OS DATOS DE HOXE DESMINTEN A FEIJÓO E SUBEN OS CONTAXIOS

O número de positivos por coronavirus na área sanitaria de Lugo, que acumula xa o groso dos casos da Comunidade, aumentou en 15 persoas desde o último balance coñecido. Atendendo á actualización publicada polo Sergas, son xa 166 os afectados pola Covid nesta xerencia sanitaria, moi probablemente vinculados ao rebrote que mantén a 70.000 persoas da comarca da Mariña illadas desde o pasado luns. De eses 166, 144 foron localizados na Mariña. 23 máis que onte.

Onte o sr. Feijó presumía de eficencia nas medidas tomadas pola Xunta na Mariña Lucense. Hoxe que os casos dobran aos datos de onte, que dirá? Do global de casos activos en toda Galicia, un total de 245, 25 pertencen á xerencia sanitaria da Coruña, 166 á de Lugo, 2 á de Ourense, 3 á de Pontevedra, 34 á de Vigo, 13 á de Santiago e 2 á de Ferrol. Estes datos afianzan a tendencia á baixa que comparten todas as áreas (fóra da lucense), onde o número de positivo descende cada día, estando a piques de desaparecer en tres delas. Máis de 10.000 curados Do total de pacientes infectados, 7 están ingresados, aínda que ningún necesitou ser trasladado ás UCIS, que están a piques de cumprir un mes libres de Covid. Polo momento, en Galicia hai 10.844 persoas curadas e 619 falecidos por mor da pandemia. O número de PCRs realizadas alcanza xa as 204.328.