldas de Reis pasa a estar en alerta amarela, e Sanxenxo abandónaa e volve ao nivel 0. Alerta nivel 3 (vermella): Poio, Pontevedra e Vilagarcía de Arousa. Alerta nivel 2 (laranxa): Marín, Vilanova de Arousa. Alerta nivel 1 (amarela): Caldas de Reis, Cambados (18 casos hoxem catres que hoxe), Cuntis e Vilaboa. O número de pacientes hospitalizados sobe de 30 a 39 persoas, distribuídos en 32 pacientes no CHU de Pontevedra (26 en planta e 6 na UCI), 1 no Quirónsalud e 6 no Hospital Público do Salnés. Na área sanitaria de Pontevedra-O Salnés, desde o inicio da pandemia tivo 2.812 casos de coronavirus, con 27 falecementos, 2.221 altas e 564 casos activos nestes momentos.