CATRO FALECIDOS E GALICIA MULTIPLICA O NÚMERO DE ENFERMOS POR 11

Día de boas e malas noticias sobre o coronavirus en Galicia. Producíronse 4 falecementos nas últimas 24 horas, o maior número na nova normalidade, e o total desta segunda onda xa alcanza as 29 persoas. Agora, as boas: os 217 casos positivos de hoxe son menos que os 285 do mércores pasado, con máis probas PCR feitas (4.805 fronte a 4.604).
Os 217 contagios, 108 altas e 4 falecementos fan que o total de casos activos en Galicia ascenda en 105, pasando dos 3.742 de onte aos 3.847 de hoxe. O 2 de agosto, o número de persoas que sufrían o Covid en Galicia era de 321. polo que os casos subiron máis dun 1.000%.

A pesar de que o número de infectados continúa aumentando, o ritmo descendeu nos últimos días grazas a que se están producindo cada vez máis altas. O número de hospitalizados subiu hoxe de 160 a 170, e continúa retrocedendo no tempo: xa está nos niveis do 13 de maio. O total de casos de SARS- Cov-2 contabilizados polo Sergas desde o inicio da pandemia é de 17.374. A pesar de que houbo menos contagios que o mércores pasado, todas as áreas sanitarias de Galicia continúan aumentando en número de infectados activos. A máis afectada é A Coruña con1.387 casos, aínda que é a única na que descende este indicador, debido a que son 16 menos que onte, a de Lugo, sobe de 759 a 786 infectados (+27), Santiago ten 644 (+37), Ourense 362 (+19), Vigo 269 (+16), Pontevedra 250 (+17) e Ferrol 149 (+5).

O total de falecidos en Galicia sobe ata os 648 debido a catro novos falecementos: un home de 84 anos no CHUAC, dúas mulleres de 94 e 86 anos no HULA de Lugo e outro home de 84 anos do mesmo hospital, todos eles con patoloxías previas. O total de falecementos en Galicia desde o inicio da pandemia é de 648 persoas, 29 delas correspondentes a esta segunda onda.