O GOBERNO DE CAMBADOS REÚNESE COA ANPA DO CEIP
ANTONIO MAGARIÑOS EN RELACIÓN COS RECORTES DE LIÑAS PROXECTADOS POLA
CONSELLERÍA DE EDUCACIÓN NO CENTRO
O goberno local amosou o seu apoio e compromiso
coas reivindicacións dos pais e nais.
Ante a o anuncio da Consellería de
Educación de que dous centros escolares de Cambados, o CEIP Antonio Magariños e
a EEI A Pastora, van perder varias liñas de formación, o Goberno de Cambados
reuniuse coa ANPA do colexio Magariños para escoitar a súa posición ó respecto, así como a da Anpa de A
Pastora, e escoitou tamén as reivindicacións da comunidade educativa de ambos centros de ensino.
Tras a xuntanza,
celebrada na casa consistorial na tarde de onte, o concello de Cambados trasladoulles
o seu total apoio para evitar estes recortes, perxudiciais para o alumnado en
calquera circunstancia, pero máis aínda de levarse a cabo nun curso marcado
pola pandemia causada pola COVID 19, durante a cal se deben estremar as precaucións e implementar
medidas tendentes a reducir o tamaño dos grupos, o que axudaría a limitar os
contaxios.
Cos recortes previstos, varias aulas
que actualmente teñen menos de 15 alumnos pasarían a ter máis de 25, coas
nefastas consecuencias que iso pode supoñer en caso de un brote, pero tamén
diminuíndo a calidade do ensino neses grupos tan numerosos.
Ademáis hai que ter en conta que
en ambos centros o número de matriculados aumenta durante o curso escolar por traslado de
persoas desprazadas, ao tratarse de
Colexios que están no pleno centro de Cambados
A Alcaldesa transmitiulles aos representantes da
ANPA que apoiará a concentración prevista para mañá xoves ás 20.00 h diante
do CEIP Antonio Magariños Pastoriza, baixo o
lema “EN DEFENSA DUNHA EDUCACIÓN PÚBLICA, SEGURA E DE CALIDADE. NON AOS
RECORTES NO CEIP ANTONIO MAGARIÑOS E NA EEI A PASTORA. Tamén se comprometeu a
tomar un acordo de goberno sobre o asunto na próxima Xunta de Goberno e darlle
traslado do mesmo á Consellería, para que reconsideren a súa postura e dean
marcha atrás nos recortes anunciados e no incremento das
ratios por aula, totalmente desaconsellados polo propio Ministerio de Educación en aras de controlar e como medida de contención ante un hipotético brote de Coronavirus no comezo do vindeiro
curso escolar.
No hay comentarios:
Publicar un comentario
NON SE PUBLICARÁN COMENTARIOS ANÓNIMOS. SI O COMENTARISTA QUERE PERMANECER NO ANONIMATO, NON SE PUBLICARÁ O NOME.