ESTADO DE ALARMA POR COMUNIDADES AUTÓNOMAS

O presidente do Goberno, Pedro Sánchez, anunciou este martes, nunha comparecencia institucional na Moncloa, cal é a nova estratexia para facer fronte ao crecemento actual de casos de coronavirus. Ofreceu aos gobernos das comunidades autónomas unha nova proposta de 'cogobernanza' para evitar que siga empeorando a situación. Como gran punto destacado, mostrou a vontade do Goberno de establecer un estado de alarma de maneira parcial, naquelas comunidades que así o solicitasen en todo ou en parte do seu territorio. Lembrou ás autonomías que é un de «instrumentos legais cos que contamos son suficientes para facer fronte á pandemia». Así Sánchez, na súa primeira intervención tras a volta as súas vacacións, insistiu na necesidade de emprender unha «loita conxunta» e de unidade contra a pandemia. Aínda que a xestión seguirá en mans das comunidades, anunciou outra medida: a posta ao dispor de 2.000 membros das forzas armadas para facer tarefas de rastrexo naquela que o soliciten. Outro punto que quixo destacar é o impulso da tecnoloxía para levar a cabo o rastrexo. Por iso insistiu na necesidade que todas as comunidades implanten o antes posibles a aplicación RADAR- COVID. Afirma que o impacto da pandemia podíase reducir nun 30 por cento. «Todos os cidadáns deberían baixarse a aplicación», concluía. Á súa vez, fixo balance do estado actual de contaxios de coronavirus no noso país recalcando que a situación no noso país non é homoxénea. Recalcou que hai zonas onde agora mesma está a golpear con máis forza. «Hai provincias que parecen lograr maior eficacia no control do virus e teñen un escenario máis tranquilo. Outras están a ter problemas para facer fronte á situación», dixo. Quixo enviar unha mensaxe de alerta, lembrando as palabras de Fernando Simón de cando dixo «non imos ben», aínda que quixo deixar claro que estamos «lonxe» da situación de marzo. Mostrouse convencido de poder volver dobregar a curva e pediu novamente responsabilidade aos cidadáns. Destacou o gran aumento das PCR, un 168%, respecto a os peores meses da pandemia.