Os casos activos de coronavirus Covid-19 en Galicia descenderon lixeiramente ata os 4.452, o que supón nove menos que este xoves, tras detectarse outros 221 positivos na Comunidade galega.Segundo os datos actualizados pola Consellería de Sanidade este venres, os casos activos de Covid-19 descenderon nas áreas da Coruña, Lugo, Vigo, Santiago e Ferrol, mentres que aumentaron nas de Ourense (9 máis) e Pontevedra (24 máis). Deste xeito, na área da Coruña e Cee os casos activos de coronavirus sitúanse en 1.109 --catro menos que este xoves--; na de Lugo en 630 --dez menos--; 668 na de Ourense --nove máis--, 784 na de Pontevedra e O Salnés --24 máis--, 578 na de Santiago e Barbanza --30 menos--, 511 na de Vigo --nove máis-- e 172 na de Ferrol --sete menos--.
A pesar desta aínda importante subida, o Sergas fala dunha baixada de nove casos activos, é dicir, das persoas que seguen tendo a enfermidade. Este dato que pasa 4.461 a 4.452, nove menos, é polo número superior de altas que de novos positivos: hai 230 altas máis, un total de 17.802 persoas curadas.
Non se rexistraron falecementos desde o último balance, polo que o dato segue en 726. Hai 32 persoas na UCI, dúas menos, 210 en unidades de hospitalización (+10) e 4.210 en domicilios (-17). As PCR realizadas soben por encima das 6.500, polo que chegan xa ás 452.649 probas.
No hay comentarios:
Publicar un comentario
NON SE PUBLICARÁN COMENTARIOS ANÓNIMOS. SI O COMENTARISTA QUERE PERMANECER NO ANONIMATO, NON SE PUBLICARÁ O NOME.