UNHA TRINTENA DE NOVOS ENFERMOS NA ÁREA PONTEVEDRA-SALNÉS

Un día máis temos que falar de aumento contaxios de coronavirus na área sanitaria de Pontevedra e O Salnés. Hoxe mércores no balance oficial contabilízanse un total de 28 positivos máis respecto a onte.

A información facilitada polo  Servizo  Galego de  Saúde, constata 250 casos activos na área sanitaria, 17 máis que o martes, unha suba de contaxios freada polos 11 pacientes que recibiron a alta. Persoas xa curadas nestas derradeiras 24 horas.    

A presión hospitalaria é igual a do día de onte, con oito pacientes hospitalizados. Os mesmos seis ingresados en planta de hospitalización do CHOP e 2 na unidade de Coidados Críticos do Hospital Montecelo.

Os outros 242 casos activos demáis diagnosticados encóntranse illados nos seus domicilios baixo seguimento médico.

O número de pacientes xa curados, desde o inicio do plan de continxencia da Covid-19 chega a cifra redonda de 1.000 pacientes, 11 nas últimas 24 horas, e faleceron por este virus na área sanitaria 17 pacientes.