DOUS FERIDOS NUN ACCIDENTE EN CAMBADOS

Durante a noite deste luns a martes producíase un accidente de tráfico na PO-300, ao seu paso pola parroquia de Oubiña no municipio de Cambados. Un lugar onde habitualmente se producen accidentes. Algúns deles con falecidos.

A Garda Civil de Tráfico investiga as causas de como a condutora perdeu o control do turismo e o vehículo saía da vía caendo a parte dianteira sobre a cuneta. Os dous ocupantes,  M. M. P., de 21 anos e o copiloto A.A.M., de 18 anos, sufriron dor cervical e dorsal. No caso do acompañante tamén se queixaba de dor lumbar, información facilitada polo Servizo de  Emerxencias do Concello de Cambados.

Ambos foron evacuados ao Hospital do Salnés pola ambulancia do 061. Ata o lugar  se desprazaba unha patrulla da Garda Civil de Tráfico, que instrúe dilixencias sobre o accidente e os mencionados anteriormente, ambulancia do 061 e as Emerxencias do Concello de Cambados.