GALICIA XA SUPERA OS 300 CASOS DE CORONAVIRUS

A Dirección Xeral de Saúde Pública da Consellería de Sanidade informa que, na última actualización, o número de casos activos de coronavirus en Galicia é de 308, deles 107 son da área da Coruña, 74 da de Lugo, 17 da de Ourense, 26 da de Pontevedra, 56 da área de Vigo, 26 da de Santiago, e 2 da de Ferrol.

 

Do total de pacientes positivos, 1 está en UCI, 13 en unidades de hospitalización e 294 no domicilio. Polo de agora, en Galicia hai un total de 11.289 persoas curadas, rexistrándose 619 falecementos.

O repunte de contaxios de coronavirus activos en Galicia volve subir por noveno día consecutivo e xa chega aos 308, 28 máis que onte, segundo informou este sábado a Consellería de Sanidade. Dentro dese incremento, A Coruña volve ser a que máis novos casos rexistrou respecto a hai 24 horas: se onte os casos nesa área sanitaria situábanse en 87, hoxe fano en 107. Séguelle Lugo (74, seis menos), Vigo (56, oito máis), Santiago (26, tres máis), Ourense (17,2 máis) Pontevedra (26, un máis) e Ferrol (2, igual). En canto á situación asistencial, un paciente atópase en UCI (igual que onte), 13 en unidades de hospitalización (un máis) e 294 nos seus domicilios (27 máis). As persoas que superaron a enfermidade ata o de agora cífranse en 11.289 (17 máis que a véspera), os falecementos mantéñense en 619 e as PCR realizadas alcanzan as 251.685.