Galicia alcanza a cifra de 638 falecidos por coronavirus mentres segue incrementándose a cifra de casos activos, situada xa en 3.294, imparable a alza de contaxios tras superarse este venres a barreira dos 3.000 nesta segunda onda do Covid.
Así mesmo, segundo informou a Consellería de Sanidade, soben en 155 (303 sumando os curados e os dous óbitos) os casos activos computados na Comunidade, ata situarse en 3.294, tras incrementarse en todas as áreas sanitarias.
Segundo informa a Consellería de Sanidade, as dúas últimas mortes polo virus corresponden a unha muller de 85 anos, ingresada no CHUAC coruñés, e un home de 71, no CHUO ourensán, ambos con patoloxías previas. A véspera perdía a vida un home de 93 anos, ingresado no Hospital de Monforte e usuario da residencia xeriátrica do Incio, ambos na provincia de Lugo.
Dos 3.294 activos, 1.376 corresponden á área da Coruña e Cee --25 máis que este venres--; 604 á de Lugo --57 máis--; 473 á de Santiago --23 máis--; 209 á de Vigo --20 máis--; 205 á de Pontevedra e O Salnés --18 máis--; 300 á de Ourense --oito máis--; e 127 á de Ferrol --catro máis--.
Os pacientes en UCI pasan de 12 a 15, e en planta, de 100 a 112. Segue paulatinamente subindo a presión asistencial, por máis que Galicia sexa unha das tres comunidades con menor ocupación de camas Covid. Curáronse xa 12.438 persoas, o que mostra un importante volume de altas nas últimas 24 horas: 146. Máis da metade producíronse na área coruñesa: 95.
Xa se realizaron 327.257 PCR, detalla o Sergas, con máis de 600.000 probas, sumando as súas distintas modalidades, practicadas desde o inicio da pandemia.
No hay comentarios:
Publicar un comentario
NON SE PUBLICARÁN COMENTARIOS ANÓNIMOS. SI O COMENTARISTA QUERE PERMANECER NO ANONIMATO, NON SE PUBLICARÁ O NOME.