Ata 69 contaxios en apenas 24 horas. A covid-19 na área sanitaria de Pontevedra e O Salnés volveu a dispararse e os casos activos aumentaron ata os 538, segundo os datos que recolle o balance diario do Servizo Galego de Saúde. Nunha xornada onde en todas as áreas crecen os contaxios.
Pontevedra capital pasou ao estado de alerta vermella por coronavirus, sumándose a outras 3 cidades galegas (Santiago, Lugo e Ourense) que xa están no máximo estado de alarma. Poio tamén se suma a ese estado despois de abandonalo onte. Na área sanitaria de Pontevedra e O Salnés rexistráronse nas últimas 24 horas a friorenta de 69 contaxios, ademais de 12 altas, o que fixo que suba en 57 o número de casos activos, pasando dos 481 de onte a 538 hoxe. Ademais de que Pontevedra cidade e Poio pasan a estar en alerta vermella, mantense nese estado Vilagarcía de Arousa. A outra novidade do día é que Cuntis pasa a alerta amarela. Alerta nivel 3 (vermella): Poio, Pontevedra e Vilagarcía de Arousa. Alerta nivel 2 (laranxa): Marín, Vilanova de Arousa. Alerta nivel 1 (amarela): Cambados, Cuntis, Sanxenxo e Vilaboa. O número de pacientes hospitalizados sobe de 25 a 30 persoas, distribuídos en 24 persoas no CHU de Pontevedra (19 en planta e 5 na UCI), 1 no Quirónsalud e 5 no Hospital Público do Salnés. Desde o inicio da pandemia tivo 2.758 casos de coronavirus, con 27 falecementos, 2.193 altas e 538 casos activos nestes momentos.
Polo que respecta a Cambados a cifra de enfermos é de 22 igual que onte, ao producirse o mesmo número de contaxios e altas, 2 en cada caso.
No hay comentarios:
Publicar un comentario
NON SE PUBLICARÁN COMENTARIOS ANÓNIMOS. SI O COMENTARISTA QUERE PERMANECER NO ANONIMATO, NON SE PUBLICARÁ O NOME.